ரூ.13,990-விலையில் களமிறங்கிய ட்ரூவிஷன் ஸ்மார்ட் டிவி.!:விமர்சனம்.!

வடிவமைப்பு:

32-இன்ச் ட்ரூவிஷன் tw3262 ஆண்ட்ராய்டு ஸ்மார்ட் டிவி மாடல் பொதுவாக முழு எச்டி டிஸ்பிளே வடிவமைப்பைக் கொண்டுள்ளது, அதன்பின்பு 1080 பிக்சல் திர்மானம் மற்றும் 16:9 என்ற திரைவிகிதம் அடிப்படையில் வெளிவந்துள்ளது. குறிப்பாக சிறந்த திரை அனுபவம் கொடுக்கும் வகையில் இந்த ஸ்மார்ட் டிவி மாடல் வெளிவந்துள்ளது என்பது குறிப்பிடத்தக்கது.

அதேபோல் இந்த சாதனத்தின் இணைப்பு ஆதரவுகளை பற்றி பேசுகையில், விஜிஏ-அவுட்புட், 2யுஎஸ்பி போர்ட், ஆடியோ-வீடியோ அவுட்புட், 2எச்டிஎம்ஐ போர்ட், 3.5எம்.எம் ஆடியோ ஜாக் போன்ற பல்வேறு இணைப்பு ஆதரவுகள் உள்ளது. மேலும் செல்போன் மற்றும் கீபோர்ட் சாதனங்களை கூட இந்த ஸ்மார்ட் டிவியுடன் இணைத்து பயன்படுத்த முடியும்.

மென்பொருள்:

புதிய ட்ரூவிஷன் ஸ்மார்ட் டிவி மாடலின் மென்பொருள் அம்சத்திற்கு அதிக கவனம் செலுத்தப்பட்டுள்ளது, அதன்படி ஆண்ட்ராய்டு இயங்குதளம் அடிப்படையாக கொண்டு இந்த ஸ்மார்ட் டிவி வெளிவந்துள்ளது, எனவே இயக்கத்திற்கு மிகவும் அருமையாக இருக்கும் என்று கூறப்படுகிறது. மேலும் கூகுள் பிளே ஸ்டோர்களில் உள்ள வீடியோ செயலிகளை இந்த ஸ்மார்ட் டிவியில் பதிவிறக்கம் செய்து பயன்படுத்த முடியும். பின்பு எப்போதும் போல் சாதரண ரீமோட் மட்டுமே இந்த ஸ்மார்ட் டிவி மாடலுக்கு வழங்கப்பட்டுள்ளது.

சிறந்த திரைஅனுபவம்:

ட்ரூவிஷன் நிறுவனம் அறிமுகம் செய்துள்ள புதிய ஸ்மார்ட் டிவி சிறந்த கலர் அம்சம் மற்றும் திரைஅனுபவம் கொடுக்கும் வகையில் வெளிவந்துள்ளது, ஆனால் சியோமி ஸ்மார்ட் டிவியில் உள்ள பேக்லைட் அம்சம் மற்றும் சில அம்சங்கள் tw3262 ஆண்ட்ராய்டு ஸ்மார்ட் டிவியில் இல்லை. இருந்த போதிலும் பட்ஜெட் விலையில் வாங்கச் சிறந்த ஸ்மார்ட் டிவியாக tw3262 ஸ்மார்ட் டிவி உள்ளது.

விலை:

ட்ரூவிஷன் நிறுவனத்தின் tw3262 ஆண்ட்ராய்டு ஸ்மார்ட் டிவி மாடலின் விலைப் பொறுத்தவரை ரூ.13,990-ஆக உள்ளது, மேலும் எல்ஜி, சாம்சங் போன்ற நிறுவனங்களின் ஸ்மார்ட் டிவி மாடல்களை விட குறைவாக தான் இருக்கிறது.