பட்ஜெட் விலையில் சோனி நிறுவனத்தின் இயர்போன்கள் அறிமுகம்.!

அருமையாக ஆடியோ அனுபவத்தை வழங்கும்

இந்த புதிய மாடல்கள் சோனி WI-C310 மற்றும் சோனி WI-C200 என்ற பெயரில் அறிமுகமாகி உள்ளது. மேலும் அருமையாக ஆடியோ அனுபவத்தை வழங்கும் வகையில் அதிநவீன அம்சங்களை கொண்டிருக்கின்றன.

சோனி விற்பனை மையங்களில் விற்பனை செய்யப்படும்

இப்போது அறிமுகம் செய்யப்பட்டுள்ள புதிய இயர்போன்களில் பிளாஸ்டிக் நெக்பேண்டிற்கு மாற்றாக இரண்டு இயர்பட்களை இணைக்க வெறும் வையர் மட்டுமே வழங்கப்பட்டு இருக்கிறது. குறிப்பாக இந்த சாதனங்கள் இந்தியா முழுவதும் இயங்கி வரும் சோனி விற்பனை மையங்களில் விற்பனை செய்யப்படும் என்று தெரிவிக்கப்பட்டுள்ளது.

எடை மிக குறைவாக இருக்கிறது

குறிப்பாக இந்த இரண்டு இயர்போன்களும வெறும் 15கிராம் எடை கொண்டுள்ளது, பின்பு நெக்பேண்ட் இல்லாததால் இரு ஹெட்போன்களின் எடையும் மிக குறைவாக இருக்கிறது. இதனால் இசையை தொடர்ச்சியாக நீண்ட நேரம் கேட்டு ரசிக்கலாம்.

குவிக் சார்ஜ் வசதி

சோனி WI-C310 மற்றும் WI-C200 இயர்போன்கள் 15மணி நேரத்திற்கு பிளேபேக் வசதியும் குவிக் சார்ஜ் வசதியும் கொண்டுள்ளது. பேட்டரி குறையும் போது இயர்போன்களை பத்து நிமிடங்களுக்கு சார்ஜ் செய்தால் 60நிமிடங்களுக்கு பிளேபேக் கிடைக்கும் என்று தெரிவிக்கப்பட்டுள்ளது.

இன்-லைன் ரிமோட்

இந்த இரண்டு சாதனங்களிலும் யுஎஸ்பி டைப்-சி போர்ட் வழங்கப்பட்டுள்ளது, அதேசமயம் இரண்டு இயர்போன்களிலும் 9எம்எம் டிரைவர் யுனிட்டகள் வழங்கப்படுகிறது. பின்பு இந்த சாதனங்களில் மூன்று பட்டன்கள் மற்றும் இன்-லைன் ரிமோட்
வழங்கப்பட்டுள்ளது.

கூகுள் அசிஸ்டண்ட் அல்லது சிரி

சோனி WI-C310 இயர்போனின் உண்மை விலை ரூ.2,990-ஆக உள்ளது.சோனி WI-C200 இயர்போனின் விலை ரூ.2,490-ஆக உள்ளது. மேலும் இதன் மத்தியில் இருக்கும் பட்டனை கிளிக் செய்து அழைப்புகளை ஏற்கவும், கூகுள் அசிஸ்டண்ட் அல்லது சிரி போன்ற சேவைகளை இயக்கலாம்