சோனியின் மலிவு விலை பாக்கெட் ஏசி-இனி ஜில்ஜில் கூல்கூல் தான்.!

பாக்கெட் ஏசி :

சோனி நிறுவனம் சுமார் 9 ஆயிரம் ரூபாய் விலையில் பாக்கெட் ஏ.சி.யை அறிமுகப்படுத்தியுள்ளது.

கொளுத்தும் வெயிலில் தாக்கத்தில் இருந்து தப்பிக்க ஸ்மார்ட்போனை விட சிறிய ஏ.சி.யை சோனி நிறுவனம் அறிமுகப்படுத்தியுள்ளது.

சட்டைக்குள் வைக்கலாம்:

சட்டைக்குள் அணியக் கூடிய வகையில் S, M, மற்றும் L சைஸ்களில் பிரத்யேக டி சர்ட்டும், அதனுள் குட்டி ஏ.சி.யை வைத்துக் கொள்ளத் தேவையான பாக்கெட்டும் இருக்கும்.

ஸ்மார்ட்போனில் கட்டளை:

இதை அணிந்து அதற்கு மேல் சட்டை அணிந்து கொண்டால் ஏ.சி.யின் ஜில்லென்ற காற்று ஆடைக்குள்ளேயே உலவும். இதனால் வெப்பத்தின் தாக்கத்தில் இருந்து தப்பிக் கொள்ளலாம். ஏ.சியின் கூலிங்கை புளூடூத் மூலம் ஸ்மார்ட்போனில் கட்டுப்படுத்தலாம்.

பேட்டரி சேமிப்பு வசதி:

ரீசார்ஜபிள் பேட்டரியில் 2 மணி நேரம் சார்ஜ் போட்டால் ஒன்றரை மணி நேரம் வரை ஏ.சி.யை இயக்கலாம். இந்த பாக்கெட் ஏ.சி.யை சோனி நிறுவனம் இந்திய மதிப்பில் 8 ஆயிரத்து 992 ரூபாய் விலையில் அறிமுகப்படுத்தியுள்ளது.

ஹெல்மெட்டில் பயன்படுத்தாலம்:

நாம் வாகனங்களில் செல்லும் போது, அதுவும் வெயில் காலங்களில் செல்லும் போது ஹெல்மெட் பயன்படுத்துவோம். அப்போது, வெப்பம் அதிகமாக இருக்கும். இந்த சிறிய ஏசியை பயன்படுத்துவதால், நமக்கு குளிர்ச்சியை தரும்.