"சச்சின் சாகா" வி.ஆர் லிமிடெட் எடிஷன் கேம்.! நீங்களும் சச்சின் ஆகலாம்.!

சச்சின் சாகா கேம்

புது டெல்லியில் சென்ற வாரம் நடைபெற்ற சர்வதேச விளையாட்டு, அனிமேஷன் மற்றும் இன்ஃபோடெயின்மென்ட் ஷோவில், இந்த சச்சின் சாகா கேம் சச்சின் டெண்டுல்கர் தலைமையில் அறிமுகம் செய்யப்பட்டதென்பது குறிப்பிடத்தக்கது.

வி.ஆர் ஹெட்செட்

சச்சின் சாகா கேமிற்கான வி.ஆர் ஹெட்செட், ப்ளூடூத் கண்ட்ரோலர் மற்றும் சச்சின் சாகா கேம் ஆகியவற்றை சச்சின் டெண்டுல்கர் நேரில் அறிமுகம் செய்து வைத்தார். இந்த லிமிடெட் எடிஷன் சச்சின் சாகா கேம் சாதனங்களின் தொகுப்பு அனைத்தும் மொத்தமாக வெறும் ரூ.1,499 க்கு விற்பனை செய்யப்படுகிறது.

பேட்டிங் மற்றும் பௌலிங் திறன்

சச்சின் சாகா கேம் கிரிக்கெட் பிரியர்களுக்கு நம்ப முடியாத ரியல்டைம் கிரிக்கெட் அனுபவத்தை வி.ஆர் கேமிங் மூலம் வழங்குகிறது. இந்த கேமின் மூலம் பயனர்கள் தங்களின் பேட்டிங் மற்றும் பௌலிங் திறன்களைச் சோதித்துப் பார்த்துக்கொள்ளலாம்.

28 விதமான கிரிக்கெட் ஷாட்

உயர் தர கிராபிக்ஸ், நிஜ நிழல் அனுபவம் மற்றும் சச்சின் இன் இயக்கம் போன்ற சேவைகளுடன் சச்சின் சாகா கேம் 28 விதமான கிரிக்கெட் ஷாட்களை கொண்டு வெளியிடப்பட்டுள்ளது. இந்த லிமிடெட் எடிஷன் சச்சின் சாகா கேம் vr.sachinsaga.com என்ற பிரத்தியேக வலைத்தளத்தில் விற்பனைக்குக் கிடைக்கிறது.

கிரிக்கெட் ரசிகர்கள் மத்தியில் வைரல்

சச்சின் சாகா கேம், 100 லெஜெண்ட் மோடு மேட்ச்கள் மற்றும் குயிக் மேட்ச் அனுபவத்தை வழங்குகிறது. இத்துடன் ஆன்லைன் நேருக்கு நேர் மல்டிபிளேயர் மேட்ச்கான அனுபவத்தையும் வழங்குகிறது. தற்பொழுது இந்த கேம் கிரிக்கெட் ரசிகர்கள் மத்தியில் வைரல் ஆகி வருகிறது.

3,000 க்கும் மேற்பட்ட கேமிங் பயன்பாடு

சச்சின் சாகா வி.ஆர் லிமிடெட் ஹெட்செட், சச்சின் சாகா கேமிற்கு மட்டும் வராமல், கூகுள் பிளே ஸ்டோருடன் இணக்கமான 3,000 க்கும் மேற்பட்ட கேமிங் செயலிகள், வீடியோக்கள், கல்வி மற்றும் ஆய்வு பயன்பாடுகள் ஆகியவற்றுடன் செயல்படும்படி உருவாக்கப்பட்டுள்ளது.