செப்டம்பர் 17: இந்தியாவில் 70-இன்ச் ரெட்மி ஸ்மார்ட் டிவி அறிமுகம்.!

செப்டம்பர் 17

அன்மையில் சியோமியின் அதிகாரப்பூர்வ இந்திய ட்விட்டர் கணக்கில் டி.வி. தோன்றுவதைக் காட்டும் டீசரைப் பகிர்ந்துள்ளது. அதில் செப்டம்பர் 17 ஆம் தேதி 'ஸ்மார்ட்டர் லிவிங் 2020' வெளியீட்டு தேதியை முக்கியமாக குறிப்பிட்டுள்ளது. இருந்தபோதிலும் சியோமி இன்னும் இந்த புதிய தயாரிப்பின் பெயரை வெளியிடவில்லை.

ரெட்மி 70-இன்ச் ஸ்மார்ட் டிவி ஆனது 4கே மற்றும் எச்டிஆர் ஸ்கிரீன் ஆதரவைக் கொண்டு வெளிவந்துள்ளது, பின்பு 6-வது தலைமுறை அம்லோஜிக் 64-பிட் சிப்செட்இ ஒரு கார்டெக்ஸ்-ஏ 53 குவாட்-கோர் சிபியு வசதியைக் கொண்டுள்ளது இந்த அட்டகாசமான ஸ்மார்ட் டிவி.

இந்த ரெட்மி 70-இன்ச் 4கே ஸ்மார்ட் டிவி 1.5ஜிகிஹெர்ட் மாலி-450 எம்பி3 ஜிபியு வசதியுடனும் வெளிவந்துள்ளது, பின்பு 2ஜிபி ரேம் மற்றும் 16ஜிபி உள்ளடக்க மெமரி ஆதரவுகளுடன் இந்த சாதனம் வெளிவந்துள்ளது என்பது குறிப்பிடத்தக்கது.

ரெட்மி 70-இன்ச் 4கே ஸ்மார்ட் டிவியில் டூயல் பேண்ட் வைஃபை, புளூடூத் 4.2., மூன்று எச்.டி.எம்.ஐ போர்ட்கள், இரண்டு யூ.எஸ்.பி போர்ட்கள், ஈதர்நெட் போர்ட், எஸ் ஃ பி.டி.ஐ.எஃப் மற்றும் ஏ.வி போர்ட்கள் உள்ளன. குறிப்பாக சியோமி டிவியில் இருக்கும் பேட்ச்வால் யுஐ வசதி இந்த ஸ்மார்ட் டிவி சாதனத்திலும் இடம்பெற்றுள்ளது.

ரெட்மி 70-இன்ச் 4கே ஸ்மார்ட் டிவியில் மேம்பட்ட ஆடியோவிற்கு டால்பி ஆடியோ மற்றும் டிடிஎஸ்-எச்டி ஆதரவு உள்ளது என்பது குறிப்பிடத்தக்கது. மேலும் இந்த ஸ்மார்ட் டிவியின் இந்திய விலை மதிப்பு ரூ.38,600-ஆக உள்ளது.