கம்மி விலையில் ஸ்மார்ட்வாட்ச் தேடுறீங்களா? கொஞ்சம் வெயிட் பண்ணுங்க..வருது OnePlus வாட்ச்!

ஒன்பிளஸ் நோர்ட் ஸ்மார்ட்வாட்ச்

இந்நிலையில் ஒன்பிளஸ் நிறுவனம் கம்மி விலையில் புதிய ஒன்பிளஸ் நோர்ட் ஸ்மார்ட்வாட்ச் மாடலை (OnePlus Nord Watch) இந்தியாவில் அறிமுகம் செய்ய உள்ளதாக தகவல் வெளிவந்துள்ளது. குறிப்பாக குறைந்த விலையில் இந்நிறுவனம் ஸ்மார்ட்வாட்ச் மாடலை அறிமுகம் செய்யும் என்பதால் அதிக எதிர்பார்ப்புகளை உருவாக்கியுள்ளது.

எப்போது அறிமுகம்?

அதேபோல் ஒன்பிளஸ் நிறுவனத்தின் புதிய ஒன்பிளஸ் நோர்ட் ஸ்மார்ட்வாட்ச் ஆனது பியூரோ ஆப் இந்தியன் ஸ்டேண்டர்ட்ஸ் (BIS) வலைதளத்தில் இடம்பெற்று உள்ளது. குறிப்பாக இந்த ஸ்மார்ட் வாட்ச் வரும் மாதங்களில் அறிமுகமாகும் என்று தகவல் தெரிவிக்கப்பட்டுள்ளது.

முதல் ஸ்மார்ட்வாட்ச் ?

ஏற்கனவே இரண்டு ஸ்மார்ட் வாட்ச்களை அறிமுகம் செய்துள்ளது ஒன்பிளஸ் நிறுவனம். இனி வருவது மூன்றாவது ஸ்மார்ட்வாட்ச் மாடலாகும். பின்பு இது நோர்ட் பிராண்டிங் உடன் அறிமுகம் செய்யப்பட உள்ள முதல் ஸ்மார்ட்வாட்ச் என்பது குறிப்பிடத்தக்கது. மேலும் இந்த ஸ்மார்ட்வாட்ச்மாடலின் சில அம்சங்கள் ஆன்லைனில் கசிந்துள்ளது, அதை சற்று விரிவாகப் பார்ப்போம்.

24x7 இதய துடிப்பு மானிட்டர்

இணையத்தில் வெளிவந்த தகவலின்படி, ஒன்பிளஸ் நிறுவனத்தின் புதிய நோர்ட் ஸ்மார்ட்வாட்ச் ஆனது 42mm மற்றும் 46mm என்ற இருவித அளவுகளில்அறிமுகம் செய்யப்படும் என்று தகவல் தெரிவிக்கப்பட்டுள்ளது. பின்பு இதில் 24x7 இதய துடிப்பு மானிட்டர், ஸ்லீப் மாணிட்டர், பீடோமீட்டர், ஸ்டெப் கவுண்ட்டர், SpO2 மாணிட்டர் போன்ற பல வசதிகள் உள்ளதாக கூறப்படுகிறது.

அதேபோல் இந்த ஒன்பிளஸ் நோர்ட் ஸ்மார்ட்வாட்ச் மாடலில் வட்ட வடிவ டையல் வழங்கப்படும் என்று தெரிவிக்கப்பட்டுள்ளது. பின்பு இரண்டு நிறங்களில் புதிய ஒன்பிளஸ் ஸ்மார்ட்வாட்ச் அறிமுகமாகும் என்று தெரிவிக்கப்பட்டுள்ளது. மேலும் இது பிரத்யேக இயங்குதள வசதியுடன் வெளிவரும் என்பது குறிப்பிடத்தக்கது.

இந்நிறுவனம் ஏற்கனவே அறிமுகம் செய்த ஒன்பிளஸ் 10ஆர் 5ஜி ஸ்மார்ட்போனுக்கு இந்தியாவில் நல்ல வரவேற்பு கிடைத்துள்ளது. இப்போது அந்த ஒன்பிளஸ் 10ஆர் 5ஜி போனின் அம்சங்களைப் பார்ப்போம்.

ஒன்பிளஸ் 10ஆர் 5ஜி

ஒன்பிளஸ் 10ஆர் 5ஜி ஸ்மார்ட்போன் ஆனது 6.7-இன்ச் ஃபுல் எச்டி பிளஸ் AMOLED டிஸ்பிளே வசதியைக் கொண்டுள்ளது. பின்பு 2400 X 1080 பிக்சல்கள், 20:9 ரேஷியோ, 120 ஹெர்ட்ஸ் ரெஃப்ரெஷ் ரேட் மற்றும் சிறந்த பாதுகாப்பு வசதியை கொண்டுள்ளது ஒன்பிளஸ் 10ஆர் 5ஜி

Dimensity 8100 Max சிப்செட்

மீடியாடெக் Dimensity 8100 Max சிப்செட் வசதியைக் கொண்டுள்ளது இந்த ஒன்பிளஸ் 10ஆர் 5ஜி ஸ்மார்ட்போன். குறிப்பாக கேமிங், வீடியோ எடிட்டிங் போன்ற அனைத்து தேவைகளுக்கு இந்த சாதனம் மிக அருமையாக பயன்படும். அதேபோல் ஆண்ட்ராய்டு 12 இயங்குதள வசதியைக் கொண்டுள்ளது இந்த ஒன்பிளஸ் 10ஆர் 5ஜி போன்.

ட்ரிபிள் ரியர் கேமரா

ஒன்பிளஸ் 10ஆர் 5ஜி ஸ்மார்ட்போன் 50எம்பி Sony IMX766 பிரைமரி சென்சார் + 8எம்பி அல்ட்ரா வைடு ஆங்கிள் லென்ஸ் + 2எம்பி மேக்ரோ லென்ஸ் என்கிற ட்ரிபிள் ரியர் கேமரா செட்டப்பை கொண்டுள்ளது. பின்பு செல்பீகளுக்கும், வீடியோகால் அழைப்புகளுக்கும் என்றே இஐஎஸ் ஆதரவு கொண்ட 16எம்பி கேமரா இதில் உள்ளது.

பாஸ்ட் சார்ஜிங் ஆதரவு

ஒன்பிளஸ் 10ஆர் 5ஜி ஸ்மார்ட்போனில் 5000 எம்ஏஎச் பேட்டரி பொருத்தப்பட்டுள்ளது. எனவே நீண்ட நேரம் பேட்டரி பேக்கப் கிடைக்கும். எனவே நீங்கள் அதிகநேரம் கேம் விளையாடலாம். அதேபோல் 80W SuperVOOC பாஸ்ட் சார்ஜிங் ஆதரவும் கொண்டுள்ளது இந்த ஒன்பிளஸ் போன். குறிப்பாக இந்தசாதனம் ஃபாரஸ்ட் கிரீன் மற்றும் சியரா பிளாக் நிறங்களில் கிடைக்கிறது.

அதேபோல் அமேசான் தளத்தில் தற்போது இந்த ஒன்பிளஸ் 10ஆர் 5ஜி ஸ்மார்ட்போனுக்கு சிறப்பு சலுகை அறிவிக்கப்பட்டுள்ளது. எனவே பல்வேறு மக்கள் இந்த சலுகையை பயன்படுத்துவார்கள் என எதிர்பார்க்கப்படுகிறது.