329 கிராமில் 80 மணிநேர பேட்டரி, ANC.. ஆபர் விலையில் Nothing Headphone 1 விற்பனை.. ஜூலை 15 முதல்!

கடந்த ஜூலை 1 ஆம் தேதி இந்தியாவில் அறிமுகம் செய்யப்பட்ட நத்திங் ஹெட்போன் 1 ஓவர்-தி-இயர் ஹெட்போன்ஸ் ஆனது ஜூலை 15 ஆம் தேதி முதல் விற்பனைக்கு வருகிறது. இந்த விற்பனையின் பொது இது அசல் அறிமுக விலைக்கு பதிலாக ஆபர் விலையில் வாங்க கிடைக்கும். என்ன விலை? என்னென்ன அம்சங்கள்? வாருங்கள் விரிவாக பார்ப்போம்.

நத்திங் ஹெட்போன் 1 அசல் விலை என்ன? ஆபர் விலை என்ன? இந்தியாவில் நத்திங் ஹெட்போன் 1 (Nothing Headphone 1) மாடலின் விலை ரூ.21,990 என்று நிர்ணயிக்கப்பட்டுள்ளது. இது ஜூலை 15 ஆம் தேதி முதல் பிளிப்கார்ட், பிளிப்கார்ட் மினிட்ஸ், விஜய் சேல்ஸ், மின்த்ரா, குரோமா மற்றும் முன்னணி சில்லறை விற்பனை கடைகள் வழியாக வாங்க கிடைக்கும்.

பிளாக் மற்றும் ஒயிட் கலர்களில் அறிமுகம் செய்யப்பட்டுள்ள நத்திங் ஹெட்போன் 1 மாடல் மீதான அறிமுக சலுகையை பொறுத்தவரை, ஜூலை 15 ஆம் தேதி நடக்கும் முதல் நாள் விற்பனையின் போது வாங்கினால் ரூ.21,990 க்கு பதிலாக ரூ.19,999 என்கிற ஆபர் விலையில் வாங்க கிடைக்கும் என்று நத்திங் நிறுவனம் அறிவித்துள்ளது.

நத்திங் ஹெட்போன் 1 முக்கிய அம்சங்கள்:
- ஓவர் தி இயர், ட்ரான்ஸ்பரென்ட் டிசைன்
- நடுவில் சற்று உயர்த்தப்பட்ட ஓவல் மாட்யூல்
- 40 மிமீ டைனமிக் டிரைவர்ஸ்
- 42dB ANC வரையிலான ஆதரவு
- டிரான்ஸ்பரன்சி மோட்
- KEF ஆடியோ பொறியாளர்களால் ட்யூன் செய்யப்பட்டுள்ளது
- 4 மைக்ரோஃபோன் உடனான ENC மோட்

- ப்ளூடூத் 5.3 மற்றும் AAC, SBC மற்றும் LDAC ஆடியோ கோடெக் ஆதரவு
- டூயல் டிவைஸ் கனெக்டிவிட்டி ஆதரவு
- Android 5.1 மற்றும் iOS 13 அல்லது அதற்கு மேலான ஓஎஸ்-களுடன் இணக்கம்
- டச் கண்ட்ரோல்களுக்கு பதிலாக ஹெட்போன்களில் தொட்டுணரக்கூடிய பட்டன்கள்
- ஒலியளவை சரிசெய்ய, மீடியாவை மாற்ற மற்றும் ANC முறைகளுக்கு இடையில் மாற ரோலர், பேடில் மற்றும் ஒரு பட்டன்

- 1,040mAh பேட்டரி
- - USB டைப்-சி போர்ட்
- 120 நிமிடங்களில் முழுமையாக சார்ஜ் ஆகும்
- 3.5 மிமீ ஆடியோ ஜாக்
- ANC இல்லாமல் ஐந்து நிமிட பாஸ்ட் சர்ஜிங்கில் 5 மணிநேரம் வரை பிளேபேக்

- ANC இல்லாமல் AAC ஆடியோவை இயக்கும்போது ஒரு முறை சார்ஜ் செய்தால் 80 மணிநேரம் வரை பேட்டரி லைஃப்
- ANC இல்லாமல் மற்றும் LDAC ஆடியோவை இயக்கும்போது 54 மணிநேர பேட்டரி லைஃப்
- ANC இயக்கப்பட்டிருந்தால் AAC ஆடியோவை கேட்கும்போது 35 மணிநேர பேட்டரி லைஃப்
- LDAC கோடெக்கை பயன்படுத்தும் போது 30 மணிநேர பேட்டரி லைஃப்
- அளவீட்டில் 1 173.8x78x189.2 மிமீ
- எடையில் 329 கிராம்
- நத்திங் ஹெட்போன் 1 ஆனது ஒரு சாஃப்ட்ஷெல் ஸ்டோரேஜ் கேஸுடன் வருகின்றன.

ஜூலை 15 ஆம் தேதியன்று நத்திங் போன் 3 ஸ்மார்ட்போனும் ஆபர் விலைக்கு கிடைக்கும். நத்திங் போன் 3 ஸ்மார்ட்போனின் 12ஜிபி ரேம் + 256ஜிபி இன்டர்னல் ஸ்டோரேஜ் ஆப்ஷன் ரூ.79,999 க்கும் மற்றும் 16ஜிபி ரேம் + 512ஜிபி இன்டர்னல் ஸ்டோரேஜ் ஆப்ஷன் ரூ.89,999 க்கும் அறிமுகம் செய்யப்பட்டு உள்ளது.

ஆனால் பேஸிக் 12ஜிபி ரேம் ஆப்ஷன் ஆனது பேங்க் ஆபர் மற்றும் எக்ஸ்சேஞ் ஆபர் உடன் சேர்துது ரூ.62,999 என்கிற ஆபர் விலையிலும், மறுகையில் உள்ள 16ஜிபி ரேம் ஆப்ஷன் ஆனது பேங்க் ஆபர் மற்றும் எக்ஸ்சேஞ் ஆபர் உடன் சேர்துது ரூ.72,999 என்கிற ஆபர் விலையிலும் வாங்க கிடைக்கும் என்று அறிவிக்கப்பட்டுள்ளது.