Nokia டிவி பாக்ஸ் இந்தியாவில் அறிமுகமா? என்ன இருக்கு இந்த ஆண்ட்ராய்டு டிவி சாதனத்தில்?

NokiaPowerUser அறிக்கையின்படி, நோக்கியா நிறுவனம் அடுத்த மாதம் இந்த புதிய டிவி பாக்ஸை இந்தியாவில் வெளியிடும் என்று தெரிவித்துள்ளது. நோக்கியாவின் இந்த புதிய சாதனம் பிளிப்கார்ட் தளத்தில் விற்பனைக்குக் கொண்டுவரப்படும் என்றும் தெரிவிக்கப்பட்டுள்ளது. புதிய டிவி பாக்ஸ் ஆண்ட்ராய்டு டிவி 9.0 இயங்குதளத்தில் இயங்கும் டிவிகளுடன் இணங்கும் என்று தெரிவிக்கப்பட்டுள்ளது.

இந்த புதிய ஆண்ட்ராய்டு டிவி பாக்ஸ், 1080p ரெசல்யூஷனின் வெளியீட்டைக் கொண்டு வரும் என்றும், இதில் உள்ளமைக்கப்பட்ட Chromecast ஆதரவும் வழங்கப்பட்டுள்ளது என்று தெரிவிக்கப்பட்டுள்ளது. அடுத்த மாதம் விற்பனைக்கு வரவிருக்கும் இந்த நோக்கியா டிவி பாக்சில் கூகிள் அசிஸ்டன்ட் வாய்ஸ் கண்ட்ரோலரும் உள்ளது. நோக்கியாவின் இந்த ஆண்ட்ராய்டு டிவி பாக்ஸ் பற்றிய வேறு எந்த தகவலும் தற்போது சரியாய் தெரியவில்லை.

சமீபத்தில் நோக்கியா நிறுவனம், இந்தியாவில் தனது புதிய ஸ்மார்ட் டிவி மாடலை வெறும் ரூ .31,999 என்ற விலைக்கு அறிமுகப்படுத்தியது என்பதை மறக்க வேண்டாம். நோக்கியா ஸ்மார்ட் டிவி 43' இன்ச் 4K எல்இடி ஸ்மார்ட் ஆண்ட்ராய்டு டிவி ஆண்ட்ராய்டு 9.0 ஆப்பரேட்டிங் சிஸ்டத்தில் இயங்குகிறது மற்றும் உள்ளமைக்கப்பட்ட Chromecast ஆதரவும் இதில் உள்ளது. Google Play Store, நெட்ஃபிலிக்ஸ், அமேசான் பிரைம் வீடியோ, டிஸ்னி + ஹாட்ஸ்டார் ஆதரவுடன் வருகிறது.

நோக்கியா நிறுவனத்தின் ஸ்மார்ட் டிவிகளுக்கு இந்தியச் சந்தையில் நல்ல வரவேற்பு கிடைத்ததைத் தொடர்ந்து, நோக்கிய நிறுவனம் தனது ஆண்ட்ராய்டு டிவி பாக்ஸையும் வெளியிட முடிவு செய்துள்ளது போலத் தெரிகிறது. நோக்கியாவின் இந்த புதிய ஆண்ட்ராய்டு டிவி பாக்ஸ் அடுத்த மாதம் வெளியிடப்படும் என்று எதிர்பார்க்கப்படுவதால், நிச்சயம் அடுத்த சில வாரங்களில் இந்த சாதனம் பற்றிய கூடுதல் தகவல்கள் வெளியிடப்படும் என்று நாம் எதிர்பார்க்கலாம்.