Nokia Purebook X14 லேப்டாப்பின் விலை மற்றும் விற்பனைக்கான முன்பதிவு தேதி இதோ..

| Published: Monday, December 14, 2020, 16:26 [IST]

நோக்கியா நிறுவனம் தனது நோக்கியா லேப்டாப் பிரிவில் புதிதாக நோக்கியா ப்யூர்புக் எக்ஸ் 14 (Nokia Purebook X14) என்ற லேப்டாப்பை அறிமுகம் செய்வதை பிளிப்கார்ட் மூலம் உறுதிப்படுத்தியுள்ளது. இந்த புதிய லேப்டாப்பின் விற்பனை எப்பொழுது துவங்குகிறது? இதன் விலை என்ன? போன்ற தகவல்களை பிளிப்கார்ட் நிறுவனம் தற்பொழுது வெளியிட்டுள்ளது. இந்த லேப்டாப் பற்றிய முழு விபரத்தைப் பார்க்கலாம்.

புதிய நோக்கியா ப்யூர்புக் எக்ஸ் 14

நோக்கியா நிறுவனத்தின் புதிய நோக்கியா ப்யூர்புக் எக்ஸ் 14 டிசம்பர் 18 ஆம் தேதி முதல் பிளிப்கார்ட்டில் முன்கூட்டிய ஆர்டருக்கு கிடைக்கும் என்று நிறுவனம் அறிவித்துள்ளது. நோக்கியா ப்யூர்புக் சீரிஸ் இன் கீழ் மொத்தம் 9 லேப்டாப் மாடல்கள் அறிமுகம் செய்யப்படும் என்று முன்பே தகவல்கள் வெளியாகி இருந்தது. அதன்படி, இப்பொழுது முதல் லேப்டாப் மாடலாக இந்த நோக்கியா ப்யூர்புக் எக்ஸ் 14 அறிமுகம் செய்யப்படுகிறது.

நோக்கியா ப்யூர்புக் எக்ஸ் 14 லேப்டாப் விலை

நோக்கியா ப்யூர்புக் எக்ஸ் 14 லேப்டாப் அறிமுகம் விற்பனை விலையாக ரூ. 59,990 என்ற துவக்க விற்பனை விலையில் கிடைக்கும் என்று நிறுவனம் அறிவித்துள்ளது. இந்த புதிய லேப்டாப் 1.1 கிலோகிராம் எடையுள்ள "அல்ட்ராலைட்" கட்டமைப்பை வழங்குவதாக போஸ்டர் விபரம் தெரிவிக்கிறது. நோக்கியா லேப்டாப் யூ.எஸ்.பி 3.0 மற்றும் எச்.டி.எம்.ஐ போர்ட்டுகளுடன் வருகிறது.

5வது முறையாக மீண்டும் தோன்றிய மோனோலித்.. இம்முறை போலந்தில்.. அடுத்த மர்மம் என்னவோ? 5வது முறையாக மீண்டும் தோன்றிய மோனோலித்.. இம்முறை போலந்தில்.. அடுத்த மர்மம் என்னவோ?