இனி ஹெட்செட் பயன்படுத்த, ஒருமுறைக்கு நூறு முறை யோசிப்பீர்கள்.!

வெளி காதின் கால்வாய் பகுதிகளில்..

பொதுவாக நீங்கள் பூனை அல்லது நாய்களின் காதுகளில் பூச்சிகள் இருக்குமென்பதை பற்றி கேள்விப்பட்டிருக்கலாம். இந்த தொல்லைதரும் சிறிய பிராணிகள், தோலின் மேற்பரப்பில், வெளி காதின் கால்வாய் பகுதிகளில் வாழ்கின்றன.

உங்கள் காதுகளுக்குள்ளும் காதோர பூச்சிகள்.!

இந்த சிறிய பூச்சிகள் வழக்கமாக விலங்குகளிடத்தில் காணப்பட்டாலும், அவை மனிதனின் காதுகளுக்குள்ளும் செல்கின்றன. செல்லப்பிராணிகளோடு உறங்கும் பழக்கம் கொண்டவர்களின் காதுகளில் இவைகளை எளிதாக காணமுடிகிறது. ஆக எக்காரணத்தை கொண்டும் செல்லப்பிராணிகளோடு உறங்கும் நபர்களுடைய ஹெச்செட்தனை பயன்படுத்த வேண்டாம். இல்லையெனில் நீங்களே உங்கள் காதுகளுக்குள்ளும் காதோர பூச்சிகள் நுழைய விடுவீர்கள்.

காதுகளுக்குள் கரப்பான் பூச்சிககளின் முட்டைகளும்; குட்டிகளும்.!

கேட்பதற்கு நடக்காத ஒரு காரியமாக தோன்றலாம். ஆனால், ஒரு நபரின் காதுகளுக்குள் காதோர பூச்சிகளை காண்பதை விட கரப்பான் குட்டிகளை காண்பது மிகவும் பொதுவானவை என்பதே நிதர்சனம். நிச்சயமாக, ஒரு பெரிய கரப்பான் பூச்சியை உங்கள் ஹெட்செட்டில் காணும் போது அதை காதுகளுக்குள் நீங்கள் திணிக்கப்போவதில்லை. ஆனால், ஹெட்செட்களுக்கு கரப்பான் முட்டைகள் இருப்பின்.??

மிக ஆழமான சுத்தம் அவசியம்.!

ஆக, மிக நீண்ட காலம் பயன்படுத்தாத ஹெட்செட்டை வெறுமனே தூசி தட்டினால் மற்றும் பற்றாது என்பதை நினைவில் கொள்ளுங்கள். மிக ஆழமான சுத்தம் அவசியம். முடிந்தால் இயர்பட்ஸ்தனை கழட்டி சுத்தம் செய்யலாம்; அதேசமயம் பிறரின் பழைய ஹெட்செட்களை வாங்கி பயன்படுவதையும் முற்றலும் தவிருங்கள். ஏனெனில் சில விடயங்களை சுத்தம் செய்தாலும் கூட பயன் தராது.

காதோர பூஞ்சை (பங்கஸ்)

எப்போதாவது நீங்கள் காது வலியை உணர்ந்தது உண்டா.? உணர்ந்திருந்தால், அது எவ்வளவு இறுக்கமானதொரு நிகழ்வென்பதை நன்கு அறிந்திருப்பீர்கள். சுமார் ஏழு சதவிகிதம் பேர் தங்கள் காதுகளில் பூஞ்சைக் கொண்டிருக்கிறார்கள்.

ஜலதோஷத்தை போலவே பரவும்.!

முதலில் காதுகளை சுத்தமாக வைத்திருக்கவும் அடுத்தபடியாக எக்காரணத்தை கொண்டும் பிறரின் ஹெட்போன்களை வாங்கி பயன்படுத்த வேண்டாம். நினைவில் வைத்துக்கொள்ளுங்கள் - ஒரு சாதாரண ஜலதோஷத்தை போலவே காதுகளுக்கு இடையே பூஞ்சைகளும் பரவும். ஹெட்செட்தனை பகிர்ந்து கொள்வதொன்றும் மிகப்பெரிய தவறல்ல. அதேசமயம் நியாப்படுத்தும் அளவு அது நிச்சயம் சரியானதும் அல்ல.!

உங்களுக்கான ஹெட்போன்களில் எது நல்லது.? எது மிகவும் தீங்கானது.?

மிகவும் 'டிரெண்டான' மற்றும் மிகவும் சிறிய கருவியான ஹெட்போன்கள் உங்கள் காதுகளுக்கு இசையை மட்டுமே வழங்குகிறது என்று நீங்கள் நினைத்தால் அது உங்கள் அறியாமைக்கு அடையாளம். எப்போதும் கைகளில் மொபைல்போன், காதுகளில் ஹெட்செட் என திரியும் நம்மில் பலருக்கு மொபைல்போன்களும், ஹெட்போன்களும் உடல் உறுப்புகளில் ஒன்றாகிவிட்டது என்றே சொல்லலாம்.

தப்பிக்கும் எளிய வழிமுறைகள் என்ன.?

பிறரை தொந்தரவு செய்யாமல் இசை கேட்க வேண்டும் என்ற தேவைக்காக நம் காதுகளுக்குள் புகத்தொடங்கிய ஹெட்செட்கள் தற்போது சாலையோரம்- பேருந்து - ரயில் - ஸ்கூட்டார் பயணம் தொடங்கி உறங்கும் போது கூட நம் காதுகளுக்குள்ளேயே திணிக்கப்பட்டு கிடக்கின்றன என்பது தான் நிதர்சனம். இவ்வாறான அதிகப்படியான ஹெட்போன் பயன்பாடு நம் காதுகளுக்கு என்னென்ன பக்க விளைவுகளை ஏற்படுத்தும்.? அதிலிருந்து தப்பிக்கும் எளிய வழிமுறைகள் என்ன.?

காது கேட்காமல் போக வாய்ப்பு.?

ஹெட்போன்களில் இருந்து நேரடியாக காதுகளுக்குள் செலுத்தப்படும் 90 டெசிபல் ஒலியானது, காது கேட்பதில் சிக்கல் தொடங்கி காது கேளாமை பிரச்சனை வரை ஏற்படுத்தும். ஒருவர் 5 நிமிடங்களுக்கு விடாது 100 டெசிபல் ஒலியை கேட்கிறார் என்றார் அவருக்கு காது கேட்காமல் போக வாய்ப்பு அதிகம் என்பதும் குறிப்பிடத்தக்கது.

காதிரைச்சல், காது தொற்று மற்றும் காது கேளாமை.!

உங்கள் ஹெட்போன்தனை நீங்கள் மட்டுமே பயன்படுத்தமாட்டீர்கள் அல்லது பிறர் ஹெட்போன்களை சகஜமாக பயன்படுத்தும் பழக்கம் கொண்டவர் நீங்கள் என்றால் உங்களுக்கு எளிதில் காது சார்ந்த தொற்று நோய்கள் ஏற்படும் வாய்ப்பு அதிகம். மிகவும் அடைப்பான ஹெட்செட்கள் உங்களுக்கு மிகவும் அருமையான இசை அனுபவத்தை தரும் அதே நேரம் உங்கள் காதுகளுக்குள் காற்றை அனுப்ப மறுக்கிறது. அது காதிரைச்சல், காது தொற்று மற்றும் காது கேளாமை போன்ற பல பிரச்சினைகளுக்கு வழி வகுக்கும்.

உணர்ச்சி இல்லாத நிலையை அடையும்.!

பெரும்பாலான நேரம் ஹெட்போன் பயன்படுத்திக்கொண்டே இருக்கும் நபர்களுக்கு காதுகள் மிக விரைவில் உணர்ச்சி இல்லாத நிலையை அடையும் என்றும், அதிலிருந்து மீண்டு வர நேரம் பிடிக்கும் என்றும் கூறுகிறது சமீபத்திய ஆய்வறிக்கை ஒன்று. விசித்திரமான மற்றும் அதிகப்படியான சத்தமானது காதுகளில் ஒரு குறிப்பிட்ட கூர்மையான வலியை ஏற்படுத்தும்.

வெளிவரும் மின்காந்த அலைகள்.!

உட்புற காது மூளையோடு நேரடியாக இணைப்பில் உள்ளதால் ஹெட்போன்களில் இருந்து வெளிவரும் மின்காந்த அலைகள் மூளையை மிகவும் பாதிப்படைய வைக்கும். இதனால் மூளை சார்ந்த பிரச்சனைகள் ஏற்படும் என்கிறார்கள் மருத்துவர்கள். ஹெட்போன்களால் ஏற்படும் விபத்துகள். இந்த விளைவு பற்றிய விளக்கமே தேவையில்லை பெரும்பாலான சாலை விபத்துகள் ஏற்பட பிரதான காரணமாய் இருப்பது ஹெட்போன்கள் தான்..!

தப்பிக்கும் வழிமுறை.?

மிகச்சிறிய ஹெட்போன்களை, அதாவது நேரடியாக காதுகளின் ஓட்டைக்குள் செல்லும் அளவில் உள்ள ஹெட்போன்களை தவிரிக்க வேண்டும். காதுகளுக்கு வெளியே இருக்கும்படியான பெரிய ஹெட்போன்களை பயன்படுத்துவது நல்லது. உங்கள் காதுகளில் பிறர் காதுகளின் பாக்டீரியா நுழையாமல் இருக்க பிறரின் ஹெட்செட்களை பயன்படுத்துவதையும் உங்கள் ஹெட்செட்களை பிறருக்கு வழங்குவதையும் தவிர்த்திடுங்கள்.

ரப்பர் கவர் இல்லையெனில்.!

முடிந்தவரை உங்கள் ஹெட்செட்களின் ஸ்பான்ஜ் கவர்/ ரப்பர் கவர்களை மாதத்திற்கு ஒருமுறை மாற்றுவது மிகவும் நல்லது. உங்கள் ஹெட்போன்களில் ஸ்பான்ஜ் கவர் அல்லது ரப்பர் கவர் இல்லையெனில் ஹெட்செட்தனை அடிக்கடி சுத்தம் செய்யும் பழக்கத்தை கையாளுங்கள். நடக்கும் போது, பிற வாகன பயணத்தின் போதும் ஹெட்செட்களை தவிர்த்திடுங்கள், இல்லையெனில் குறைந்த அளவிலான ஒலியை கையாளுங்கள்.