சத்தமின்றி 50-இன்ச் 4கே ஸ்மார்ட் டிவியை அறிமுகம் செய்த OPPO: என்ன விலை?

ஒப்போ கே9எக்ஸ்

இந்நிலையில் புதிய ஒப்போ கே9எக்ஸ் (OPPO K9x) எனும் 50-இன்ச் ஸ்மார்ட் டிவியை சீனாவில் அறிமுகம் செய்துள்ளது ஒப்போ நிறுவனம்.
குறிப்பாக இந்த ஸ்மார்ட் டிவி நாம் எதிர்பார்க்கும் அனைத்து அம்சங்களுடன் வெளிவந்துள்ளது என்றுதான் கூறவேண்டும்.

விரைவில் ஒப்போ கே9எக்ஸ் ஸ்மார்ட் டிவி அனைத்து நாடுகளிலும் அறிமுகமாகும் என்று எதிர்பார்க்கப்படுகிறது. இப்போது இந்த ஸ்மார்ட்
டிவியின் அம்சங்களை சற்று விரிவாகப் பார்ப்போம்.

சிறந்த பாதுகாப்பு வசதி

ஒப்போ நிறுவனம் அறிமுகம் செய்துள்ள ஒப்போ கே9எக்ஸ் ஸ்மார்ட் டிவி ஆனது 50-இன்ச் ஸ்கிரீன் மற்றும் LED-backlit பேனல் ஆதரவைக்
கொண்டுள்ளது. பின்பு இந்த ஸ்மார்ட் டிவி 4கே ரெசல்யூசன் ஆதரவுடன் வெளிவந்துள்ளதால் ஒரு நல்ல திரை அனுபவத்தை கொடுக்கும்.

மேலும் கண்களுக்கு சிறந்த பாதுகாப்பு வசதியைக் கொடுக்கும் blue-light reducing தொழில்நுட்ப ஆதரவைக் கொண்டுள்ளது இந்தஅசத்தலான ஒப்போ ஸ்மார்ட் டிவி.

16ஜிபி இன்டர்னல் ஸ்டோரேஜ்

அதேபோல் இந்த ஒப்போ கே9எக்ஸ் ஸ்மார்ட் டிவி 280 நிட்ஸ் ப்ரைட்னஸ் மற்றும் எச்டிஆர் ஆதரவுடன் வெளிவந்துள்ளது. பின்பு 2ஜிபி ரேம் மற்றும் 16ஜிபி இன்டர்னல் ஸ்டோரேஜ் ஆதரவைக் கொண்டுள்ளது இந்த புத்தம் புதிய ஸ்மார்ட் டிவி மாடல்.

தரமான சிப்செட்

புதிய ஒப்போ ஸ்மார்ட் டிவியில் நாம் எதிர்பார்த்த சிப்செட் வசதி உள்ளது என்றுதான் கூறவேண்டும். அதாவது இந்த ஸ்மார்ட் டிவி மாடலில் தரமான குவாட்-கோர் மீடியாடெக் சிப்செட் வசதி உள்ளது. எனவே இந்த ஸ்மார்ட் டிவியை இயக்குவதற்கு மிகவும் அருமையாக இருக்கும்.

ஆடியோ எப்படி?

20W power rating ஆதரவு கொண்ட டூயல் ஸ்பீக்கர் வசதியைக் கொண்டுள்ளது இந்த ஒப்போ ஸ்மார்ட் டிவி. மேலும் இது டால்பி சவுண்ட் ஆதரவைக் கொண்டுள்ளது. குறிப்பாக இந்த ஸ்மார்ட் டிவி உங்களுக்கு ஒரு தனித்துவமான ஆடியோ அனுபவத்தை வழங்கும்.

கனெக்டிவிட்டி

50-இன்ச் ஒப்போ கே9எக்ஸ் ஸ்மார்ட் டிவி ஆனது ColorOS மூலம் இயங்குகிறது. பின்பு இந்த ஸ்மார்ட் டிவியின் வடிவமைப்புக்கு அதிக கவனம் செலுத்தியுள்ளது ஒப்போ நிறுவனம்.

வைஃபை, யுஎஸ்பி போர்ட், எச்டிஎம்ஐ போர்ட், ஈதர்நெட் போர்ட் போன்ற பல கனெக்டிவிட்டி ஆதரவுகளைக் கொண்டுள்ளது இந்த அசத்தலான ஒப்போ ஸ்மார்ட் டிவி.

என்ன விலை?

50-இன்ச் கொண்ட ஒப்போ கே9எக்ஸ் ஸ்மார்ட் டிவியின் விலை 1399 Yuan (இந்திய மதிப்பில் ரூ.16,400) ஆக உள்ளது. தற்போது இந்த ஸ்மார்ட் டிவி சீனாவில் மட்டுமே விற்பனைக்கு வந்துள்ளது. விரைவில் அனைத்து நாடுகளிலும் அறிமுகம் செய்யப்பட்டு விற்பனைக்கு வரும் என்றுதகவல்
தெரிவிக்கப்பட்டுள்ளது.

மேலும் தொழில்நுட்பம், விண்வெளி மற்றும் அறிவியல் தொடர்பான இன்னும் கூடுதல் சுவாரசியமான செய்திகள் பற்றி அறிந்துகொள்ள எங்கள் கிஸ்பாட் சேனல் உடன் இணைந்திருங்கள். உங்களின் கருத்துக்களை எங்களுடன் பகிர்ந்துகொள்ளுங்கள்.