மோட்டோரோலா 4K ஆண்ட்ராய்டு டிவி ஸ்டிக் இந்தியாவில் அறிமுகம்: விலை இவ்வளவு தானா?

மோட்டோரோலா 4K ஆண்ட்ராய்டு டிவி ஸ்டிக்

இது அறிமுகப்படுத்தப்பட்ட விலை காரணமாக இது Mi டிவி ஸ்டிக் மற்றும் அமேசான் ஃபயர் டிவி ஸ்டிக் உடன் நேரடியாக போட்டியிடும் என்று கூறப்பட்டுள்ளது. மோட்டோரோலா 4K ஆண்ட்ராய்டு டிவி ஸ்டிக் டூயல்-பேண்ட் வைஃபை நெட்வொர்க்குகளை ஆதரிக்கிறது. இன்னும் கூடுதலான சிறப்பம்சங்களுடன் வெளியாகியுள்ள இந்த புதிய டிவி ஸ்டிக்கின் விலை மற்றும் கூடுதல் தகவலைப் பார்க்கலாம்.

மோட்டோரோலா 4K ஆண்ட்ராய்டு டிவி ஸ்டிக் சிறப்பம்சம்

மோட்டோரோலா 4K ஆண்ட்ராய்டு டிவி ஸ்டிக் கோர்டெக்ஸ் ஏ 53 குவாட் கோர் 2 ஜிகாஹெர்ட்ஸ் 64 பிட் சிபியு மற்றும் மாலி ஜி 31 எம்பி 2 - 850 மெகா ஹெர்ட்ஸ் கிராஃபிக் எஞ்சின் (ஜி.பீ.யூ) உடன் வெளிவந்துள்ளது. இது 2 ஜிபி ரேம் மற்றும் 16 ஜிபி இன்டர்னல் ஸ்டோரேஜ் அம்சத்தை கொண்டுள்ளது. இது அண்ட்ராய்டு 9.0 மூலம் இயக்கப்படுகிறது. இது 2.4 ஜிகாஹெர்ட்ஸ் மற்றும் 5 ஜிகாஹெர்ட்ஸ் கொண்ட டூயல் பேண்ட் வைஃபை நெட்வொர்க்குகளை ஆதரிக்கிறது.

395 நாட்களுக்கு 2ஜிபி டேட்டா, அன்லிமிடெட் கால் நன்மை கிடைக்கும் ஒரே BSNL திட்டம்.. விலை இது தான்..

கூகிள் குரோம் காஸ்ட்

மோட்டோரோலாவின் ஆண்ட்ராய்டு டிவி ஸ்டிக் சவுண்ட் அம்சத்திலும் தனது தனித்துவத்தைக் காட்டியுள்ளது. மோட்டோரோலா 4K ஆண்ட்ராய்டு டிவி ஸ்டிக் டால்பி ஆடியோவை ஆதரிக்கிறது. இதில் கூகிள் குரோம் காஸ்ட் உள்ளமைக்கப்பட்டிருப்பதால் இது ஸ்கிரீன் மிரரிங்கையும் ஆதரிக்க முடியும். மேலும் கூகிளிலிருந்து எதிர்கால அப்டேட்கள் அனைத்தும் இதற்கு கிடைக்கும் என்று நிறுவனம் கூறியுள்ளது. இது கூகிள் அசிஸ்டன்ட் ஆதரவுடன் வருகிறது.

விலை இவ்வளவு தானா?

மேலும் பயனர்கள் தங்கள் Android ஸ்மார்ட்போனை ரிமோட்டாக மாற்றியும் பயன்படுத்தலாம். HDR10 மற்றும் HLG வீடியோ ஆதரவும் உள்ளது. ரிமோட் அமேசான் பிரைம் வீடியோ, நெட்ஃபிக்ஸ், யூடியூப் மற்றும் ZEE5 போன்ற தளங்களுக்கான ஹாட் கீ-களுடன் வருகிறது. மோட்டோரோலா 4K ஆண்ட்ராய்டு டிவி ஸ்டிக் இந்தியாவில் வெறும் ரூ.3,999 என்ற விலையில் அறிமுகம் செய்யப்பட்டுள்ளது. இது மார்ச் 15, 2021 முதல் பிளிப்கார்ட்டில் விற்பனைக்குக் கிடைக்கிறது.