Moto Tab G62 விரைவில் அறிமுகம்.. குறைந்த விலையில் புது டேப்லெட் வாங்க ஆசையா?

Moto Tab G62 டேப்லெட் விரைவில் அறிமுகம்

மோட்டோரோலாவின் வரவிருக்கும் டேப்லெட் Moto Tab G62 இலிருந்து என்ன எதிர்பார்க்கலாம் என்பதைப் பார்ப்போம். Google Play கன்சோல் பட்டியலில் Moto Tab G62 சமீபத்தில் காணப்பட்டுள்ளது. Moto Tab G62 ஆனது Google Play ஆதரவு சாதனங்கள் பட்டியலில் XT2261-1 மற்றும் XT2261-2 ஆகிய மாடல் எண்களுடன் காணப்பட்டுள்ளது. இதில் ஒரு மாடல் 4G நெட்வொர்க்கை ஆதரிக்கும் மாடல் என்றும், இதில் உள்ள மற்றொரு மாடல் எண் கொண்ட டேப்லெட் LTE ஆதரிக்கும் மாறுபாடு என்றும் கூறப்படுகிறது.

Moto Tab G62 சாதனத்தில் என்ன எதிர்பார்க்கலாம்?

Moto Tab G62 சாதனத்தின் 4G இணைப்பு தவிர, இந்த நேரத்தில் எதுவும் தெரியவில்லை. Moto Tab G62 பற்றிய கூடுதல் விவரங்கள் வரும் நாட்களில் வெளிவரும் என்று எதிர்பார்க்கிறோம். வரவிருக்கும் மோட்டோ டேப் ஜி62 தற்போதுள்ள மோட்டோ டேப் ஜி20 மற்றும் ஜி70 ஆகிய டேப்லெட்டுகளுடன் இணையும் என்று தெரிவிக்கப்பட்டுள்ளது. வரவிருக்கும் டேப்லெட்டின் விலை G70 ஐ விட அதிகமாக இருக்குமா என்பதை நாம் பொறுத்திருந்து தான் பார்க்க வேண்டும். இப்போது மோட்டோ டேப் ஜி20 மலிவு விலையில் ரூ.10,000 விலைக்கு விற்கப்படுகிறது.

Moto Tab G20 சிறப்பம்சம்

Moto Tab G20 ஆனது 1200 x 800 பிக்சல்கள் தீர்மானம் கொண்ட டிஸ்பிளேவை ஆதரிக்கிறது. இது 350nits மற்றும் TDDI தொழில்நுட்பம் கொண்ட 8' இன்ச் உடைய HD+ IPS LCD டிஸ்பிளேவை கொண்டுள்ளது. இது ஸ்டாக் ஆண்ட்ராய்டு 11 ஓஎஸ் மற்றும் மீடியாடெக் ஹீலியோ P22T சிப்செட் உடன் இயங்குகிறது. Moto Tab G20 இன் மற்ற விவரங்கள் 5,100 mAh பேட்டரி, 3.5mm ஹெட்ஃபோன் ஜாக், டால்பி அட்மாஸ் மற்றும் பிரத்தியேக Google Kids Space போன்ற அம்சங்களும் உள்ளது.

Moto Tab G70 சிறப்பம்சம்

மறுபுறம், மிட்-ரேஞ்ச் Moto G70 ஆனது மீடியாடெக் ஹீலியோ G90T சிப்செட் மூலம் இயக்கப்படுகிறது. இந்த சாதனம் Android 11 OS உடன் வருகிறது. இந்த டேப்லெட் சாதனம் 2000 x 1000 பிக்சல்கள் கொண்ட 400நிட்ஸ் வரை பிரகாசத்துடன் கூடிய 11' இன்ச் ஐபிஎஸ் எல்சிடி திரையை வெளிப்படுத்துகிறது. இந்த மோட்டோ டேப் ஜி70 டேப்லெட்டில் 13 எம்பி ப்ரைமரி கேமரா உள்ளது. பின்புறத்தில் எல்இடி ப்ளாஷ் உள்ளது. செல்ஃபி மற்றும் வீடியோ அழைப்பிற்காக முன்பக்கத்தில் 8எம்பி செல்பீ கேமரா உள்ளது.

குறைந்த விலையில் ஒரு புதிய டேப்லெட் வாங்க ஆசையா?

இதேபோல், வரவிருக்கும் Moto G62 அதன் விலையின் அடிப்படையில் ஒழுக்கமான அம்சங்களைக் கொண்டுவரும் என்று எதிர்பார்க்கிறோம். Moto Tab G62 பற்றிய கூடுதல் தகவல்கள் எங்கள் கவனத்திற்கு வந்தால், நாங்கள் உங்களுக்குத் தொடர்ந்து அப்டேட் செய்கிறோம். உங்களுக்கு இப்போது உடனே குறைந்த விலையில் ஒரு புதிய டேப்லெட் சாதனம் வாங்க வேண்டும் என்ற அவசரம் இருந்தால், மோட்டோரோலா நிறுவனம் இப்போது விற்பனை செய்து வரும் மோட்டோ டேப் ஜி20 டேப்லெட் சாதனத்தை வாங்கி பயன்பெறலாம்.