இவ்வளவு கம்மி விலைனு தெரியாம போச்சே.! புது Lenovo Tab M8 (4th Gen) அறிமுகம்.!

Published: Thursday, December 8, 2022, 19:00 [IST]

குறைந்த விலையில் அட்டகாசமான அம்சங்களுடன் ஒரு புதிய டேப்லெட் சாதனத்தை வாங்க ஐடியா இருக்கிறதா? இது வரைக்கும் ஐடியா இல்லாவிட்டாலும், இந்த புதிய Lenovo Tab M8 (Gen 4) டேப்லெட் விலையைக் கேட்டதும், உங்களுக்கும் ஒன்று வாங்கிவிட வேண்டுமென்று தோன்றிவிடும். ஏனென்றால், இதன் விலை அவ்வளவு குறைவாக இருக்கிறது. சரி, வாருங்கள் இந்த புதிய Lenovo Tab M8 (Gen 4) டேப்லெட் பற்றி பார்க்கலாம்.

Lenovo Tab M8 வரிசையில் புது ஜென் மாடல்.!

லெனோவா (Lenovo) நிறுவனம் சமீபத்தில் Lenovo Tab M8 (4th Gen) என்ற மற்றொரு டேப்லெட்டை ஜப்பானில் அதிகாரப்பூர்வமாக அறிமுகப்படுத்தியுள்ளது.

Lenovo Tab M8 வேரியண்ட் மாடலான லெனோவா டேப் எம் 8 (3வது ஜென்) இன் வாரிசாக இந்த மாடல் வந்துள்ளது. கடந்த ஆண்டு ஜூன் மாதம் (2021) இல் இந்த மாடல் அறிமுகமானது.

இந்த சாதனம் இரண்டு வகைகளில் கிடைக்கும் - WiFi மட்டும் மற்றும் LTE மாடல்களில்.

லெனோவா டேப் எம்8 (4வது ஜென்) டிஸ்பிளே

லெனோவா டேப் எம்8 (4வது ஜென்) 8 இன்ச் ஐபிஎஸ் எல்சிடி டிஸ்ப்ளே உடன் எச்டி கொண்ட 1280 x 800 பிக்சல்கள் உடன் வருகிறது.

இந்த டிஸ்ப்ளே கண்ணை சிரமத்திலிருந்து காப்பாற்றப் பல கண் பராமரிப்பு முறைகளை ஆதரிக்கிறது மற்றும் ப்ளூ லைட் பயன்முறையையும் கொண்டுள்ளது.

இது MediaTek Helio A22 சிப்செட் மூலம் இயக்கப்படுகிறது.

Lenovo Tab M8 (4th Gen) ஸ்டோரேஜ் விபரம்

இந்த சாதனம் 3 GB LPDDR4x ரேம் மற்றும் 32GB ஸ்டோரேஜ் உடன் வருகிறது.

இது microSD கார்டைப் பயன்படுத்திக் கூடுதல் ஸ்டோரேஜ் விருப்பத்தை வழங்குகிறது.

இது ஆண்ட்ராய்டு 12 ஆப்பரேட்டிங் சிஸ்டத்தின் கிட்டத்தட்ட ஸ்டாக் பதிப்பில் இயங்கும்.

இது 3 ஆண்டுகள் வரை பாதுகாப்பு அப்டேட்களைப் பெறும் என்பதை நிறுவனம் உறுதிப்படுத்தியுள்ளது.

Lenovo Tab M8 (4th Gen) கேமரா அம்சம்

டேப்லெட்டின் முன்பக்கத்தில், 2 மெகாபிக்சல் முன்பக்க ஷூட்டரை நிறுவனம் வழங்கியுள்ளது. அதேபோல், இந்த Lenovo Tab M8 (4th Gen) பின்பக்கத்தில் 5 மெகாபிக்சல் பின்புற கேமரா வழங்கப்பட்டுள்ளது.

இணைப்பு முகப்பில், டேப்லெட் ஒரு சிம்மை ஆதரிக்கிறது. இது 4G LTE ஆதரவுடன் வருகிறது. இது Wi-Fi, ப்ளூடூத், USB-C போர்ட், GPS மற்றும் 3.5mm ஆடியோ ஜாக் ஆகியவற்றைக் கொண்டுள்ளது.

இந்த புதிய டேப்லெட் விலை என்ன?

புதிய Lenovo Tab M8 (4வது ஜெனரல்) JPY 23,800 (சுமார் $173) என நிர்ணயம் செய்யப்பட்டுள்ளது, குறிப்பாக Wi-Fi-மட்டும் மாடலுக்கு இந்திய மதிப்பில் சுமார் ரூ. 14,274 விலைக்கு கிடைக்கும். இது LTE பதிப்பிற்கு, டேப்லெட்டின் விலை JPY 26,800 (~$195) ஆகும்.

இது இந்திய மதிப்பில் ரூ. 16,074 என்ற விலையில் கிடைக்கும். இந்த சாதனம் ஜப்பான் மற்றும் பிற சந்தைகளில் ஆர்க்டிக் கிரே மற்றும் அபிஸ் ப்ளூ வண்ண விருப்பங்களில் கிடைக்கிறது. இந்தியாவில் இது விரைவில் களமிறங்கும்.