ஆண்ட்ராய்டு வியர் 2.0, இ-சிம் வசதி கொண்ட ஹூவய் வாட்ச் 2 ப்ரோ அறிமுகம் செய்யப்பட்டது

ஹூவாய் நிறுவனத்தின் புதிய அணியக்கூடிய சாதனமாக ஹூவாய் வாட்ச் 2 ப்ரோ சீனாவில் வெளியிடப்பட்டுள்ளது. புதிய ஶ்மார்ட்வாட்ச் பார்க்க ஹவாய் வாட்ச் 2 கிளாசிக் போன்று காட்சியளிக்கிறது.

எனினும் புதிய ஹூவாய் வாட்ச் 2 ப்ரோ சாதனத்தில் இ-சிம் வசதி வழங்கப்பட்டுள்ளது. இத்துடன் இந்த சாதனத்தில் சீன பதிப்பு ஆண்ட்ராய்டு வியர் 2.0 வழங்கப்பட்டுள்ளது, இதனால் ஆண்ட்ராய்டு 4.4 மற்றும் அதற்கும் ஐ.ஓ.எஸ். 9.0 மற்றும் அதற்கும் அதிகமான இயங்குதளம் கொண்டு இயங்கும் ஸ்மார்ட்போன்களை சப்போர்ட் செய்யும்.

புதிய வாட்ச் 2 ப்ரோ சாதனத்தில் 4ஜி / 3ஜி / 2ஜி சப்போர்ட் கொண்ட இ-சிம்களை இயக்க முடியும். இத்துடன் ப்ளூடூத் மற்றும் வைபை போன்ற கனெக்டிவிட்டி, ஜி.பி.எஸ். மற்றும் என்.எஃப்.சி. உள்ளிட்டவை வழங்கப்பட்டுள்ளது. புதிய ஹூவாய் வாட்ச் 2 ப்ரோ சாதனத்தில் ஹூவாய்பே, அலிபே மற்றும் வீசாட் பே உள்ளிட்ட அம்சங்களுக்கான சப்போர்ட் வழங்கப்பட்டுள்ளது.

ஹூவாய் வாட்ச் 2 ப்ரோ சாதனத்தில் 1.2 இன்ச் AMOLED வட்ட வடிவிலான தரை, 390*390 ரெசல்யூஷன் மற்றும் கார்னிங் கொரில்லா கிளாஸ் கொண்டு பாதுகாக்கப்படுகிறது. இந்த சாதனம் குவால்காம் ஸ்னாப்டிராகன் 2100 4 கோர் பிராசஸர் மற்றும் 768 எம்பி ரேம் கொண்டு இயங்குகிறது. இத்துடன் 4 ஜிபி இன்டெர்னல் மெமரியும் வழங்கப்பட்டுள்ளது.

420எம்ஏஎச் திறன் கொண்ட பேட்டரி மூலம் சக்தியூட்டப்படுதோடு IP68 தரம் கொண்ட வாட்டர் மற்றும் டஸ்ட் ரெசிஸ்டண்ட் வசதி கொண்டுள்ளது. இத்துடன் இந்த வாட்ச்சில் 3-ஆக்சிஸ் கிராவிட்டி ஆக்சிலரேஷன் சென்சார், 3-ஆக்சிஸ் கைரோஸ்கோப் சென்சார், 3-ஆக்சில் காம்பஸ் ஜியோமாக்னெடிக் சென்சார், இதய துடிப்பு சென்சார், பிரஷர் சென்சார், கேபாசிட்டிவ் சென்சார் மற்றும் ஆம்பியன்ட் லைட் சென்சார் உள்ளிட்டவை கொணட்ருக்கிறது.

ஹூவாய் வாட்ச் 2 ப்ரோ சாதனம் சீனாவின் JD.com தளத்தில் விற்பனை செய்யப்படுகிறது. இதன் விலை இந்திய மதிப்பில் ரூ.25,343 என நிர்ணயம் செய்யப்பட்டுள்ளது. முதற்கட்டமாக சீனாவில் விற்பனை செய்யப்படும் இந்த வாட்ச் மற்ற சந்தைகளில் விற்பனை செய்யப்படுவது குறித்து எவ்வித தகவலும் இல்லை.