லேப்டாப்பை சார்ஜ் செய்யும் புதிய பவர் பேங்க்கை அறிமுகம் செய்தது ஹுவாய்.! விலை என்ன தெரியுமா?

புதிய சூப்பர் சார்ஜ் பவர் பேங்க்

இந்த புதிய சூப்பர் சார்ஜ் பவர் பேங்க், அல்ட்ரா ஃபாஸ்ட் சார்ஜ் சேவையுடன் கூடிய டைப்-சி போர்ட் உடன் அறிமுகம் செய்யப்பட்டுள்ளது. இந்த பவர் பேங்க்கை பயன்படுத்தி மேக் புக் மற்றும் லேப்டாப்களை கூட சார்ஜ் செய்துகொள்ளலாம் என்று ஹுவாய் நிறுவனம் அறிவித்துள்ளது.

அல்ட்ரா வாட்ஸ் சார்ஜ்ஜிங் தொழில்நுட்பம்

40 வாட்ஸ் சார்ஜ்ர் பயன்படுத்தும் பொழுது 2 மணி நேரத்தில் முழுமையாக சார்ஜ் ஆகிவிடுகிறது. அதேபோல் 10 வாட்ஸ் சார்ஜ்ர் பயன்படுத்தும் போது 5 மணி நேரத்தில் முழுமையாக சார்ஜ் ஆகிவிடுகிறது.

12 அடுக்கு பாதுகாப்பு தளம்

புதிதாய் அறிமுகம் செய்துள்ள சூப்பர் சார்ஜ் பவர் பேங்க், 12 அடுக்கு பாதுகாப்பு தளத்துடன் வடிவமைக்கப்பட்டுள்ளது. இதனால் அதிகப்படியான பாதுகாப்பும், அதிக மின்னழுத்தம், குறைந்த மின்னழுத்தம், ஷார்ட் சர்கியூட் போன்ற பிரச்சனைகளிலிருந்து உங்கள் சாதனத்தைப் பாதுகாக்கிறது.

விலை

இந்த புதிய 12,000 எம்.ஏ.எச் சூப்பர் சார்ஜ் பவர் பேங்க், கருப்பு மற்றும் வெள்ளை நிறத்தில் வெறும் ரூ.7,700 என்ற விலையில் விற்பனைக்கு அறிமுகம் செய்யப்பட்டுள்ளது.

மிக விரைவில் விற்பனை

மிக விரைவில் ஆன்லைன் ஸ்டோர் மற்றும் ரீடைல் கடைகளில் விற்பனைக்கு வரும் என்று ஹுவாய் நிறுவனம் அறிவித்துள்ளது.