உங்கள் குழந்தைக்கான பெர்சனல் பாடிகார்டு.. குழந்தைகளுக்கான Apple Watch சேவை.. இதுல இவ்வளவு விஷயம் இருக்கா?

ஆப்பிள் (Apple) நிறுவனம் அதன் ஆப்பிள் வாட்ச் (Apple Watch) செயல்பாடுகள் மற்றும் பாதுகாப்பு அம்சங்களை ஐபோன் இல்லாத குழந்தைகள் மற்றும் குடும்ப உறுப்பினர்களுக்கு விரிவுபடுத்தும் நோக்கில், இந்தியாவில் புதிதாக "ஆப்பிள் வாட்ச் ஃபார் யுவர் கிட்ஸ்" (Apple Watch For Your Kids) அம்சத்தை ஆப்பிள் இன்று அறிமுகம் செய்துள்ளது. இந்த புதிய அம்சம் பெற்றோர்கள் தங்கள் குழந்தையின் ஆப்பிள் வாட்சிற்கு செல்லுலார் திட்டத்தை அமைக்க அனுமதிக்கிறது. இந்தியாவில் அறிமுகம் செய்யப்பட்டுள்ள இந்த புதிய ஆப்பிள் வாட்ச் ஃபார் யுவர் கிட்ஸ் பற்றிய முழு விபரம் இதோ.

இந்த புதிய ஆப்பிள் வாட்ச் ஃபார் யுவர் கிட்ஸ் சேவையின் மூலம் குழந்தைகள் செல்லுலர் அம்சம் கொண்ட ஆப்பிள் வாட்ச் (Apple watch with cellular feature) வழியாக வாய்ஸ் கால் அழைப்புகள் (Voice calls) மற்றும் மெசேஜ்களை (Messages) அனுப்ப முடியும். இது குழைந்தைகள் இருக்கும் லைவ் லொகேஷன் (Live location) இருப்பிடத்தை பெற்றோர்கள் (Parents) கண்காணிக்க அனுமதிக்கிறது என்பது குறிப்பிடத்தக்கது.

ஆப்பிள் வாட்ச் ஃபார் யுவர் கிட்ஸ் (Apple Watch For Your Kids):

குழந்தைகளின் ஆப்பிள் வாட்ச் (Apple watch kids) பெற்றோரின் ஐபோன் (iPhone) மூலம் கட்டமைக்கப்பட்டுள்ளது. குழந்தைகள் அழைப்புகளைச் செய்ய, செய்திகளை அனுப்ப, செயல்பாட்டு இலக்குகளை அமைக்க மற்றும் தனிப்பயன் மெமோஜியைப் (Memoji) பயன்படுத்த இந்த அம்சம் அனுமதிக்கிறது. பாதுகாப்பிற்காக குழந்தைகள் யாரை தொடர்புகொள்ளலாம் என்ற காண்டாக்ட் (Contact) கட்டுப்பாட்டையும் இந்த அம்சம் கொண்டுள்ளது.

இந்த ஆப்பிள் வாட்ச் ஃபார் கிட்ஸ் சாதனம் தினசரி 14 மணிநேர பயன்பாட்டை ஆதரிக்கிறது. இருப்பினும் பேட்டரி ஆயுள் பயன்பாடு மற்றும் குழந்தைகளின் பயன்பாட்டிற்கு ஏற்ப மாறுபடும். குழந்தைகளுக்கான ஒவ்வொரு ஆப்பிள் வாட்சுக்கும் தனித்தனி செல்லுலார் திட்டத்தின் மூலம் அதன் சொந்த ஃபோன் எண் (Mobile number) வழங்கப்படும். குடும்ப நிகழ்வுகளை கேலெண்டரில் பார்க்கவும், நினைவூட்டல்களைப் பயன்படுத்தவும் குழந்தைகள் தங்கள் ஆப்பிள் ஐடியைப் (Apple ID) பயன்படுத்தலாம்.

புளூடூத் ஹெட்ஃபோன்கள் மற்றும் ஸ்பீக்கர்கள் வழியாக ஆப்பிள் மியூசிக் (Apple Music) அம்சத்தையும் மற்றும் Siri சேவையையும் பயன்படுத்தலாம். இத்துடன் ஃபைண்ட் பீப்பிள் ஆப்ஸ், வாட்சிலிருந்து இருப்பிடப் புதுப்பிப்புகளை ஒரு முறை அல்லது அட்டவணையில் கண்காணிக்கவும் பெறவும் பாதுகாவலர்களை அனுமதிக்கிறது. குடும்ப உறுப்பினர்களின் வீடுகள் அல்லது அருகில் இருக்கும் பூங்காக்களுக்கு பாதுகாப்பான வழிசெலுத்தலுக்கு வரைபடங்கள் உதவுகின்றன.

உங்கள் குழந்தைக்கான பெர்சனல் பாடிகார்டு.. இனி ஆப்பிள் வாட்ச் இருந்தால் மட்டும் போதும்:

அவசரகால SOS அம்சம், பக்கவாட்டு பொத்தானைப் பயன்படுத்தி குழந்தைகளை அவசர சேவைகளை அணுக அனுமதிக்கிறது. உண்மையை சொல்ல போனால், இது உங்கள் குழந்தைக்கான ஒரு பர்சனல் பாடிகார்டு போல செயல்படுகிறது. அவசரகாலத் தொடர்பு என பட்டியலிடப்பட்டால், பாதுகாவலர்கள் அறிவிப்புகளைப் பெறுவார்கள். மருத்துவ ஐடி அம்சம் முக்கியமான சுகாதாரத் தகவலைக் காட்டுகிறது. இந்த ஆப்ஸை பெற்றோர்கள், அவர்களின் ஐபோன் வழியாக திட்டமிடலாம் அல்லது டைம் ஸ்கிரீனில் இருந்தே கூட செயல்படுத்தலாம்.

ஆப்பிள் வாட்ச் ஃபார் கிட்ஸ் இந்தியாவில் ஆப்பிள் வாட்ச் சீரிஸ் 4 அல்லது அதற்குப் பிந்தைய செல்லுலார் மாடல்களுக்கும், வாட்ச்ஓஎஸ் 7 அல்லது அதற்குப் பிறகு ஆப்பிள் வாட்ச் எஸ்இக்கும் கிடைக்கிறது. இது iPhone 6s அல்லது அதற்குப் பிறகு இயங்கும் iOS 14 அல்லது அதற்குப் பிறகு இயங்கும் மாடல்களில் இணக்கமானது. செல்லுலார் சேவைக்கு வயர்லெஸ் சேவைத் தேவை, இது தற்போது ஜியோ மூலம் கிடைக்கிறது. இது குழந்தைகளின் ஒரு பாதுகாவலனாக செயல்படும் என்று கூறப்பட்டுள்ளது.