லேட்டஸ்ட் Apple MacBook மாடலின் விலை சரிந்தது.. 13-இன்ச் டிஸ்பிளே, 2TB மெமரி, 16GB ரேம், 70W சார்ஜிங்!

விண்டோஸ் லேப்டாப்பில் இருந்து விடுபட்டு உங்களுடைய முதல் ஆப்பிள் மேக்புக்கை வாங்கும் யோசனையில் உள்ளீர்களா? ஆம் என்றால் இதுவே அதற்கான சரியான நேரமாகும். ஆப்பிளின் லேட்டஸ்ட் மேக்புக் ஏர் எம்4 (Apple MacBook Air M4) மாடல் ஆனது தற்போது "நல்ல ஆபர் விலையில்" வாங்க கிடைக்கிறது.

நினைவூட்டும் வண்ணம் மார்ச் 2025 இல் இந்தியாவில் அறிமுகமான போது ஆப்பிளின் புதிய மேக்புக் ஏர் 2025 மாடலின் 16ஜிபி ரேம் மற்றும் 256ஜிபி ஸ்டோரேஜ் உடனான 13-இன்ச் மாடல் ரூ.99,900 க்கு அறிமுகம் செய்யப்பட்டது. கூடவே 16ஜிபி ரேம் மற்றும் 256ஜிபி ஸ்டோரேஜ் உடன் வரும் 15-இன்ச் ஆப்பிள் மேக்புக் ஏர் 2025 மாடல் ரூ.1,24,900 க்கு அறிமுகம் செய்யப்பட்டது.

தற்போது 16ஜிபி ரேம் மற்றும் 256ஜிபி ஸ்டோரேஜ் உடனான 13-இன்ச் மாடல் அபாரமான சலுகை விலையில் ரிலையன்ஸ் டிஜிட்டல் (Reliance Digital) வழியாக வாங்க கிடைக்கிறது. இது ரூ.99,900 க்கு பதிலாக ரூ.93,900 க்கு பட்டியலிடப்பட்டுள்ளது. அதாவது நேரடியாக ரூ.6000 விலை குறைப்பை பெற்றுள்ளது.

இதற்கு மேலாக, ஐடிஎப்சி வங்கி, ஐசிஐசிஐ வங்கி அல்லது எஸ்பிஐ கிரெடிட் கார்டுகளை பயன்படுத்தும் வாடிக்கையாளர்கள் ரூ.10,000 கேஷ்பேக்கையும் பெறலாம், இதன் மூலம் எம்4 ஏர் மாடலின் விலை மேலும் குறையும். மொத்தத்தில் நீங்கள் சுமார் ரூ.16,000 வரை சேமிக்கலாம். இது கடந்த சில மாதங்களில் எம்4 உடனான மேக்புக்கின் மீது நாம் பார்க்கும் பெஸ்ட் டீல்களில் ஒன்றாகும்.

ஆப்பிள் மேக்புக் ஏர் எம்4 முக்கிய அம்சங்கள்: மேக்புக் ஏர் எம்4 மாடல் ஆனது 13-இன்ச் (2,560×1,664 பிக்சல்ஸ்) மற்றும் 15-இன்ச் (2,880×1,864 பிக்சல்ஸ்) சூப்பர் ரெடினா டிஸ்பிளேக்களை கொண்டுள்ளது. இந்த டிஸ்பிளேக்கள் 224பிபி பிக்சல் டென்சிட்டி மற்றும் 500 நிட்ஸ் பீக் ப்ரைட்னஸை கொண்டது. இந்த ஆப்பிள் லேப்டாப்கள் 6கே ரெசல்யூஷனில் 2 எக்ஸ்டர்னல் டிஸ்பிளேக்களை ஆதரிக்கும் (லேப்டாப் திறந்திருக்கும் போது) என்று ஆப்பிள் நிறுவனம் தெரிவித்துள்ளது.

ஆப்பிள் மேக்புக் ஏர் எம்4 ஆனது எம்4 சிப் உடன் வருகிறது. இதில் நான்கு பெர்பார்மென்ஸ் கோர்கள் மற்றும் நான்கு எஃபீஷியன்சி கோர்கள் கொண்ட 10-கோர் சிபியு உள்ளது. இந்த லேப்டாப்பில் 16-கோர் நியூரல் எஞ்சின், 8-கோர் ஜிபியு மற்றும் ஹார்டுவேர் ஆக்சிலரேட்டட் ரே டிரேசிங்கிற்கான ஆதரவும் உள்ளது.

மேக்புக் ஏர் எம்4 மாடலை 24ஜிபி வரை ரேம் மற்றும் 2டிபி எஸ்எஸ்டி ஸ்டோரேஜ் உடன் கட்டமைக்க முடியும். மேலும் இது ஸ்பேஷியல் ஆடியோ மற்றும் த்ரீ-மைக் செரீஸ் உடன் கூடிய குவாட் ஸ்பீக்கர் செட்டப்பையும் கொண்டுள்ளது. இந்த லேப்டாப்பில் உள்ள கனெக்டிவிட்டி ஆப்ஷன்களை பொறுத்தவரை இது Wi-Fi 6E மற்றும் ப்ளூடூத் 5.3 ஆகியவைகளை கொண்டுள்ளது.

மேலும் இது இரண்டு தண்டர்போல்ட் 4/ யூஎஸ்பி 4 போர்ட்கள், ஒரு மேக்சேப் 3 சார்ஜிங் போர்ட் மற்றும் 3.5மிமீ ஆடியோ ஜாக் ஆகியவற்றைக் கொண்டுள்ளது. ஆப்பிளின் இந்த புதிய மேக்புக் ஏர் எம்4 மாடல் ஆனது டச் ஐடி பட்டனையும் கொண்டுள்ளது, இது லேப்டாப்பை அன்லாக் செய்ய பயன்படுகிறது. இது ஃபோர்ஸ் க்ளிக்குகள் மற்றும் மல்டி-டச் சைகைகளுக்கான ஆதரவுடன் ஃபோர்ஸ் டச் டிராக்பேடையும் கொண்டுள்ளது.

சென்டர் ஸ்டேஜ் மற்றும் டெஸ்க் வியூவுக்கான ஆதரவுடன் 1080p ஃபேஸ்டைம் கேமராவும் உள்ளது. பேட்டரியை பொறுத்தவரை 13-இன்ச் மேக்புக் ஏர் எம்4 மாடல் ஆனது 53.8Wh லித்தியம்-பாலிமர் பேட்டரியை 70W ஃபாஸ்ட் சார்ஜிங்கிற்கான ஆதரவுடன் கொண்டுள்ளது. ஆனால் இது 30W யூஎஸ்பி டைப்-சி பவர் அடாப்டருடன் அனுப்பப்படுகிறது. மறுகையில் உள்ள 15-இன்ச் மாடல் சற்று பெரிய 66.5Wh பேட்டரியை கொண்டுள்ளது. ஆப்பிளின் கூற்றுப்படி இது 15 மணிநேர இண்டர்நெட் ப்ரவுஸிங் மற்றும் ஆப்பிள் டிவி ஆப் மூலம் 18 மணிநேர வீடியோ பிளேபேக்கை வழங்கும்.