Republic Day Sale: வெறும் ரூ.9449 க்கு HD TV.. 32-இன்ச், 43-இன்ச், 50-இன்ச் Xiaomi டிவிகள் மீதும் ஆபர் மழை!

ரூ.10,000-க்கும் குறைவான விலையில் ஆண்ட்ராய்டு டிவி ஸ்மார்ட் டிவி!

சீன நிறுவனமான சியோமி (Xiaomi) தனது குடியரசு தின சிறப்பு விற்பனையின் கீழ் பல வகையான தயாரிப்புகள் மீது தள்ளுபடிகளை அறிவித்துள்ளது.

அதாவது ஃபிளாக்ஷிப் மற்றும் பட்ஜெட் ஸ்மார்ட்போன்கள், டேப்லெட்டுகள், லேப்டாப்கள் என அனைத்தின் மீதும் சலுகைகள் அறிவிக்கப்பட்டுள்ளன.

இருப்பினும் இக்கட்டுரையில் நாம் ஸ்மார்ட் டிவிகள் மீதான ஆபர்களை மட்டுமே பார்க்க உள்ளோம். ஏனென்றால் சியோமியின் இந்த குடியரசு தின விற்பனையில் ரூ.10,000 க்கும் குறைவான விலையில் ஆண்ட்ராய்டு டிவி மாடல் வாங்க கிடைக்கிறது!

ரூ.9,449 க்கு வாங்க கிடைக்கும் 32-இன்ச் ரெட்மி டிவி!

நாம் இங்கே பேசுவது ரெட்மி ஸ்மார்ட் டிவி 32 எச்டி ரெடி (Redmi Smart TV 32 HD Ready) ஸ்மார்ட் டிவி மாடலை பற்றியே ஆகும்.

இதன் அசல் விலை ரூ.24,999 ஆகும். தற்போது இது தள்ளுபடி விலையின் கீழ் ரூ.10,999 க்கு வாங்க கிடைக்கிறது. இருப்பினும் கூடுதலாக சில வங்கி சலுகைகளை சேர்த்த பின்னர் இதன் விலை ரூ.9,449 ஆக குறையும்.

நீங்கள் பேடிஎம் வேலட்டை பயன்படுத்தினால் ரூ.1,000 வரையிலான கேஷ்பேக் கிடைக்கும். ஒருவேளை இன்டஸ்லேண்ட் வங்கியின் கிரெடிட் கார்டைப் பயன்படுத்தினால் ரூ. 1,500 வரையிலான உடனடி தள்ளுபடி கிடைக்கும்.

நீங்கள் இஎம்ஐ விருப்பத்தை தேர்வுசெய்தால் கூடுதலாக ரூ.500 என்கிற தள்ளுபடி மற்றும் மொபிக்விக்கை பயன்படுத்தி பணம் செலுத்தினால் ரூ.500 கேஷ்பேக் கிடைக்கும்.

ரூ.10,349 க்கு வாங்க கிடைக்கும் 32-இன்ச் சியோமி டிவி!

ஒருவேளை நீங்கள் ரெட்மி பிராண்டிங்கிற்கு பதிலாக சியோமி பிராண்டிங்கையே விரும்பினால் சியோமி ஸ்மார்ட் டிவி 5ஏ (Xiaomi Smart TV 5A) கருத்தில் கொள்ளலாம்.

இந்த மாடலின் அசல் விலை ரூ.24,999 ஆகும். ஆனால் வங்கி உட்பட இதை வெறும் ரூ.10,349 க்கு வாங்க முடியும். மேற்கண்ட சலுகைகள் இந்த மாடலின் மீதும் அணுக கிடைக்கிறது. அதாவது இன்டஸ்லேண்ட் பேங்க், பேடிஎம் வேலட், மொபிக்விக் வழியிலான தள்ளுபடிகள் மற்றும் கேஷ்பேக் சலுகைகள் கிடைக்கும்.

ரூ.21,999 க்கு கிடைக்கும் 43-இன்ச் ரெட்மி டிவி!

சியோமியின் குடியரசு தின விற்பனையின் கீழ் ரெட்மி ஸ்மார்ட் டிவி எக்ஸ்43 (Redmi Smart TV X43) மாடலின் மீதும் ஆபர் கிடைக்கிறது. இது ரூ.42,999 க்கு மாறாக ரூ.21,999 க்கு வாங்க கிடைக்கிறது.

வழக்கம் போல இந்த மாடலின் மீதும் இன்டஸ்லேண்ட் பேங்க், பேடிஎம் வேலட், மொபிக்விக் சலுகைகள் அணுக கிடைக்கும். கூடுதலாக இந்த டிவியுடன் சேர்த்து நீங்கள் வாங்கும் ஸ்மார்ட் ஸ்பீக்கரின் (Smart Speaker) விலையிலும் தள்ளுபடி கிடைக்கும்.

ரூ.29,999 க்கு கிடைக்கும் 50 இன்ச் சியோமி டிவி!

ஒருவேளை நீங்கள் 50-இன்ச் ஸ்மார்ட் டிவியை தேடுகிறீர்கள் என்றால் சியோமி ஸ்மார்ட் டிவி எக்ஸ்50 (Xiaomi Smart TV X50) மாடல் மீது கிடைக்கும் சலுகைகளை பயன்படுத்தி கொள்ளலாம்.

இந்த மாடலின் அசல் விலை ரூ.44,999 ஆகும். ஆனால் இதை வெறும் ரூ.29,999 க்கு வாங்க முடியும். இது அணுக கிடைக்கும் கேஷ்பேக் மற்றும் கிரெடிட் கார்டு சலுகைகளுக்கு பின்னர் கிடைக்கும் விலை ஆகும்!