இனி வீட்டுக்குள்ள தியேட்டர்.. 100-இன்ச், 116-இன்ச் அளவில் 2 புதிய ஸ்மார்ட் TVகள் அறிமுகம்.. என்ன விலை?

பிரபல ஸ்மார்ட் டிவி பிராண்ட் ஆன ஹைசென்ஸ் (Hisense) ஒட்டுமொத்த இந்திய ஸ்மார்ட் டிவி சந்தையும் ஷாக் ஆகும் படியாக.. தனது பிளாக்ஷிப் ஸ்மார்ட் டிவி (Flagship Smart TV) மாடல்களை இந்தியாவில் அறிமுகப்படுத்தி உள்ளது. அது - யுஎக்ஸ் யுஎல்ஓடி ஆர்ஜிபி மினி-எல்இடி சீரீஸை (UX ULED RGB Mini-LED Series) ஸ்மார்ட் டிவிகள் ஆகும்!

ஹைசென்ஸ் நிறுவனத்தின் இந்த யுஎக்ஸ் யுஎல்ஓடி ஸ்மார்ட் டிவி சீரிஸின் கீழ் 100 இன்ச் மற்றும் 116 இன்ச் என இரண்டு ஸ்க்ரீன் சைஸ்களில் 2 மாடல்கள் அறிமுகம் செய்யப்பட்டு உள்ளன. என்ன விலை? என்னென்ன அம்சங்கள்? எங்கு வாங்குவது? வாருங்கள் விரிவாக பார்க்கலாம்.

ஹைசென்ஸ் யுஎக்ஸ் யுஎல்ஓடி ஆர்ஜிபி மினி-எல்இடி சீரீஸ் ஸ்மார்ட் டிவிகளின் இந்திய விலை நிர்ணயம் மற்றும் விற்பனை விவரங்கள்: இந்த சீரிஸின் ஹை-எண்ட் வேரியண்ட் ஆன 116 இன்ச் மாடலின் விலை ரூ.29,99,999 என்று நிர்ணயம் செய்யப்பட்டு உள்ளது; அதாவது ரூ.30 லட்சம்!

மறுகையில் உள்ள 100 இன்ச் மாடலின் விலை ரூ.9,99,999 என்று நிர்ணயம் செய்யப்பட்டுள்ளது;அதாவது ரூ.10 லட்சம். இந்த 2 மாடல்களுமே தேர்ந்தெடுக்கப்பட்ட சில்லறை விற்பனை கடைகள் மற்றும் அமேசான் இந்தியா (Amazon India) மற்றும் பிளிப்கார்ட் (Flipkart) போன்ற ஆன்லைன் தளங்கள் மூலம் விற்கப்படும்.

ஹைசென்ஸ் யுஎக்ஸ் யுஎல்ஓடி ஆர்ஜிபி மினி-எல்இடி சீரீஸ் ஸ்மார்ட் டிவிகளின் விரிவான அம்சங்கள்: இந்த யுஎக்ஸ் சீரீஸின் முக்கிய அம்சம் - "பாரம்பரிய" சிங்கிள்-கலர் எல்இடிகளை போலல்லாமல், பல ஆயிரம் டிம்மிங் ஸோன்களுடன், ஸ்க்ரீன் முழுவதும் தனிப்பட்ட சிவப்பு, பச்சை மற்றும் நீல மினி-எல்இடிகள் பயன்படுத்தப்பட்டுள்ளன

இது அதிகபட்சமாக 8,000 நிட்ஸ் ப்ரைட்னஸை யும், தொழில்துறையில் முன்னணி வகிக்கும் 95 சதவீத பிடி.2020 கலர் கவரேஜையும் செயல்படுத்துகிறது. மேலும் இந்த சீரீஸில் கண்ணுக்கு ஏற்ற பார்வைக்கான நீல-ஒளி குறைப்பு தொழில்நுட்பம், 3×26-பிட் கட்டுப்பாட்டுடன் துல்லியமான டிம்மிங், தெளிவான சாயல்கள், சினிமா-தர வண்ணத் துல்லியம் மற்றும் எனர்ஜி எஃபிசியன்ட் ப்ரைட்னஸ் ஆகியவைகளும் உள்ளன.

துல்லியமான ஆர்ஜிபி கலப்பை உறுதி செய்வதற்காக, இந்த ஸ்மார்ட் டிவிகள் ஆர்ஜிபி மினி-எல்இடி சிப்செட்டை பயன்படுத்துகின்றன. 2-டாப்ஸ்என்பியு ஆனது ஹைசென்ஸ் நிறுவனத்தின் சொந்த எச்7 பிக்ச்சர்-குவாலிட்டி சிப்பை இயக்குகிறது, இது யதார்த்தமான டெப்த் மற்றும் தெளிவை வழங்குகிறது. விதிவிலக்கான வண்ண துல்லியத்திற்காக, பல தசாப்தங்களாக சுத்திகரிக்கப்பட்ட யுஎல்இடி கலர் ரீபெயின்மெண்ட் நுட்பம் ஆனது எல்சிடி அடுக்குகளை வெளிச்சத்துடன் ஒத்திசைக்கிறது.

யுஎக்ஸ் சீரிஸ் ஸ்மார்ட் டிவிகளின் "மையத்தில்" ஹை-வியூ ஏஐ எஞ்சின் எக்ஸ் உள்ளது, இது ஆற்றல் திறனைப் பராமரிக்கும் அதே வேளையில் படம் மற்றும் ஒலி தரத்தை மேம்படுத்த வடிவமைக்கப்பட்டுள்ளது. இது ஸ்ட்ரீமிங்கின் போது தொடர்ந்து உயர் செயல்திறனை உறுதி செய்கிறது. மேலும் டெவிய்லெட் (Devialet) உடன் இணைந்து வடிவமைக்கப்பட்ட 6.2.2-சேனல் சினிஸ்டேஜ் எக்ஸ் ஆனது சரவுண்ட் சிஸ்டமை வழங்குகிறது, இது சினிமா-தர ஒலியை வழங்குகிறது.

கூடவே இந்த ஸ்மார்ட் டிவிகள் - அதிவேக, பல பரிமாண ஆடியோ, வைசா சவுண்ட்சென்ட் (WiSA SoundSend) மற்றும் இஏஆர்சி (eARC) வழியாக தடையற்ற வயர்லெஸ் ஆடியோவிற்கான ஆதரவுடன், டாப்-ஃபயரிங் ஸ்பீக்கர்கள் மற்றும் ஒருங்கிணைந்த ஸ்பீக்கரையும் கொண்டுள்ளது. VIDAA ஸ்மார்ட் ஓஎஸ் ஆல் இயக்கப்படும் இந்த அமைப்பு, இந்தி உட்பட 28 மொழிகளை ஆதரிக்கிறது.

மேலும் இந்த ஸ்மார்ட் டிவிகள் நிகழ்நேர செயல்திறன் மேலாண்மைக்கான பிரத்யேக கேம் பார், ஸ்க்ரீன் டியரிங்கை தடுக்க AMD FreeSync பிரீமியம் ப்ரோ மற்றும் கேமர்களுக்கான VRR உடன் கூடிய சொந்த 165ஹெர்ட்ஸ் கேம் மோட் அல்ட்ரா ஆகிய அம்சங்களையும் கொண்டுள்ளது. சூரிய சக்தியில் இயங்கும், யூஎஸ்பி-சி ரீசார்ஜ் செய்யக்கூடிய இதன் ரிமோட் - எளிதான, சுற்றுச்சூழலுக்கு உகந்த செயல்பாட்டை உறுதி செய்யும் அதே வேளையில், பேட்டரி செலவையும் குறைக்கிறது.