அட்டகாசமான புதிய எல்ஜி 3டி நோட்புக்குகள்!

எல்ஜி நிறுவனம் 3 புதிய 3டி கணினிகளைக் களமிறக்கவிருக்கிறது. அதில் இரண்டு 3டி நோட்புக்குகளான எல்ஜி பி535 மற்றும் எல்ஜி எ540 ஆகியவை வரும் சிஇஎஸ் கண்காட்சியில் அறிமுகப்படுத்தப்பட இருக்கின்றன.

எல்ஜி பி535 நோட்புக்கின் சிறப்பு அம்சங்களைப் பார்த்தால் இது 15.6 இன்ச் கொண்டு ஒரு 3டி நோட்புக் ஆகும். இதன் டிஸ்ப்ளே எல்இடி பேக்லைட் வசதியைக் கொண்டுள்ளது. இந்த நோட்புக் மற்ற போட்டி நோட்புக்குகளை விட 24% மெல்லியதாக இருக்கிறது. இதனுடைய எடை 2.2 கிலோவாகும். இதன் கஸ்டம் 3டி 1366 X 768 ஆகும்.

இதில் ஐ3 அல்லது ஐ5 அல்லது ஐ7 போன்ற ப்ராசஸர்களில் ஏதாவது ஒன்றைப் பயன்படுத்த முடியும். க்ராபிக்ஸ் வேலைகளுக்காக இந்த நோட்புக்கில் இன்டல் எச்டி 3000 க்ராபிக்ஸும் உள்ளது. அதுபோல் என்விடியா ஜிஇபோர்ஸ் 1ஜிபி ஜிபியு அல்லது 2ஜிபி ஜிபியு இருக்கும்.

மேலும் இந்த நோட்புக் 1டிபி சேமிப்பு வசதியை வழங்குகிறது. அதுபோல் இதில் ஒரு டிவிடி பர்னரும் அடங்கும். மேலும் வைபை மற்றும் ப்ளூடூத் 3.0 வசதியும் உள்ளன. அடுத்த்தாக எல்ஜி எ540 நோட்புக்கும் ஒரு அல்டிமேட் 3டி நோட்புக் ஆகும். இது க்வாட்கோர் ப்ராசஸரைக் கொண்டுள்ளது.

இதன் க்ளாசஸ் ப்ரீ 3டி டிஸ்ப்ளே 15.6 இன்ச் அளவைக் கொண்டுள்ளது. இதில் உள்ள ப்ரி இன்ஸ்டால்டு 3டி எடிட்டிங் சாப்ட்வேர் மூலம் இதில் வீடியோக்களையும் அதுபோல் வீடியோ கேம்களையும் சுகமாக அனுபவிக்கலாம். அடுத்ததாக ஒரு 4.1 சேனல் 3டி சவுண்ட் தொழில் நுட்பமும் இந்த நோட்புக்கிற்கு வலு சேர்க்கிறது.

இதில் உள்ள 3டி டூவல் வெப்காம் மூலம் வீடியோ கான்பரன்சிங் மற்றும் அழைப்புகளை மிகச் சிறப்பாகச் செய்ய முடியும். மேலும் ஏராளமான வீடியோ கான்பரன்சிங் அப்ளிகேசன்கள் உள்ளன. அதுபோல் சாப்ட்வேர் அப்ளிகேசன்களான எல்ஜி 3டி ஸ்பேஸ், ஆர்க் சாப்ட் ஷோபிஸ் 3டி மற்றும் டிடிடி ட்ரைடெப் 3டி அப்ளிகேசன் ஆகியவையும் இந்த நோட்புக்கில் உள்ளன.

இறுதியாக எல்ஜி வி300 ஒரு ஆல் இன் ஒன் கணினி ஆகும். இது 3டி வசதியுடன் வருகிறது. இது ஐபிஎஸ் டிஸ்ப்ளேயுடன் வருகிறது. அதுபோல் இதன் வியூவிங் கோணம் 178 டிகிரி ஆகும். இதில் உள்ள டிரிபிள் கேமரா சிஸ்டம் மல்டி டச் வசதியை அளிக்கிறது. இதன் முழ எச்டி எப்பிஆர திறை 23 இன்ச் அளவு கொண்டு முழுமையான 3டி வசதியை வழங்குகிறது.

மேலே சொல்லப்பட்ட இந்த 3 டிவைஸ்களும் இந்த ஆண்டின் முதல் காலாண்டில் வருகின்றன. இதில் 3டி வசதிகள் இருந்தாலும் 2டி வசதிகளையும் இந்த கணினிகள் கொண்டிருக்கும். இவற்றின் விலை இன்னும் அறிவிக்கப்படவில்லை.