லெனோவாவின் மிக உறுதியான புதிய அல்ட்ராபுக்

Posted By: Karthikeyan
லெனோவாவின் மிக உறுதியான புதிய அல்ட்ராபுக்

லெனோவாவின் திங்க்பேட் லேப்டாப்புகள் மிகவும் பிரபலமானவை. இந்த திங்க்பேட் லேப்டாப்புகள் வந்து 20 ஆண்டுகள் நிறைவு பெறுகின்றன. இந்த 20 ஆம் ஆண்டு நினைவாக லெனோவா நிறுவனம் இந்தியாவில் ஒரு புதிய அல்ட்ராபுக்கைக் களமிறக்கி இருக்கிறது. இந்த புதிய லேப்டாப்பிற்கு திங்க்பேட் எக்ஸ்1 கார்பன் அல்ட்ராபுக் என்று பெயர் சூட்டப்பட்டிருக்கிறது.

மிகவும் மெல்லியதாக இருக்கும் இந்த லேப்டாப் ஏராளமான தொழில் நுட்ப வசதிகளுடன் வருகிறது. குறிப்பாக இதன் 14 இன்ச் எச்டி டிஸ்ப்ளே மிகவும் துல்லியமாக இருக்கிறது. அதோடு இந்த லேப்டாப் மிகவும் உறுதியானது, தாறுமாறான வேகம் கொண்டது, நீடித்து உழைக்கக்கூடியது மற்றும் அதிகமான பாதுகாப்பு வசதிகளைக் கொண்டது.

பார்முலா 1 ரேஸ் கார்களில் இருக்கும் பைபர் தகடுகளால் இந்த லேப்டாப் தயாரிக்கப்பட்டிருக்கிறது. அதோடு இது ஐவி பிரிட்ஜ் ப்ராசஸர், சூப்பரான பேட்டரி, மற்றும் ஒரு கண்ணாடி மல்டி டச் ட்ராக்பேடுடன் களம் இறங்குகிறது. மேலும் டோல்பியின் சரவுண்ட் சவுண்டும் இந்த லேப்டாப்பில் இருப்பதால் சூப்பரான இசையையும் கேட்கலாம்.

தற்போது இந்த லேப்டாப் விண்டோஸ் 7 இயங்கு தளத்தில் வருகிறது. ஆனால் அக்டோபர் 26ல் விண்டோஸ் 8 இயங்கு தளம் வந்த பின் இந்த புதிய இயங்கு தளத்தை இந்த லேப்டாப்பில் அப்டேட் செய்ய முடியும். இந்த லேப்டாப் ரூ.85,000க்கு விற்கப்படுகிறது.

Please Wait while comments are loading...

சமூக வலைதளம்

இந்த நாள் முழுவதற்குமான செய்திகளை உடனுக்குடன் பெறுங்கள் - Tamil Gizbot