ஆன்ட்ராய்டு அப்டேட் பெறும் ஹுவெய் மீடியாபேட்!

Posted By: Karthikeyan
ஆன்ட்ராய்டு அப்டேட் பெறும் ஹுவெய் மீடியாபேட்!

சீனாவைச் சேர்ந்த டேப்லெட் நிறுவனமான ஹூவேய் ஏற்கனவே தனது மீடியபேடை இந்தியாவில் களமிறக்கி இருந்தது. இந்த டேப்லெட் இப்போது வெற்றிகரமாக விற்பனையாகிக் கொண்டிருக்கிறது. தற்போது இந்த டேப்லெட்டுக்கு ஆன்ட்ராய்டு ஐசிஎஸ் அப்டேட்டை ஹூவாய் செய்ய இருக்கிறது. இந்த அப்டேட் மூலம் இந்த மீடியாபேட் மிகவும் பொலிவு பெறும் என்று எதிர்பார்க்கப்படுகிறது.

இந்த மீடியாபேடில் ஆன்ட்ராய்டு ஐஸ்க்ரீம் சான்ட்விஜ் 4.0 இயங்குதளம் அப்டேட் செய்யப்பட்டால் இந்த டேப்லெட்டின் வேகம் இன்னும் அதிகமாக இருக்கும். அதுபோல் இதன் கேமராவும் நவீனமாகும். மேலும் புதிய கேலரி அப்ளிகேசன், நியூ பீப்பிள் அபிளிகேசன் போன்றவை இந்த டேப்லெட்டுக்கு கிடைக்கும்.

7 இன்ச் அளவில் இருக்கும் இந்த மீடியபேட் 1280 x 800 பிக்சல் கொண்ட டிஸ்ப்ளேயைக் கொண்டிருக்கிறது. 1.2 ஜிஹெர்ட்ஸ் க்வல்காம் சினாப்ட்ராகன் டூவல்கோர் ப்ராசஸரும், 1ஜிபி ரேமும் இந்த டேப்லெட்டுக்கு வலு சேர்க்கின்றன. மேலும் இதில் இருக்கும் 8ஜிபி சேமிப்பு, முகப்பு மற்றும் பின்பக்க கேமராக்கள், வைபை, ப்ளூடூத் மற்றும் ஜிபிஎஸ் ஆகியவை இந்த மீடியாபேடில் இருக்கும் மற்ற முக்கிய அம்சங்களாகும்.

இந்த ஆன்ட்ராய்டு ஐசிஎஸ் அப்டேட் மூலம் இந்த மீடியாபேடின் விற்பனை இன்னும் அதிகமாகும் என எதிர்பார்க்கப்படுகிறது.

Please Wait while comments are loading...

சமூக வலைதளம்