ஆப்டிக்கல் ட்ரைவுடன் வரும் புதிய டெல் லேப்டாப்

Posted By: Staff

ஆப்டிக்கல் ட்ரைவுடன் வரும் புதிய டெல் லேப்டாப்
அமெரிக்காவை தலைமையிடமாகக் கொண்ட டெல் நிறுவனம் மின்னனு பொருள்களைத் தயாரித்து வழங்குவதில் உலக அளவில் நற்பெயரைப் பெற்று இருக்கிறது. மேலும் டெல் லேப்டாப் உலகில் புரட்சியை ஏற்படுத்தி இருக்கிறதென்றால் அது மிகையாகாது.

அந்த வரிசையில் டெல் புதிதாக டெல் எக்ஸ்பிஎஸ் 14இஸட் என்ற புதிய லேப்டாப்பை அறிமுகப்படுத்த இருக்கிறது. குறிப்பாக முதலில் இந்த புதிய லேப்டாப்பை சீனாவிலும் அதனைத் தொடர்ந்து மற்ற நாடுகளிலும் அறிமுகப்படுத்த இருக்கிறது.

இந்த புதிய லேப்டாப்பின் சிறப்பம்சங்களைப் பார்த்தோமானால் இது அலுமினிய உலேகத்தால் ஆனது. அதனால் இது பக்கா ஸ்டைலாக இருக்கும். இதன் அடர்ந்தி 1 இன்ச்சிக்கும் குறைவாக இருப்பாதால் இது மெல்லியதாகவும் போர்ட்டபுளாகவும் இருக்கும்.

அடுத்ததாக இதன் டிஸ்ப்ளே 14 இன்ச் அளவு கொண்ட எல்எடி வசதி கொண்டதாகும். இதன் பிக்ஸல் ரிசலூசன் 1366X768 ஆகும். அதனால் இதன் டிஸ்ப்ளே தெளிவாகவும் துல்லியமாகவும் இருக்கும். மேலும் இது ஆப்பிளின் லேப்டாப்புகளுக்கு சரியான போட்டியாக இருக்கும் என நம்பலாம். இது இன்டல் கோர் ஐ5 ப்ராசஸரைக் கொண்டு இருப்பதால் இதன் கம்ப்யூட்டிங் மிக விரைவாக இருக்கும். மேலும் இதன் ஓஎஸ் விண்டோஸ் 7 ஹோம் ப்ரீமியம் ஆகும்.

டெல் எக்ஸ்பிஎஸ் 14ஸட் 8ஜிபி ரேமையும் அதேபோல் 500ஜிபி எச்டிடியையும் கொண்டிருக்கிறது. அதுபோல் மற்ற லேப்டாப்புகளில் இல்லாத நவீன ஆப்டிக்கல் ட்ரைவையும் இது வழங்குகிறது. மேலும் இதன் ட்ராக்பேட் மிக பெரியது. அதன் நிறம் மெட்டலிக் ஆகும்.

அடுத்ததாக ப்ளூடூத் மற்றும் வைபை கொண்டிருக்கிறது. 1ஜிபி வீடியோ கார்ட் கொண்டிருப்பதால் தடையில்லாமல் வீடியோ படங்களைப் பார்க்க முடியும். இதன் பேட்டரியின் திறனை எடுத்துக் கொண்டால் இது 7 மணி நேரம் தாங்கக் கூடியதாகும். மேலும் இந்த லேப்டாப் கார்ட் ரீடர் மற்றும் மல்டி டச் பேட் கொண்டு ஒரு யூசர் ப்ரண்ட்லியாக இருக்கிறது. மேலும் இது யுஎஸ்பி 3.0 போர்ட்கள் மற்றும் லேன் கனக்சனும் கொண்டிருக்கிறது.

டெல் எக்ஸ்பிஎஸ் 14ஸட்டின் விலை இன்னும் அறிவிக்கப்படவில்லை. ஆனால் ரூ.38,000 முதல் ரூ.41,000க்குள் இருக்கும் என நம்பலாம். மேலும் இந்த லேப்டாப் டெல்லுக்கு மிக பெரிய வெற்றியைத் தரும் என்று எதிர்பார்க்கப்படுகிறது. பொறுத்திருந்து பார்ப்போம். டெல்லின் நோக்கம் மிக மெல்லிய லேப்டாப்பை இந்த உலகிற்கு வழங்குவதாகும்.

Please Wait while comments are loading...

சமூக வலைதளம்