புதிய டேப்லெட்டை அறிமுகப்படுத்துகிறது ஏசர்

Posted By: Shajahan
புதிய டேப்லெட்டை அறிமுகப்படுத்துகிறது ஏசர்

டேப்லெட் கணினி துறை நாளுக்கு நாள் மிக வேகமாக வளர்ந்து கொண்டே இருக்கிறது. குறிப்பாக, டேப்லெட்டுகளின் விற்பனை கணினி மற்றும் லேப்டாப்புகளின் விற்பனையை மிக விரைவில் விஞ்சிவிடும் என கருதப்படுகிறது.

இந்த துறையில் ஏராளமான நிறுவனங்கள் அதிகமாக முதலீடு செய்து அதன் மூலம் மிகத் தரமான புதிய டேப்லெட்டுகளை நாள்தோறும் அறிமுகப்படுத்திக் கொண்டே இருக்கின்றன. அந்த வரிசையில் ஏசர் நிறுவனமும் தனது புதிய டேப்லெட்டைக் களமிறக்குகிறது.

ஏசர் எ200 டேப் என்ற பெயரில் இந்த புதிய டேப்லெட்டை ஏசர் அறிமுகப்படுத்துகிறது. இந்த டேப்லெட் ப்ளூடூத் ஸ்பெஷல் இன்ட்ரஸ்ட் குரூப்பில் சமர்ப்பிக்கப்பட்டு அதன் தரச் சான்றிதழையும் பெற்றுள்ளது. இந்த டேப்பின் படங்கள் இப்போதுதான் இணையதளத்தில் வந்திருக்கின்றன. ஆனால் அதைப் பற்றிய வேறு தகவல்கள் எதுவும் கிடைக்கவில்லை.

இந்த ஏசர் எ200 ஏசரின் எ-100 மற்றும் எ500க்கும் இடையில் வரும் நடுத்தர ரகத்தை சேர்ந்ததாக இருக்கும்.

ப்ளூடூத் ஸ்பெஷல் இன்டரஸ்ட் குரூப் இணையதளத்திற்கு அறிவித்த அறிக்கையின் படி இந்த சிறியதாக இருக்கும்.

சாதாரண அளவில் வருகிற ஒரு பத்திரிக்கையின் அளவை விட சிறியதாக இருக்கும். இதன் திரையின் அளவு 7 முதல் 8.9 இன்ச்சாக இருக்கும். ஆனால், திரை 10 இன்ச்சாக கூட இருக்கும் என்று கருதப்படுகிறது. இதன் படங்களைப் பார்க்கும் போது இந்த டேப்லெட்டின் திறையின் அளவு 10 இன்ச்சுக்கு குறைவாக இருப்பது போல் தெரிகிறது.

ஏசர் எ200 டேப் மிகக் குறைவான தேவையான பட்டன்களை மட்டுமே கொண்டுள்ளது. பார்ப்பதற்கு நெளிவு சுழிவுகளுடன் மிக அழகாக இருக்கிறது. அதாவது சாம்சங்கின் கேலக்ஸி டேப்லெட்டை போல் இருக்கிறது.

ஏசர் எ200 எந்த ஆன்ட்ராய்டு வெர்சனில் இயங்கும் என தெரியவில்லை. ஆன்ட்ராய்டின் 4.0 ஐஸ்-க்ரீம் சான்ட்விஜ் வெர்சன் அல்லது ஆன்ட்ராய்டு 3.2 ஹனிகோம்ப் வெர்சனில் இயங்கும் எனத் தெரிகிறது.

ஏசர் எ200 டேப் பேக்ரா 3 க்வாட் கோர் ப்ராசஸரைக் கொண்டிருக்கும். ப்ளூடூத் ஸ்பெஷல் இன்டரஸ்ட் குரூப் கொடுத்த தகவலின் படி இந்த டிவைஸ் புதிய டச் அனுபவத்தை வழங்கும். அதாவது இது சூப்பர் சென்சிட்டிவ் கப்பாசிட்டிவ் அல்லது அமோலெட் தொடுதிரை கொண்டு வரும் என்று தெரிகிறது.

எ500 2மெகா பிக்சல் கொண்ட முகப்பு கேமராவையும் 5 மெகா பிக்சல் கொண்ட ரியர் கேமராவையும் வழங்கியது. அதுபோல் 32ஜிபி இன்டர்னல் மெமரியையும், 1ஜிபி ரேமையும் மற்றும் 64ஜிபி வரை விரிவுபடுத்தக்கூடிய மெமரி வசதியையும் வழங்கியது. அதே போல் ஏசர் எ200ம் அந்த வசதிகளை வழங்கும் என எதிர்பார்க்கலாம். ஆனால் இதன் விலை எ500ஐ விட குறைவாக இருக்கும்.

Please Wait while comments are loading...

சமூக வலைதளம்