இந்த ஆண்டின் சிறந்த ஆன்ட்டி வைரஸ் இதுதான்...!

Written By:

தற்போது நாம் எந்த கம்பியூட்டரை பயன்படுத்தினாலும், அதற்கு ஆன்ட்டி வைரஸ் தான் முதல் தேவையாக உள்ளது.

மேலும் இது இணையம் வழியாகவும், யு.எஸ்.பி. ப்ளாஷ் ட்ரைவ் வழியாகவும் வரும் வைரஸ் மற்றும் மால்வேர் புரோகிராம்களைத் தடுத்து நிறுத்தி, அவற்றின் மோசமான நடவடிக்கை களிலிருந்து நம் கம்ப்யூட்டரைப் பாதுகாக்கும் அரணாக ஆன்ட்டி வைரஸ் புரோகிராம்கள் செயல்படுகின்றன.

இதனாலேயே, பல நிறுவனங்கள் தாங்கள் தயாரிக்கும் ஆன்ட்டி வைரஸ் புரோகிராம்களின், எளிய, ஆனால், பயன்மிக்க பதிப்புகளை இலவசமாக இணையத்தில் வழங்குகின்றன.

பெரும் நிறுவனங்கள் பயன்படுத்தும் ஆன்ட்டி வைரஸ் தொகுப்புகளையும், நம்மைப் போன்ற நுகர்வோர்கள் பயன்படுத்தும் ஆன்ட்டி வைரஸ் தொகுப்புகளையும் எடுத்து ஆய்வு செய்தபோது இங்கு நுகர்வோர்கள் பயன்படுத்தும் ஆன்ட்டி வைரஸ் தொகுப்புகளின் செயல்பாடு குறித்து சில உண்மைகள் கண்டறியப்பட்டன.

இந்த சோதனைகள் அனைத்தும் விண்டோஸ் 8 மற்றும் விண்டோஸ் 8.1 ஆப்பரேட்டிங் சிஸ்டம் இயங்கும் கம்ப்யூட்டர்களில் மேற்கொள்ளப்பட்டன. பாதுகாப்பு, செயல்பாடு மற்றும் பயன்நிலை ஆகியவற்றின் அடிப்படையில் இவை சோதனை செய்யப்பட்டு மதிப்பெண்கள் வழங்கப்பட்டன. 0 முதல் 18 வரை மதிப்பெண் அளவு வைத்துக் கொள்ளப்பட்டது.

ஸ்மார்ட் போன் கேலரிக்கு

இந்த ஆண்டின் சிறந்த ஆன்ட்டி வைரஸ் இதுதான்...!

ஸ்மார்ட் போன் கேலரிக்கு

பாதுகாப்பு என்பது, எந்த அளவிற்க்கு இந்த புரோகிராம்கள், வைரஸ் மற்றும் மால்வேர்களை முழுமையாகத் தடுத்து நிறுத்தின என்ற அடிப்படையில் காணப்பட்டது.

6 மதிப்பெண் வாங்கியவை முழுமையாக இவற்றைத் தடுத்து நிறுத்தின. செயல் திறன் என்பது, கம்ப்யூட்டர் சிஸ்டத்தில் இவை இயங்கும் வேகம் குறித்தது. பயன்நிலை என்பது அவை நுகர்வோருக்கு எந்த அளவில் பயன்படுகின்றன என்ற அளவில் அறியப்பட்டது ஆகும்.

இவற்றில் பிட்டிபன்டர் இன்டர்நெட் செக்யூரிட்டி 2014 (Bitdefender Internet Security 2014) 18 மதிப்பெண்கள் பெற்று, முதல் இடத்தைப் பெற்றது. இதே நிலையில் 18 மதிப்பெண்கள் பெற்று முதல் இடத்தை கேஸ்பர்ஸ்கை 2014(Kaspersky Lab Internet Security 2014) பெற்றுள்ளது.

அடுத்ததாக அவைரா 2014(Avira Internet Security 2014), 17.5 மதிப்பெண் பெற்று இரண்டாம் இடத்தைப் பெற்றது. இதற்கு அடுத்து F செக்யூர் 2014 (FSecure Internet Security 2014 (16.5)), BullGuard Internet Security 14.0 (15.5), Trend Micro Titanium Maximum Security 2014 (15.5), Panda Security Cloud Antivirus FREE 2.3 (15.5), AVG Antivirus Free Edition 2014 (15), Symantec Norton Internet Security 2014 (15), McAfee Internet Security 2014 (14.5), ஆகியவை இடம் பெறுகின்றன.

பிட்டிபன்டர் மற்றும் கேஸ்பர்ஸ்கை ஆகிய இரண்டும் முழு மதிப்பெண்கள் பெற்று, மிகச் சிறந்த ஆன்ட்டி வைரஸ் புரோகிராம்களாக இடம் பெற்றுள்ளன. சில பாதுகாப்பு வழங்குவதில் முழு மதிப்பெண்கள் பெற்றாலும், அவை சிஸ்டம் இயங்குவதில் சிக்கலை உண்டாக்குவதாய் அமைந்துள்ளன.

இதே போல் மற்றொரு நிறுவனம், வேறு சில ஆன்ட்டி வைரஸ் புரோகிராம்களையும் சோதனை செய்து, முடிவை அறிவித்துள்ளது. அவை முதல் சில இடங்களைப் பிடிக்கவில்லை; மேலும் நம்மிடையே அவ்வளவாக அறிமுகம் ஆகாதவை ஆகும்.

Please Wait while comments are loading...

சமூக வலைதளம்