ஜே1 கேமராவை அப்கிரேடு செய்யும் நிக்கன்!

Posted By: Karthikeyan
ஜே1 கேமராவை அப்கிரேடு செய்யும் நிக்கன்!

கேமரா தயாரிப்பில் முன்னனியில் இருக்கும் நிக்கன் நிறுவனம் நிக்கன் 1 ஜே1 என்ற கேமராவைக் களமிறக்கியது. அந்த கேமரா உலக அளவில் பெரிய வரவேற்பைப் பெற்றது. தற்போது அந்த கேமராவை அப்க்ரேட் செய்து அந்த கேமராவிற்கு நிக்கன் 1 ஜே2 என்று புதிய பெயரை சூட்டி அதை சந்தையில் களமிறக்க இருக்கிறது நிக்கன்.

இந்த நிக்கன் 1 ஜே2 என்ற கேமரா மிரர்லஸ் வகையைச் சேரந்தது. இந்த கேமராவில் கிரியேட்டிவ் மோட் வசதி இருப்பதால் இந்த கேமராவைப் பயன்படுத்துவோர் விரும்பும் வகையில் விரும்பும் வண்ணத்தில் போட்டோ மற்றும் வீடியோ எடுக்க முடியும்.

அதோடு இந்த கேமராவில் பி, எ, எஸ், எம் போன்ற மோடுகளை மிக எளிதாக கையாள முடியும். இந்த கேமரா மிகவும் உறுதியாக இருக்கிறது. குறிப்பாக ப்ளாஸ்டிக்கிற்குப் பதிலாக இது உலோகத்தால் செய்யப்பட்டுள்ளதால் இது கீழே விழுந்தாலும் எளிதாகப் பாதிப்படைவதில்லை.

இந்த ஜே2 கேமராவின் ஒரு புதிய லென்சும் அதோடு சிஎக்ஸ் சிஸ்டமும் உள்ளது. அதனால் இதில் போட்டோ மிகத் தெளிவாக இருக்கும்.

விலையைப் பொருத்த மட்டில் இந்த கேமரா 549.95 அமெரிக்க டாலர்களுக்கும், இதன் 11-27.5எம்எம் எப்/3.5-5.6 லென்ஸ் 189.95 அமெரிக்க டாலர்களுக்கும் விற்கப்பட இருக்கின்றன. வரும் செப்டம்பரில் இந்த புதிய கேமரா விற்பனைக்கு வந்துவிடும் என்று தெரிகிறது.

Please Wait while comments are loading...

சமூக வலைதளம்