இனி YuppTV கூட ஐபிஎல் 2020 போட்டிகளை பார்க்க முடியும்.! கூடுதல் முயற்சி.!

ஸ்ட்ரீமிங் தளம் 10க்கும் மேற்பட்ட பிராந்தியங்களில் LIVE போட்டிகளை ஒளிபரப்பும். பூட்டுதலுக்கு மத்தியில், ஏராளமான விளையாட்டு ரசிகர்கள் ட்ரீம் 11 ஐபிஎல் 2020 போட்டியை வீட்டில் அமர்ந்து அனுபவிக்க இந்த தளங்கள் உதவும் என்று தெரிவிக்கப்பட்டுள்ளது. அதிக ரசிகர்களைப் பின்தொடரும் மற்றும் ஏராளமான பார்வையாளர்களைக் கொண்ட, ட்ரீம் 11 ஐபிஎல் 2020 போட்டிக்கான உரிமைகளை YuppTV பெற்றுள்ளது.

இந்த OTT இயங்குதளம், ட்ரீம் 11 ஐபிஎல் 2020 போட்டியை, செப்டம்பர் 19 முதல் துவங்கி நவம்பர் 10, 2020 வரை ஒளிபரப்பவுள்ளது. மற்ற கிரிக்கெட் போட்டிகளைப் போலல்லாமல், ஐபிஎல் டி20 போட்டிகள் மிகக் குறுகிய விளையாட்டு காலங்களைக் கொண்டிருக்கின்றன, வெறும் 3 மணிநேரம் மட்டுமே ஒரு போட்டி நடைபெறும் என்பதால்,அதிகப்படியான ரசிகர்களை ஐபிஎல் கவர்ந்துள்ளது. இது மிகவும் உற்சாகத்தை அளிக்கின்றது.

YuppTV இம்முறை, ட்ரீம் 11 ஐபிஎல் 2020 போட்டியின் மெய்நிகர் லைவ் ஸ்ட்ரீமிங்கை ஆஸ்திரேலியா, கான்டினென்டல் ஐரோப்பா, மலேசியா, தென்கிழக்கு ஆசியா (சிங்கப்பூர் தவிர), இலங்கை, நேபாளம், பூட்டான், மாலத்தீவுகள், மத்திய ஆசியா, மத்திய மற்றும் தென் அமெரிக்காவில் ஒளிபரப்பவுள்ளது என்று அதிகாரப்பூர்வமாக தற்பொழுது அறிவித்துள்ளது.

14 மொழிகளில் 250க்கும் மேற்பட்ட டிவி சேனல்கள், 3000+ திரைப்படங்கள் மற்றும் 100+ டிவி ஷோக்களை YuppTV வழங்கி வருகிறது. இப்போது இந்த பட்டியலுடன், ட்ரீம் 11 ஐபிஎல் 2020 போட்டியின் உரிமைகளுடன் இந்த ஆண்டு கூடுதல் ரசிகர்களை ஈர்க்க திட்டமிட்டுள்ளது. மேலும் பார்வையாளர்களை மெய்நிகர் ஐபிஎல்லின் சிறந்த அனுபவத்தை அரங்கத்தின் உணர்வோடு வழங்கவும் YuppTV நிறுவனம் முயன்று வருகிறது என்று தெரிவிக்கப்பட்டுள்ளது.