முடிவுக்கு வருகிறது யாஹூ மெசஞ்சர்.!

யாஹூ மெசஞ்சர்

கடந்த 1998ஆம் ஆண்டு யாஹூ மெசஞ்சர் அறிமுகம் செய்யப்பட்டபோது, பெரும்பாலான இந்தியர்கள் அதற்கு மிகப்பெரிய வரவேற்பை அளித்தனர். இந்த பழைய முறை பயனாளிகளின் புதிய அனுபவத்தை கொடுக்க மறுத்தது. அதுமட்டுமின்றி வளர்ந்து வரும் கூகுள் டாக், சமூக வலைத்தளங்களான ஃபேஸ்புக், மற்றும் ஸ்மார்ட்போன்களில் உள்ள சேட்டிங் செயலிகளான வாட்ஸ் அப் போன்றவற்றுக்கு யாஹூவால் ஈடுகொடுக்க முடியவில்லை.

ஐஒஎஸ்

மேலும் யாஹூ தனது கடைசி முயற்சியாக யாஹூ மெசஞ்சரை ஆண்ட்ராய்டு மற்றும் ஐஒஎஸ் போன்களுக்கு ஏற்ற வகையில் மாற்றம் கொண்டு வந்தது. இருப்பினும் அதனால் ஜொலிக்க முடியவில்லை.

2015ஆம் ஆண்டு

இந்த நிலையில் தான் கடந்த 2015ஆம் ஆண்டு டிசம்பர் மாதம் யாஹூ மெசஞ்சர் புதிய வடிவில் வெளியானது. இந்த புதிய வெர்ஷனின் டிசைன் முற்றிலும் மாறுபட்டதாக இருந்ததோடு, பல புதிய வசதிகளும் இதில் இருந்தன. இந்த புதிய வெர்ஷனில் இருந்த முக்கிய வசதிகளில் அனுப்பாத மெசேஜ்களை மீட்டெடுக்கவும், அனுப்பிய மெசேஜ்களை திரும்ப பெறும் வசதியும் ஆகும்.

வாட்ஸ் அப்

வாட்ஸ் அப், ஐமெசேஜ், மற்றும் பேஸ்புக் ஆகியவற்றுக்கு இணையாக யாஹூ மெசஞ்சர் மொபைல் பிளாட்பாரத்தில் செயல்பட முடியவில்லை என்பது ஒரு பெருங்குறையாக இருந்தாலும், டெக்ஸ்டாப் கம்ப்யூட்டரில் செயலியாக செயல்படும் முதல் செயலி என்ற பெருமை இதற்கு உண்டு. இதனை அடுத்தே கூகுள் ஹாங்ஸ் அவுட் செயல்பட்டது என்பது குறிப்பிடத்தக்கது.