ஃபார்வர்டு செய்திகளை அனுப்ப 5முறைமட்டுமே அனுமதி: வாட்ஸ்ஆப் அதிரடி.!

ஃபார்வர்டு செய்திகள்:

தற்சமயம் வாட்ஸ்ஆப் நிறுவனம் சார்பில் தெரிவிக்கப்பட்ட தகவல் என்னவென்றால் ஒரு நாளைக்கு 5-பார்வர்டு செய்திகளை மட்டுமே அனுப்ப முடியும் என்ற தகவல் வெளிவந்துள்ளது. மேலும் இந்த புதிய அம்சம் வாட்ஸ்ஆப்பில் சோதனை செய்யப்பட்டுவருகிறது என்று தெரிவிக்கப்பட்டுள்ளது. ஆனால் இந்த அம்சம் எப்போது பயனர்களுக்க வழங்கப்படும் என்ற அறிவிப்பு தெரிவிக்கப்படவில்லை.

20-க்கும் மேற்ப்பட்டோர்:

இதுவரை வாட்ஸ்ஆப் வதந்தியால் 20-க்கும் மேற்ப்பட்டோர், பொதுமக்களால் அடித்துக் கொலை செய்யப்பட்டனர் என்பது
குறிப்பிடத்தக்கது. மேலும் பரவும் வதந்திகளைத் தடுப்பது பெரிய சவாலாக இருக்கிறது' என்று மத்திய அரசுக்குப் பதிலளித்தது வாஸ்ட் ஆப் நிறுவனம்.

இந்தியா

இந்தியாவில் பல மில்லியன் மக்கள் இந்த வாட்ஸ்ஆப் செயலியை மிக அதிகமாக பயன்படுத்துகின்றனர், மேலும் வாட்ஸ்ஆப்
மூலம் பரவும் வதந்திகள் கூட நிமிடத்திற்கு நிமிடம் தொடந்து அதிகரித்து வருகிறது என்பது குறிப்பிடத்தக்கது.

தகவல் தொழில்நுட்பம்

இப்போது மத்திய மின்னணு மற்றும் தகவல் தொழில்நுட்பத் துறை அமைச்சகம் சார்பில், வாட்ஸ்அப் நிறுவனத்துக்கு 2-வது முறையாக நோட்டீஸ் அனுப்பப்பட்டுள்ளது. குறிப்பாக வாட்ஸ்ஆப் வதந்திகளை கட்டுப்படுத்த எத்தகைய நடவடிக்கைகளை எடுக்கப்போகிறீர்கள்' எனப் பல கேள்விகளை மத்திய அரசு முன்வைத்துள்ளது.