ஆண்ராய்டில் ஸ்கீரினை ரெக்கார்ட் செய்ய வேண்டுமா? இலவச செயலிகள் இதோ.!

1. டியூ ரெக்கார்டர் - ஸ்கீரின் ரெக்கார்டர், வீடியோ எடிட்டர், லைவ்

ஸ்கிரீன் ரெக்கார்ட் செய்ய பெரிதும் பரிந்துரைக்கப்படும் செயலிகளில் டியூ ரெக்கார்டர் தான் முதன்மையாக உள்ளது. இதை பயன்படுத்துவது மிகவும் எளிதானது மற்றும் இதில் பல்வேறு வசதிகள் நிறைந்துள்ளன. இதை பயன்படுத்தி இரு வழிகளில் ரெக்கார்டிங்-ஐ கட்டுப்படுத்தலாம். பாப்அப் திரை அல்லது நோட்டிபிகேசன் பார் வாயிலாக இதை செய்யலாம்.

செட்டிங்ஸ் பகுதியில், வீடியோ ரெசல்யூசனை 240p முதல் 1080p வரையும், தரத்தை 1Mbps முதல் 12 Mbps வரையும், FPSஐ 15 முதல் 60 வரையும் அல்லது ஆட்டோ என மாற்றவும், ஆடியோ ரெக்கார்டிங் வசதியும், எங்கு பைல்களை சேமிக்க வேண்டும் என்பதையும் தேர்ந்தெடுக்கலாம்.

செயலி

இந்த செயலியில் சைகையின் மூலம் கட்டுப்படுத்தும் வசதியும் உள்ளது. அதில் போனை சேக் செய்வதன் மூலம் ரெக்கார்டிங் நிறுத்தும் வசதி,டைமர் மூலம் ரெக்கார்டிங் ஐ துவங்கும் வசதி போன்றவை ஈடிட் செய்யும் நேரத்தை குறைக்கும்.

பதிவு செய்யும் வீடியோக்களை ஜிப் பைலாக மாற்றும் வசதி, வீடியோ எடிட் செய்வது, பாப்அப் பட்டன்களை பயன்படுத்தி எளிதாக வீடியோ பதிவு செய்வது என பல்வேறு அம்சங்களை கொண்டிருந்தாலும் இது இலவசமாகவே கிடைக்கிறது.

2)ஏ.இசட் ஸ்கிரீன் ரெக்கார்டர்

உங்கள் போனில் பாப்அப் திரை வசதியை அனுமதிப்பதன் மூலம், திரையின் ஒரு பகுதியில் ரெக்கார்ட் செய்வதற்கான கன்ட்ரோல்கள் தோன்றும். இதன் மூலம் செட்டிங்ஸ் பகுதிக்கு செல்வது, நேராக ரெக்கார்டிங் செய்வது அல்லது அதை நேரிடையாக லைவ் செய்வது போன்றவற்றை செய்யலாம்.

டியூ ரெக்கார்டர் செயலியை போலவே, இதன் செட்டிங்ஸ் பகுதிக்கு சென்று ரெசல்யூசன், ப்ரேம் ரேட் போன்றவற்றை மாற்றமுடியும். மேலும் உங்கள் தொடுதல்கள், எழுத்துகள், லோகோ அல்லது முன்புற கேமரா மூலம் உங்கள் முகத்தை காண்பிக்கும் வசதியும் உள்ளது.

இதிலுள்ள மேஜிக் பட்டன் வசதி மூலம், கன்ட்ரோல் பட்டனை மறைப்பது, விளம்பரங்களை தடுப்பது, ஸ்கிரீனில் வரைவது, ஜிப் பைலாக மாற்றுவது போன்றவற்றை செய்யலாம்.இந்த வசதிகளை இலவசமாக பெறலாம். இதை விட அதிகமான வசதிகள் பெற ரூ190 செலுத்தி செயலியை மேம்படுத்திக்கொள்ளலாம்.

3) ஸ்கிரீன் ரெக்கார்டர்

மிகவும் எளிமையான செயலியான இது இலவசமாக கிடைப்பதுடன், விளம்பரங்கள் மற்றும் இன்-ஆப் பர்சேஸ் இல்லாமல் கிடைக்கிறது. மற்ற இரு செயலிகளை போலவே இதிலும் பாப்அப் திரை வசதியை அனுமதிக்கவேண்டும். மிகவும் எளிதாக பயன்படுத்தக்கூடிய இச்செயலியை இயக்கியவுடன், திரையின் அடிப்பகுதியில் டூல்பார் ஒன்று தோன்றும். டைமர் வைத்தோ அல்லது திரையை ஆப் செய்வதன் மூலமோ ரெக்கார்டிங்ஐ எளிதாக நிறுத்த முடியும்.மேலும் இந்த செயலியில் ரெக்கார்டிங், சேர், டிரிம், டிலீட் போன்ற வசதிகளும் உள்ளன.

இச்செயலியில் உள்ள மற்றொருமொரு வசதியான கேம் லாஞ்சர் மூலம், ரெக்கார்ட் செய்யும் போது கேம் விளையாட முடியும்.