வாட்ஸ்ஆப் அதிகமாக யூஸ் பண்ணிறீங்களா.? முதலில் 'இவைகளை தெரிந்து கொள்ளுங்கள்.!

மோசடி #01

நீங்கள் அடிக்கடி வாட்ஸ்ஆப்பில் "இந்த வவுச்சரை பயன்படுத்தி ரூ.100 பெறுங்கள்" என்ற மெஸேஜை காண முடியும். இது போன்ற மெஸேஜ்களிடம் இருந்து ஜாக்கிரதையாக இருங்கள். நீங்கள் அதை கிளிக் செய்ய கேட்கப்படும் பின்னர் உங்கள் தனிப்பட்ட விவரங்களை உள்ளிடவும் என்றும் கேட்கும். நீங்கள் பாதுகாப்பாக இருக்க வேண்டும் என்றால் இணைப்பை கிளிக் செய்யாதீர்கள்.

மோசடி #02

"வாட்ஸ்ஆப் முடிவுக்கு வருகிறது" என்ற மெஸேஜ் பல ஆண்டுகளாக சமூக ஊடக அரங்கு முழுவதும் உலா வரும் ஒரு மோசடி செய்தியாகும். இது சார்ந்த விடயத்தில் வாட்ஸ்ஆப் எந்தவிதமான அதிகாரப்பூர்வ அறிவிப்புகளையும் இதுவரை அறிவிக்கவில்லை.

மோசடி #03

சமீபத்தில், மோசடிக்காரர்கள் குறிப்பாக அவர்களின் வாட்ஸ்ஆப் கோல்ட் பதிப்பை வெளியிட்டு அதை மேம்படுத்திக் கொள்ளுமாறு அழைப்பு விடுத்தனர். அந்த செய்தியுடன் ஒரு இணைப்பும் வழங்கப்படும் அதன் மூலம் அவர்கள் அனைத்து வகையான வாட்ஸ்ஆப் அம்சங்களையும் அனுபவிக்க முடியும் என்று அவர்கள் உறுதிமொழி அளித்தனர். பின்னர் சமூக நெட்வொர்க்குகள் வழியாக அதுவொரு மோசடி என்று கண்டறியப்பட்டது.

மோசடி #04

சில ஆப்ஸ்கள் நீங்கள் உங்கள் வாட்ஸ்ஆப் நண்பரை உளவு பார்க்க அனுமதிக்கும் என்ற வாக்குறுதியை அளிக்கும். ஆனால் அவைகள் எல்லாமே தீம்பொருள் தான், உங்கள் ஸ்மார்ட்போனை வைரஸ் கொண்டு பாதிக்குமே தவிர எந்த விதமான உத்தியோகபூர்வமான உளவு பயன்பாட்டையும் அது அளிக்காது.

மோசடி #05

உங்கள் தொலைபேசியானது வாட்ஸ்ஆப்பின் அல்ட்ரா லைட் வைஃபைக்கு ஆதரவு அளிக்கிறது இதன் மூலம் நீங்கள் உங்கள் தரவு செலவை குறைக்கலாம் முற்றிலுமாக இலவசமாக வாட்ஸ்ஆப் பயன்படுத்தலாம் என்ற செய்தி உங்களுக்கு கிடைத்தால் அது 100% போலியான மோசடியாகும் என்பதை புரிந்துக் கொள்ளுங்கள்.