2.0 தெலுங்கு வீடியோ தமிழ் ஆடியோ இணைத்து வெளியிட்ட தமிழ்ராக்கர்ஸ்.!

2.0 திரைப்படம்:

இதில் நடிகர் ரஜினி-எமிஜாக்ஷன், அக்ஷய்குமார் உள்ளிட்ட பலர் நடித்து இருந்தனர். ஏஆர் ரகுமான் இசையமைத்து இருந்தார். சங்கர் இயக்கி இருந்தார். இந்த திரைப்படம் 3டி தொழில் நுட்பத்தில் முழுக்க முழுக்க எடுக்கப்பட்டது.

லைக்கா நிறுவனம்:

கடந்த 3 ஆண்டுக்கு மேலாக இந்த 2.0 படம் எடுக்கப்பட்டது. இலங்கையைச் சேர்ந்த லைக்கா புரொடெக்ஷன் நிறுவனம் ரூ.550 கோடியில் தயாரித்து இருந்தது. இந்த நிறுவனம் இதற்காக பல்வேறு ஏற்பாடுகளையும் செய்து இருந்தது.

வியாழன்று வெளியானது:

2.0 உலகம் முழுக்கவும் உள்ள 10 ஆயிரத்திற்கும் மேற்பட்ட திரையங்குகளில் வெளியானது. மேலும் தமிழ், தெலுங்கு, மலையாளம், ஹிந்தி, ஆங்கிலம் உள்ளிட்ட பல்வேறு மொழிகளிலும் படம் வெளியிடப்பட்டது.

முதல் நாள் வசூல் சாதனை:

உலகம் முழுவதும் கிட்டத்தட்ட 10 ஆயிரத்திற்கும் அதிகமான திரையரங்குகளில் இப்படம் வெளியாகியுள்ளது. ஏற்கனவே படம் வெளியாவதற்கு முன்பு, ரூ.120 கோடி வரையில் படம் வசூல் செய்துள்ளது என்பது குறிப்பிடத்தக்கது.

3 ஆயிரம் இணையதளங்களுக்குத் தடை:

லைக்கா நிறுவனம் தொடர்ந்த வழக்கை அடுத்து, தமிழ்ராக்கரஸ் உட்பட 3 ஆயிரம் இணையதளங்கள் இந்த படத்தை வெளியிடச் சென்னை உயர்நீதிமன்றம் தடை விதித்து இருந்தது.

இணைய சேவை நிறுவனங்கள் குறிப்பிட்ட 3 ஆயிரம் இணைய தளங்களை தடை விதிக்க வேண்டும் என்று உத்தரவு பிறப்பித்து இருந்தது.

தடையை மீறி வெளியிட்டது:

நீதிமன்ற உத்தரவையும் மீறி படம் வெளியாகி 2 காட்சிகள் ஓடிய இருந்த நிலையில் இந்தத் திரைப்படத்தை தமிழ்ராக்கர்ஸ் இணையதளம் வெளியிட்டு அதிர்ச்சியை ஏற்படுத்தியது.

தெலுங்கு பதிப்பில் வீடியோ:

தமிழகத்தில் திருட்டு தனமாக வீடியோ எடுக்க பல்வேறு கட்டுப்பாடுகள் இருப்பதால், ஆந்திரா அல்லது தெலுங்கானாவுக்கு சென்று தெலுங்கு வீடியோவை எடுத்துள்ளனர்.

தமிழ் ஆடியோ இணைப்பு:

எடுக்கப்பட்ட தெலுங்கு வீடியோவுடன், வெளிநாட்டில் அல்லது தமிழ்நாட்டில் ரெக்கார்டிங் செய்யப்பட்ட தமிழ் ஆடியோவை கட்சிதமாக இணைத்துள்ளனர்.
பிறகு உடனடியாக இணையதளத்தில் வெளியிட்டு உள்ளனர்.