முன்பதிவில்லா டிக்கெட் புக் செய்ய மொபைல் செயலி : அசத்தும் ரெயில்வே.!

ஆண்ராய்டு

ரெயில்வே தகவல் அமைப்பு மையம்(Centre for Railway Information System ) உருவாக்கியுள்ள உட்சான்மொபைல்(utsonmobile) என்று அழைக்கப்படும் இந்த செயலி ஆண்ராய்டு மற்றும் விண்டோஸ் ஸ்மார்ட்போன்களில் கிடைக்கிறது. பயனர்கள் கூகுள் ப்ளே ஸ்டோர் மற்றும் விண்டோஸ் ஸ்டோரில் இலவசமாக பதிவிறக்கம் செய்துகொள்ளலாம்.

மொபைல் எண்

முதலில் பயணிகள், அவர்களின் மொபைல் எண், பெயர், ஊர், பதிவுசெய்யவுள்ள ரெயிலின் வகை, பெட்டி வகை, டிக்கெட் வகை, பயணிகளின் எண்ணிக்கை, அதிகமாக பயன்படுத்தும் ரயில் வழித்தடங்கள் போன்ற தகவல்களை பதிவு செய்ய வேண்டும். வெற்றிகரமாக பதிவு செய்த பின்பு, பயணியின் ரெயில்வே வாலட் (ஆர்-வாலட்) பூஜ்ய பண இருப்புடன் தானாக உருவாக்கப்படும். இதற்காக கூடுதல் கட்டணம் செலுத்த தேவையில்லை.

முன்பதிவில்லா டிக்கெட்

யூ.டி.எஸ் கவுன்டர்களின் மூலமோ அல்லது https://www.utsonmobile.indianrail.gov.in இணையதளத்தில் உள்ள ரீசார்ஜ் வசதியின் மூலமோ ஆர்-வாலட்டிற்கு பணம் ரீசார்ஜ் செய்யலாம். இந்த செயலியானது, முன்பதிவில்லா டிக்கெட்களை பதிவு செய்வதற்காக மட்டுமே என்பதால் முன்கூட்டியே டிக்கெட்கள் பதிவு செய்ய அனுமதிக்கப்படுவதில்லை.

காகித வடிவில்

மேலும் பயணிகள் பயணத்தின் போது காகித வடிவில் டிக்கெட்களை எடுத்துசெல்ல வேண்டிய அவசியமில்லை. டிக்கெட் பரிசோதகர்கள் டிக்கெட்களை சரிபார்க்கும் போது, பயணிகள் இந்த செயலியில் உள்ள 'Show Ticket' எனும் வசதியை பயன்படுத்தி டிக்கெட்டை காண்பிக்கலாம் என அந்த அறிக்கையில் கூறப்பட்டுள்ளது.