ஆன்லைன் மூலம் சம்பாதிக்க புதிய OnZoom அறிமுகம்.! பாதுகாப்புடன் என்னவெல்லாம் செய்யலாம்.?

இந்த சூழ்நிலையில், இப்பொழுது மக்களின் பல தேவைகள் ஆன்லைன் மூலம் கிடைக்கிறது. ஜிம் பயிற்சி, நடன பயிற்சி, ஆன்லைன் வகுப்பு, DJ இசை நிகழ்ச்சி போன்ற பல துறைகள் தற்பொழுது ஆன்லைன் பக்கம் மாறியுள்ளது. ஆன்லைன் மூலம் பாதுகாப்பாக இருக்க விரும்பும் நபர்களை மனதில் கொண்டு, ஜூம் (Zoom) நிறுவனம் புதிய OnZoom என்ற ஆன்லைன் நிகழ்வு தளத்தை அறிமுகம் செய்துள்ளது.

உங்களுடைய தேடல் ஏதுவாக இருந்தாலும் அதை நீங்கள் இந்த புதிய OnZoom ஆன்லைன் நிகழ்வு தளத்தின் மூலம் செயல்படுத்தலாம். உடற்பயிற்சி, கல்வி மற்றும் ஆன்லைன் கேதரிங் தொழிலுடன் தொடர்புடையவர்களுக்கு இந்த புதிய செயலி பெரிதும் உதவியாக இருக்கும் என்று நிறுவனம் தெரிவித்துள்ளது. குறிப்பாக மக்களின் பாதுகாப்பை இது வலுப்படுத்துகிறது. உங்கள் வணிகத்திற்குத் தேவையான ஒரு புதிய அடையாளத்தை இதன் வழி நீங்கள் உருவாக்கலாம்.

இனி LPG சிலிண்டர் வாங்க இது கட்டாயம்.. நவம்பர் 1 முதல் அமலுக்கு வரும் புதிய முறை.!

ஆன்லைனில் மூலம் உங்கள் தொழிலை விரிவுபடுத்த விரும்பினால் அதை நீங்கள் OnZoom வழியாக இப்பொழுது மேற்கொள்ளலாம். இந்த புதிய OnZoom தளத்தின் மூலம், கட்டண முறையில் உடற்பயிற்சி வகுப்புகள், இசை நிகழ்ச்சிகள், நடன வகுப்புகள், இசை பாடங்கள் போன்ற விஷயங்களை ஆன்லைன் மூலம் நீங்கள் கற்பிக்கலாம். இதற்கு நீங்கள் ஹோஸ்டாக இருந்து நிகழ்வை நடத்தலாம். இதன் மூலம் நீங்கள் பணம் ஈட்டலாம்.

ஊரடங்கு காலத்தில் Zoom பயன்பாடு பாதுகாப்பானது இல்லை என்ற செய்திகள் பரவியது. இதைச் சரி செய்த Zoom நிறுவனம், தற்பொழுது அதன் பயன்பாட்டில் இரண்டு காரணி அங்கீகார அம்சத்தை (Two Factor Authentication) அறிமுகம் செய்தது. இந்த புதிய அம்சத்தின் மூலம் நீங்கள் ஜூம் வழியாக மேற்கொள்ளும் அனைத்து விதமான வீடியோ அழைப்புகளும் மிகவும் பாதுகாப்பானது என்று நிறுவனம் தெரிவித்துள்ளது. இனி பயமில்லாமல் Zoom மூலம் சம்பாதிக்கலாம்.