ஐபோன் பயனர்களுக்கு மால்வேர் எச்சரிக்கை: உடனே இந்த 17 செயலிகளை டெலீட் செய்யுங்கள்!

Updated: Friday, October 25, 2019, 16:10 [IST]

உங்கள் ஆப்பிள் ஐபோனில் இந்த 17 பயன்பாடுகள் இருந்தால், அவற்றை யோசிக்காமல் உடனே உங்கள் ஆப்பிள் ஐபோன்களில் இருந்து நீக்கிவிடுங்கள். இப்போது நீக்கம் செய்துள்ள 17 பயன்பாட்டு செயலிகளிலும் டார்ஜென் மால்வேர் உள்ளது என்று அறிவிக்கப்பட்டுள்ளது.

கூகுள் மால்வேர் பிரச்சனை

சமீபத்தில் கூகுள் பிளே ஸ்டோரில் இருந்து பல பயன்பாட்டு செயலிகளை கூகுள் நிறுவனம் நீக்கம் செய்தது. ஆண்ட்ராய்டு ஸ்மார்ட்போன் பயனர்களுக்கு, நீக்கம் செய்யப்பட்ட செயலிகளை பயன்படுத்த வேண்டாம் என்று எச்சரிக்கை செய்தியையும் கூகுள் வெளியிட்டது.

ஆப்பிள் நிறுவனத்திற்கு வந்த சோதனை

ஆப்பிள் ஐபோன் என்றாலே முதலில் நினைவிற்கு வருவது, இவை விலை உயர்ந்து போன் மற்றும் மிகவும் பாதுகாப்பான போன் என்பது தான். ஆனால் தபொழுது ஆப்பிள் நிறுவனத்திற்கே சோதனை வந்துள்ளது. தற்பொழுது தனது ஆப்பிள் பிளே ஸ்டோரில் இருந்து 17 பயன்பாடு செயலிகளை நீக்கம் செய்துள்ளது.

17 செயலிகள் நீக்கம்

இந்த 17 செயலிகளும் டார்ஜென் வகையை சேர்ந்த மால்வேர் என்றும், இவை போனின் பேக்கிரவுண்டில் பயனரின் கவனத்திற்கே தெரியாமல், பின்னால் செயல்பட்டுக்கொண்டிருக்கும் என்றும் தெரிவிக்கப்பட்டுள்ளது.
உங்கள் பிரௌசரில் உங்களுக்கே தெரியாமல் விளம்பரங்களை வழங்கி, அதை கிளிக் செய்ய வைத்து, பின்னணியில் செயல்பட்டுக்கொண்டிருக்கும் என்று ஆப்பிள் நிறுவனம் தெரிவித்துள்ளது.

உடனே நீக்கம் செய்யுங்கள்

இந்த முறையை பயன்படுத்தி உங்களுக்கே தெரியாமல் உங்கள் ஸ்மார்ட்போன் மூலம் வேறு யாரோ ஒருவர் பணம் சம்பாதித்து கொண்டிருக்கின்றனர் என்பதே உண்மை. ஆகையால் பாதுகாப்பு இல்லாதஇந்த டார்ஜென் மால்வேர் உள்ள 17 செயலிகளை ஆப்பிள் நிறுவனம் தனது ஆப்பிள் பிளே ஸ்டோரில் இருந்து நீக்கம் செய்துவிட்டது. இவற்றை பயன்படுத்த வேண்டாம் என்றும் அறிவுறுத்தியுள்ளது.