ஆன்லைனில் கிஃப்ட் கார்டுகளை விற்பனை செய்வது எப்படி?

செல்லபிரேட் (Sellebrate)

மற்ற வலைதளங்களை போன்று இல்லாமல், இந்த வலைதளத்தில் கிஃப்ட் கார்டுகளை கொடுத்து பணம் பெற்றுக் கொள்ளலாம். மற்ற வலைதளங்களில் கிஃப்ட் கார்டுகளை பதிவேற்றம் செய்து, அதனை வாங்குவோருக்காக காத்திருப்பதை விட செல்லபிரேட் தளத்தில் நேரடியாக பணம் பெற்றுக் கொள்ளலாம்.

CanSell (கேன்செல்)

கிஃப்ட் கார்டுகளை சந்தைப்படுத்தும் வலைதளமாக கேன்செல் இருக்கிறது. இந்த தளத்தில் இலவசம் மற்றும் பாதுகாப்பு என இருவிதங்களில் பரிமாற்றம் செய்ய முடியும். இலவசமாக தொடர்வது சற்று ஆபத்தானதாகும். பாதுகாப்பான பரிமாற்றங்களை தேர்வு செய்வது நல்லது. இரண்டாவது ஆப்ஷனை பயன்படுத்தும் போது கிஃப்ட் கார்டின் மொத்த கட்டணத்தில் ஐந்து சதவிதகிதம் கேன்செல் எடுத்துக் கொள்ளும்.

நஃபா (Nafa)

நஃபா வலைதளமும் கிஃப்ட் கார்டுகளை சந்தைப்படுத்துவதற்கென இயங்குகிறது. இந்த வலைதளத்தில் உங்களது கிஃப்ட் கார்டுகளை பட்டியலிட்டு, அவை நஃபா பயனர்களே வாங்கிக் கொள்வர். இதற்கான கட்டணமாக நஃபா ஐந்து சதவிகித்ததை எடுத்துக் கொள்ளும்.

சிங்கோய் (Zingoy)

சிங்கோய் வலைதளம் மூலம் கிஃப்ட் கார்டுகளை விற்பனை செய்ய சிறிதிளவு பிராசசிங் கட்டணம் வசூலிக்கப்படுகிறது. இந்த கட்டணம் ஒவ்வொரு பிராண்டிற்கும் ஏற்ப வேறுபடும்.

இதர வலைதளங்கள்

மேலே கொடுக்கப்பட்டுள்ள வலைதளங்கள் மட்டுமின்றி, க்விக்கர் அல்லது ஓ.எல்.எக்ஸ். போன்ற வலைதளங்களை பயன்படுத்தலாம். இதுதவிர இந்தியன்வீடியோகேமர் (IndianVideoGamer) எனும் வலைதளம் இயங்குகிறது. இதில் கேமிங் சார்ந்த கிஃப்ட் கார்டுகளை விற்பனை செய்ய முடியும்.

சமூக வலைதளங்கள்

கிஃப்ட் கார்டுகளை விற்பனை செய்ய சமூக வலைதளங்களை பயன்படுத்துவது சிறப்பானதாக இருக்கும். ரெடிட் வலைதளத்தில் GiftCardExchange எனும் குழு இயங்குகிறது. இதை கொண்டு பயனர்கள் கிஃப்ட் கார்டுகளை ரொக்கம் அல்லது இதர கிஃப்ட் கார்டுகளுடன் மாற்றிக் கொள்ளலாம்.