பெண்களை கண்காணிக்கும் மொபைல் அப்ளிகேஷன்-நீக்க கூகுள் மறுப்பு.!

அப்ஷர் ஆப்:

பெண்களை கண்காணிப்பதற்காக அப்ஷர் என்ற ஆப் இருக்கின்றது. இதை வைத்து ஆண்கள் துணையில்லாமல் செல்லும் பெண்கள் குறித்தும், அவர்கள் எங்கு செல்கின்றார்கள், என்ன செய்கின்றார்கள் உள்ளிட்ட தகவல்கையும் ஆண்கள் பெற முடியும்.

தப்பியோடிய பெண்கள்:

சவூதியில் பெண்கள், ஆண் பாதுகாவலரின் அனுமதியின்றி வெளிநாடுகளுக்கு பயணிக்கக் கூடாது என்ற விதி உள்ளது. சமீப காலங்களில் அரச குடும்பப் பெண் உள்பட சில பெண்கள் அங்குள்ள கடும் கட்டுப்பாட்டால் நாட்டை விட்டு தப்பினர்.

மொபைல் அப்ளிகேஷன்:

ஒருசிலர் வேறு நாடுகளில் தஞ்சம் புகுந்தனர். இந்நிலையில் ஆண் பாதுகாவலரின் அனுமதியின்றி நாட்டை விட்டு வெளியேறுவதைக் கட்டுப்படுத்தும் வகையில் சவுதியில் அப்ஷர் (Absher) என்ற பெயரில் அறிமுகப்படுத்தப்பட்ட அரசின் மொபைல் அப்ளிகேஷன் அறிமுகமானது.

எஸ்எஸ்எம் அனுப்பும் வசதி:

அதில் பெண்களின் பாஸ்போர்ட் எண்கள் இணைக்கப்பட்டிருக்கும். பெண்கள் பாஸ்போர்டைப் பயன்படுத்தும் போது, அவர்களின் ஆண் பாதுகாவலருடைய மொபைல் எண்ணுக்கு குறுஞ்செய்தி அனுப்பும் வகையில் அந்த ஆப் வடிவமைக்கப்பட்டுள்ளது.

கூகுள் நிறுவனம் மறுப்பு:

பெண் சுதந்திரத்துக்கு எதிரான இதை நீக்குமாறு அமெரிக்க எம்பிக்கள் கோரிக்கை விடுத்த நிலையில், அது தங்களுடைய ஆப் கொள்கை விதிமுறைகளை மீறவில்லை என கூகுள் மறுத்துவிட்டதாக தகவல் வெளியாகியுள்ளது. ஆப்பிள் நிறுவனம் இதுவரை பதிலளிக்கவில்லை.