இந்தியா : கூகுள் நிறுவனத்தின் ஆர்ட்ஸ் & கல்ச்சர் செயலி அறிமுகம்.!

ஆண்ட்ராய்டு மற்றும் ஐஒஎஸ்:

அட்டகாசமான ஆர்ட்ஸ் & கல்ச்சர் செயலி பொறுத்தவரை ஆண்ட்ராய்டு மற்றும் ஐ.ஓ.எஸ். இயங்குதளத்தில் பயன்படுத்த முடியும்
எனத் தகவல்கள் தெரிவிக்கப்பட்டுள்ளது.

செல்பீ :

இந்த ஆர்ட்ஸ் & கல்ச்சர் செயலியின் சிறப்பம்சம் பொறுத்தவரை நீங்கள் ஒரு செல்பீ எடுத்தால் அதில் உள்ள முகத்தைப் போல இருக்கும் ஒவியம் தேடித்தரும் வசதி இந்த செயலியில் இடம்பெற்றுள்ளது. குறிப்பாக செல்பீயில் உள்ள முகத்தின் சாயலில் இருக்கும் அந்த ஒவியம்.

கம்ப்யூட்டர் விஷன் :

ஆர்ட்ஸ் & கல்ச்சர் செயலியில் கம்ப்யூட்டர் விஷன் தொழில்நுட்பம் இடம்பெற்றுள்ளது, இதனால் தான் வாடிக்கையாளர்களின் செல்பீ புகைப்படங்களை உலகம் முழுக்க சேகரிக்கப்பட்ட போர்டிரெயிட்களுடன் ஒற்றுபோகும் புகைப்படங்களை காண்பிக்கும் திறமை இவற்றில் இடம்பெற்றுள்ளது.

அமெரிக்கா:

இந்த புதிய செயலி முதலில் அமெரிக்காவில் தான் அறிமுகம் செய்யப்பட்டது, பின்பு நல்ல வரவேற்பை பெற்றதை தொடர்ந்து, இந்தயாவிலும் இந்த ஆர்ட்ஸ் & கல்ச்சர் செயலி அறிமுகம் செய்யப்பட்டது.

மூன்று கோடி:

இதுவரை இந்த ஆர்ட்ஸ் & கல்ச்சர் செயலியை மூன்று கோடிக்கும் அதிகமான மக்கள் பயன்படுத்தியுள்ளனர் எனத் தகவல் தெரிவிக்கப்பட்டுள்ளது. மேலும் இந்தியா உள்ளிட்ட 70 நாடுகளில் பயன்பாட்டில் உள்ளது இந்த புதிய செயலி.

ஓவியங்கள் மற்றும் புகைப்படங்கள்:

1500 அருங்காட்சியகங்களில் 6000க்கும் அதிகமான கண்காட்சிகளில் உள்ள ஓவியங்கள் மற்றும் புகைப்படங்கள் உள்ளிட்டவை என மொத்தம் பல லட்சத்திற்கும் அதிகமான புகைப்படங்கள் இந்த செயலியில் உள்ளது என்பது குறிப்பிடத்தக்கது.