ட்ரூ காலரில் மறைந்திருக்கும் அம்சங்கள்; இவ்ளோ நாளா இது தெரியாம போச்சே.!

பிளாக் கால்

தேவையில்லாத நமக்கு தெரியாத எண்களில் இருந்து அழைப்புகள் அல்லது குறுஞ்செய்திகள் வந்தால் உடனே இந்த செயலி செயல்பட்டு அவற்றை பிளாக் செய்துவிடும். மேலும் டெலிமார்க்கெட்டிங், ரோபோட் அழைப்புகள் போன்றவற்றை எளிதில் அடையாளம் கண்டுகொள்ளும் திறன் இந்த செயலிக்கு உண்டு. மேலும் ஒரு ஒயிட்லிஸ்ட் உருவாக்கி அதில் இருந்து அழைப்புகள் அல்லது குறுஞ்செய்தி வந்தால் பிளாக் செய்யக்கூடாது என்று செட் செய்யும் வசதியும் இதில் உண்டு.

இணையம்:

உங்கள் மொபைல் போனில் வரும் அழைப்பு எண் யாருக்குரியது என்று அறிய எப்போதும் இணைய இணைப்பில் உங்கள் போன் இருக்கத் தேவையில்லை. முதல் முறை ஓர் எண்ணிலிருந்து அழைப்பு வரும்போதே, அந்த எண்ணுக்குரியவரின் பெயர் எங்கேனும் பதிவு செய்யப்பட்டிருந்தால், அதனை, ட்ரூ காலர் அறிந்து வைத்துக் கொள்கிறது. அடுத்த முறை அழைப்பு வருகையில், தன் நினைவிலிருந்தே அதனை உங்களுக்குக் காட்டுகிறது.

ஸ்பேமர்

தொடர்ந்து ஓர் எண்ணிலிருந்து அழைப்பு பெறப்பட்டு, அழைப்பவர் எரிச்சல் தரும் பேச்சினைத் தொடர்ந்து அளிப்பவராயின், அந்த எண்ணுக்குரியவரை ஸ்பேமர் என அடையாளக் குறியிட்டு வைக்கலாம். குறிப்பாக இந்தப் பயன்பாடு பல்வேறு மக்களுக்கும் பயன்படும் வகையில் உள்ளது.

ட்ரூ டயலர்

இதே செயலியைப் போன்று, இதனை வழங்கும் நிறுவனம், 'ட்ரூ டயலர்' என்ற (True Dialer) என்ற செயலியையும் தருகிறது. இதனை, உங்கள் போனின் டயலராக செயல்படுத்தலாம். நீங்கள் ஒருவரை அடையாளம் காட்டி அமைத்தால், நீங்கள் குறிப்பிட்ட அடையாளத்துடன், அந்த எண்ணிலிருந்து அழைப்பு வருகையில் தகவல் கிடைக்கும். வழக்கமாக, நீங்கள் டயல் செய்திடுவதனை, இந்த செயலியின் மூலமும் செயல்படுத்தலாம்.

தேடல் பெட்டி: எண்களை அடையாளப்படுத்தவும்

எந்த தொலைபேசி எண்ணையும் எளிமையாக அடையாளம் காண இந்த தேடல் பெட்டி (Search bar) பயன்படும் வகையில் உள்ளது. குறிப்பாக இந்த பயன்பாடும் மிக எளிமையாக இருக்கிறது.

சுயவிவரம் (profile)

உடன்இ நீங்கள் உங்கள் சொந்த சுயவிவரத்தை அமைத்து உங்களுக்கு தேவையான வழியில் தனிப்பயனாக்கலாம். இதன் பயன்பாடு என்னவென்றால் அழைப்பாளர்கள் உங்களைப் பற்றிய விவரங்களை பெற உதவுகிறது. உங்கள் தொடர்புகளின் வசதிக்காக வலைத்தளம் மற்றும் மின்னஞ்சல் ஐடி போன்ற தகவல்களை நீங்கள் ட்ரூ காலரில்சேர்க்கலாம்.

Best online converter | Audio, Videos, PDF, Document etc.. (Tamil)

தரவுத்தளம்:

இந்த ஆப் பயன்பாடானது உங்கள் தரவுத்தளத்தில் இருந்து உங்கள் எண்ணை நீக்க உதவுகிறது. நீங்கள் இந்த இணைப்பை http://www.truecaller.com/unlist ஐ பார்வையிட வேண்டும். பின்னர் நாட்டின் குறியீடு உள்ளிட்ட உங்கள் தொலைபேசி எண்ணை உள்ளிடவும். அடுத்து, எண் அகற்றலுக்கான காரணத்தைத் தேர்வுசெய்து, கேப்ட்சா உள்ளிட்டு, பட்டியலிடப்படாத பொத்தானைக் கிளிக் செய்யவும்.