ஒவ்வொரு இந்தியரும் கண்டிப்பாக பயன்படுத்த வேண்டிய 10 அரசாங்க ஆப்.!

1. ஸ்டார்ட் அப் இந்தியா செயலி(Startup India App):

தொழில் முனைவோருக்காக பிரத்தியேகமாக இந்திய அரசாங்கத்தினால் உருவாக்கப்பட்டது தான் இந்த ஸ்டார்ட் அப் இந்தியா செயலி. இந்தியாவில் தொழில் தொடக்க முனைவோருக்கான தொடக்க பயன்பாட்டு வழிமுறைகள் மற்றும் தொடக்க சுற்றுச்சூழல் பற்றிய தகவல்கள் மற்றும் அரசாங்கத்தின் முனைப்புகள் என அனைத்துத் தகவல்களும் இந்தச் செயலி இல் கிடைக்கிறது.

2. இந்தியப் காவல்துறை அழைப்பு செயலி(Indian Police on Call App):

இந்தச் செயலி அருகிலுள்ள காவல் நிலையம் மற்றும் அங்குச் செல்வதற்கான தூரத்தைக் கணக்கிட்டு துல்லியமாகத் தருகிறது. பெயர் குறிப்பிடுவதுபோல், இந்த செயலி பயனர்களுக்கு அவர்கள் இருக்கும் இடத்தின் அருகில் உள்ள காவல் நிலையத்தைக் கண்டுபிடிக்க உதவுகிறது. அருகிலுள்ள காவல் நிலையத்தை அடைய வழி மற்றும் தூரம் போன்ற அனைத்துத் தகவல்களும் இந்த செயலியில் உள்ளது. அதுமட்டுமில்லாமல்,உங்கள் மாவட்டத்தில் எத்தனை மாவட்ட கட்டுப்பாட்டு அறை மற்றும் எஸ்.பி அலுவலகங்கள் இருக்கிறது என்று துல்லியமாக காட்டுகிறது. அவசர உதவிக்கு இந்தச் செயலி பயன்படுத்தி அருகில் உள்ள காவல் நிலையத்தைப் போன் கால் மூலம் தொடர்பு கொள்ளும் வசதியையும் பயனருக்கு வழங்குகிறது.

3. இ-பாதஷால செயலி(ePathshala App):

இந்தச் செயலியை மனித வள மேலாண்மை அமைச்சகம் மற்றும் தேசிய கல்வி ஆராய்ச்சி பயிற்சி அமைச்சகம் இனைந்து உருவாகியுள்ளது. இந்தச் செயலி வழி மொபைல் போன், டேப்லெட் மற்றும் லேப்டாப் போன்ற சாதனங்கள் மூலம் மாணவர்கள் மற்றும் ஆசிரியர்கள் அவர்களுக்குத் தேவையான இ-புத்தகங்களை அணுகிக் கொள்ளலாம். அவர்களின் சாதன சேமிப்பகத்தின்படி தேவையான புத்தகங்களை எடுத்துக் கொள்ளலாம். இந்தச் செயலியில் பிஞ்ச், செலக்ட்,ஹைலைட் சிறப்பம்சம் மற்றும் டெக்ஸ்ட்-டு-ஸ்பீச் பயன்படுத்தி புத்தகங்களை ஒலிவடிவில் கேட்கும் அம்சத்தையும் பயனர்களுக்கு வழங்குகிறது.

4. எம்பரிவஹான் செயலி(mParivahan App):

இந்தச் செயலி மூலம், பயனர்கள் தங்கள் ஓட்டினர் உரிமத்தின் டிஜிட்டல் நகலை உருவாக்க முடியும் மற்றும் பயனரின் நான்கு சக்கரம் / இரு சக்கர வாகனத்தின் பதிவு சான்றிதழைப் பதிவு செய்துகொள்ளலாம். பயனரிடம் ஏற்கனவே இருக்கும் வாகனத்தின் பதிவு விவரங்கள் மற்றும் பழைய செகண்ட் ஹாண்ட் வாகனத்தின் சான்றிதழ் விவரங்களைச் சரிபார்க்க முடியும். செகண்ட் ஹாண்ட் கார் வாங்க விரும்புவோர், இந்தச் செயலி மூலம் அந்த வாகனத்தின் வயது மற்றும் பதிவு விவரங்கள் என அனைத்துத் தகவலையும் சரிபார்க்க முடியும்.

5. டிஜிசேவாக் செயலி(DigiSevak App):

சிறந்த இந்தியாவை உருவாக்குவதற்கு, தன்னார்வலராகத் தொண்டு செய்ய விரும்புகிறீர்களா? அப்ப இந்தச் செயலி உங்களுக்கானது தான். உங்களின் திறமை மற்றும் ஆர்வத்தை அடிப்படையாகக் கொண்டு, ஆர்வமுள்ள பயனர்கள் பல்வேறு அரசாங்க துறைகளில் பல்வேறு பணிகளுக்குத் தன்னார்வலராக தொண்டு செய்ய பதிவு செய்வதற்கான செயலி தான் இந்த டிஜிசேவாக் செயலி.

6.உமாங் செயலி (UMANG-Unified Mobile Application for New-age Governance):

மின்னணு / தகவல் தொழில்நுட்ப அமைச்சகம் மற்றும் தேசிய மின் ஆளுமை பிரிவு (NeGD) ஆகிய அமைச்சகத்தினால் இந்த செயலி உருவாக்கப்பட்டுள்ளது. இந்த செயலி அனைத்து அரசாங்க துறைகள் மற்றும் அவற்றின் சேவைகளை ஒன்றாக ஒரே இடத்தில் பயனர்களுக்கு கொண்டு வந்திருக்கிறது. இது ஒரு பரிணாம வளர்ச்சித் திட்ட செயலி என்றே கூறலாம். இந்த செயலியில் ஒரே இடத்தில் ஆதார், டிஜிலாக்கர் மற்றும் பேகவர்மெண்ட் போன்ற டிஜிட்டல் இந்தியா சேவைகள் அனைத்தும் இணைக்கப்பட்டுள்ளது.

7. எம் பாஸ்ப்போர்ட் செயலி(mPassport):

இந்தச் செயலியின் பெயர் குறிப்பிடுவது போல, இந்தச் செயலி பாஸ்போர்ட் பயன்பாட்டு நிலை கண்காணித்தல், பாஸ்போர்ட் சேவா கேந்திர(PSK) இருக்கும் இடம் மற்றும் புதிய பாஸ்போர்ட் பெறுவதற்கான பல்வேறு நடவடிக்கைகள் மற்றும் தகவல்கள் போன்ற அனைத்துத் தகவலையும் பயனர்களுக்கு ஸ்மார்ட்போன் இல் வழங்குகிறது.

8. கிசான் சுவிதா செயலி(Kisan Suvidha App):

விவசாயிகளுக்காக உருவாக்கப்பட்ட பிரத்தியேக செயலி தான் கிசான் சுவிதா, விவசாயிகளுக்கான பல பயனுள்ள தகவலை அணுக இந்த செயலி உதவுகிறது. விவசாயிகளுக்கு வானிலை, சந்தை விலை, தாவரங்களின் பாதுகாப்பு குறித்த தகவல்கள் என விவசாயம் சார்ந்த பல தகவல்களைப் வழங்குகிறது.

9. இன்கிரிடிபில் இந்தியா செயலி(Incredible India app):

இந்திய சுற்றுலா தொடர்பான அனைத்துத் தகவல்களுக்கும் இந்தச் செயலியை பயன்படுத்திக்கொள்ளலாம். சர்வதேச மற்றும் உள்நாட்டுச் சுற்றுலா பயணிகள்ளுக்கான தகவல்கள், அங்கீகரிக்கப்பட்ட உள்நாட்டுச் சுற்றுலா இயக்குநர்கள், ட்ராவல் ஏஜென்ட்கள், சுற்றுலா கைடுகள், விடுதிகள் மற்றும் சுற்றுலா மையங்கள் போன்ற அனைத்துத் தகவல்களையும் பயனர் இந்தச் செயலி மூலம் அணுக முடியும்.

10.போஸ்ட் இன்போ செயலி(Postinfo App):

இந்திய அஞ்சல் தொழில்நுட்ப அமைச்சகம் இந்தச் செயலியை உருவாகியுள்ளது. இந்தச் செயலி உங்களுக்கு அஞ்சல் கண்காணிப்பு தகவல், அஞ்சல் அலுவலக தேடல், அஞ்சல் கால்குலேட்டர், காப்பீட்டு பிரீமியம் கால்குலேட்டர் மற்றும் வட்டி கால்குலேட்டர் போன்ற வசதிகளை வழங்குகிறது. இத்துடன் தபால் ஆயுள் காப்பீடு மற்றும் கிராமப்புற தபால் ஆயுள் காப்பீடு போன்ற பல்வேறு வகையான ஆயுள் காப்பீட்டுக் கொள்கைகளை வழங்குகிறது. இந்தச் செயலி மூலம் அஞ்சல் / கிராமப்புற தபால் ஆயுள் காப்பீட்டு கொள்கைகள் அனைத்தையும் பயனர்கள் இதன் மூலம் செலுத்திக்கொள்ளலாம்.

இதுமட்டுமின்றி இன்னும் ஏராளமான இந்திய அரசாங்க செயலிகள் ஆண்ட்ராய்டு மற்றும் iOS இயங்குதளத்தில், கூகுள் பிளே ஸ்டோர் இல் கிடைக்கிறது.