போலி மொபைல் ஆப் பயன்படுத்தி ரூ. 3லட்சம் ஏமாற்றிய 9 கல்லூரி மாணவர்கள்: ஸ்சுவாரசியமான கதை .!


சென்னையில் போலி மொபைல் ஆப்பை பயன்படுத்தி சூப்பர் மார்க்கெட் உரிமையாளரிடம் சுமார் 3 லட்சம் மோசடி செய்த சம்பவம் பெரும் பரபரப்பை ஏற்படுத்தியுள்ளது.

இதன் ஸ்சுவாரசியமான கதை பின்னணியில் போலீசார் விசாரணை நடத்தி 9 கல்லூரி மாணவர்களை கைது செய்துள்ளனர்.

சூப்பர் மார்க்கெட்:

சென்னை துரைபாக்கத்தில் வேல்ராஜ் என்ற சரவணன் சூப்பர் மார்க்கெட் ஒன்றை நடத்தி வருகின்றார். அங்கு சில கல்லூரி மாணவர்கள் கடந்த மூன்று மாதங்களாக பொருட்கள் வாங்கி வந்துள்ளனர்.

பணம் டிரான்ஸ்பர்:

இந்நிலையில், ஒவ்வொரு முறை பொருட்கள் வாங்கியதும் பணம் டிரான்ஸ்பர் ஆகிவிட்டதாக கூறி தங்கள் மொபைலில் ஒரு ஆப்பை திறந்து காட்டி வந்துள்ளனர். இதை கடை உரிமையாளர் வேல்ராஜூம் அதை நம்பியுள்ளார்.

சுமார் 3 லட்சம் குறைவு:

இந்நிலையில், கடைஉரிமையாளரின் கணக்கில் சுமார் 3 லட்சம் ரூபாய் அளவுக்கு பணம் குறைவாக இருந்துள்ளது. இதை கண்டு மாணவர்களிடம் விசாரித்துள்ளனர். அப்போது மாணவர்களின் வங்கி கணக்கில் இருந்து எந்த வித பணமும் டிரான்ஸ்பர் செய்யவில்லை என்பதை அறிந்து அவர்களிடம் விசாரித்துள்ளனர்.

காவல் நிலையத்தில் புகார்:

அப்போது மாணவர்கள் பணம் டிரான்ஸ்பர் ஆவதற்கு சிறது காலம் ஆகும் என மழுப்பியுள்ளனர். இதனால் சந்தேகமடைந்த வேல்ராஜ் இதுகுறித்து காவல்துறையில் புகார் அளித்துள்ளார்.

போலி ஆப் அம்பலமானது:

இந்நிலையில் புகாரின் போரில் போலீசார் கல்லூரி மாணவர்களிடம் விசாரணை நடத்தினர். மாணவர்கள் போலியான ஆப் ஒன்றைப் பயன்படுத்தி உரிமையாளரை ஏமாற்றியது தெரியவந்தது. இதில் சமந்தப்பட்ட 9 மாணவர்கள் காவல்துறையினர் அதிரடியாக கைது செய்துள்ளனர்.


Vivo NEX

Have a great day!
Read more...

English Summary

nine chennai college students arrested for duping supermarket owner of rs 3 lakh : Read more about this in Tamil GizBot