அட்டகாசமான Asus ROG Phone 4 ரெடி.. கீக்பெஞ்ச் ஸ்கோர் இது தான்..

புதிய ஆசஸ் ROG போன் 4

ஆசஸ் ROG போன் 4 ஸ்மார்ட்போன் என்று அழைக்கப்படும் இந்த புதிய கேமர் போனில் என்ன சிப்செட், ரேம் மற்றும் சாப்ட்வேர் கொடுக்கப்படும் என்பதை இப்பொழுது இந்த பதிவில் பார்க்கலாம். புதிய ஆசஸ் ROG போன் 4 போனில் என்ன-என்ன முக்கிய அம்சங்களை எதிர்பார்க்கலாம் என்பதை இதன் கீக்பெஞ்ச் தகவல் மிகத் துல்லியமாக நமக்குத் தெளிவுபடுத்தியுள்ளது.

குவால்காம் ஸ்னாப்டிராகன் 888 சிப்செட்

நோக்கியாமோப் கண்டுபிடித்த கீக்பெஞ்ச் பட்டியலின் படி, ஆசஸ் ROG போன் 4 சமீபத்திய குவால்காம் ஸ்னாப்டிராகன் 888 சிப்செட் உடன் 1.80 ஜிகாஹெர்ட்ஸ் 8 ஜிபி ரேம் கொண்டு வெளியாகும் என்று தெரிவிக்கப்பட்டுள்ளது. இது ஒரு வகை வேரியண்ட் மாடல் கீக்பெஞ்ச் தகவலில் குறிப்பிடப்பட்டுள்ளது. இதேபோன்று ஆசஸ் ROG போன் 4 ஸ்மார்ட்போன் மற்ற ரேம் வேரியண்ட் மாடலாகவும் வெளிவரலாம் என்று கூறப்படுகிறது.

கீக்பெஞ்ச் ஸ்கோர்

சாப்ட்வேர் பொறுத்தவரை, ஆசஸ் ROG போன் 4 Android 11 இயங்குதளத்தில் இயக்கும் என்றும், இந்த ஸ்மார்ட்போன் கீக்பெஞ்ச் விவரக்குறிப்புகளின் கீழ் சிங்கிள் கோர் மற்றும் மல்டி கோர் வரையறைகளில் முறையே 1081 மற்றும் 3584 மதிப்பெண்களைப் பெற்றுள்ளது. கீக்பெஞ்ச் பட்டியலில், தொலைப்பேசி ASUS_I005DA என்ற மாடல் எண்ணைக் கொண்டு சோதனை செய்யப்பட்டுள்ளது என்பதை கீக்பெஞ்ச் தகவல் காட்டியுள்ளது.

அடுத்த லீக் தாவல்களுக்கு காத்திருப்போம்

இந்த வரவிருக்கும் ஆசஸ் ROG போன் 4 பற்றி இப்போதைக்கு வேறு எந்த கூடுதல் விவரங்கள் எதுவும் வெளியாகவில்லை. வரவிருக்கும் நாட்களில் இந்த வரவிருக்கும் ஆசஸ் ROG போன் 4 பற்றி மேலும் லீக் தாவல்கள் நிச்சயம் வெளிப்படும் என்று நாங்கள் எதிர்பார்க்கிறோம். இது குறித்த கூடுதல் தகவல்களுக்கு எங்களுடன் இணைந்திருங்கள்.