டெக் தலைவலி வேண்டாம், இதை தெரிந்து கொள்ளுங்கள்.!!

By Meganathan

| Published: Thursday, January 28, 2016, 14:31 [IST]

தொழில்நுட்ப உதவி இல்லாமல் அன்றாட பணிகளை செய்வது கடினமாகி வருகின்ற நிலையில் அனைவருக்கும் இந்த தொகுப்பு சமர்பனம். ஒழுங்காய் வேலை செய்யும் டெக் சாதனங்களை சர்வ சாதரணமாக பயன்படுத்தி வரும் பெரும்பாலானோரும் அதில் சிறிய கோளாறு ஏற்ப்பட்டாலும் வாடி வதங்குகின்றனர்.

இனி அவ்வாறு கவலை கொள்ள வேண்டாம், அன்றாடம் பயன்படுத்தும் டெக் கருவிகளில் ஏற்படும் கோளாறுகளை எளிய முறையில் சிறப்பாகவும், குறைந்த செலவில் எதிர்கொள்வது எப்படி என்பதை பார்ப்போமா.??

கீபோர்டு

கணினியுடன் பயன்படுத்தும் கீபோர்டினை மிகவும் எளிமையாக சுத்தம் செய்ய ஸ்டிக்கி நோட் பேப்பர்களை பயன்படுத்தலாம்.

கீறல்

ஸ்மார்ட்போனில் கீறல் ஏற்ப்பட்டால் திரையில் வெள்ளை நிற பற்பசையை வைத்து வட்ட வடிவில் மென்மையாக துடைக்கலாம்.

நீர்

ஸ்மார்ட்போன் நீரில் விழுந்தாலோ, மழையில் நனைந்தாலோ உடனடியாக அதனினை கழற்றி சிறிது நேரம் காய வைத்து அதன் பின் சில மணி நேரங்கள் அரிசியில் புதைத்து வைக்கலாம்.

பவர் பேங்க்

ஸ்மார்ட்போன்களுக்கு ஆபத்து நேரத்தில் சக்தியூட்டும் பவர் பேங்க் கருவிகளை முழுமையாக சார்ஜ் செய்து, முழுமையாக காலியாகும் வரை பயன்படுத்த வேண்டும். மாதம் ஒரு முறை இவ்வாறு செய்தால் பவர் பேங்க் கருவியில் எவ்வித பிரச்சனையும் ஏற்படாது.