ஸ்டீவ் ஜாப்ஸ் திரைப்படம் - இவ்ளோ விஷயம் இருக்கா..!

By Meganathan

| Updated: Tuesday, July 7, 2015, 13:02 [IST]

பிரலங்களை வைத்து திரைப்படம் உருவாவது சாதரணமான விஷயமாகி விட்ட காலத்தில் ஹாலிவுட் மட்டும் விதி விலக்கா என்ன, தொழில்நுட்ப சந்தையை ஆட்டிப்படைக்கும் ஆப்பிள் நிறுவனத்தின் முன்னாள் தலைவர், மற்றும் இணை நிறுவனரான ஸ்டீவ் ஜாப்ஸ் வாழ்க்கையை தழுவி திரைப்படம் ஒன்று உருவாகி வருகின்றது.

இது எங்களுக்கு தெரியாதா, நாங்க திரைப்படத்தின் ட்ரெய்லரையே பாத்துட்டோம் என்கிறவர்களுக்கு சில வியப்பூட்டும் தகவல்களை தான் இங்கு வழங்க இருக்கின்றோம். கீழ் வரும் ஸ்லைடர்களில் ஸ்டீவ் ஜாப்ஸ் திரைப்படம் குறித்து பலரும் அறிந்திராத அம்சங்களை பாருங்கள்..

இயக்குநர்

ஸ்லம்டாக் மில்லியனர் திரைப்படத்தை இயக்கிய டேன்னி பாய்ல் தான் புதிய ஸ்டீவ் ஜாப்ஸ் திரைப்படத்தை இயக்குகிறார்.

எழுத்து

புதிய ஸ்டீவ் ஜாப்ஸ் திரைப்படத்திற்கு ஆரோன் சார்கின் எழுத்து பணிகளை மேற்கொள்கிறார்.

ஜாப்ஸ் பயோகிராஃப்பி

வால்டர் ஐசக்சன் எழுதிய ஜாப்ஸ் பயோகிராஃப்பி எனும் புத்தகத்தை தழுவி இத்திரைப்படம் உருவாகின்றது.

ஜாப்ஸ் டாட்டர் லிஸா ப்ரெனன்

வால்டர் ஐசக்சன் புத்தகத்தை தழுவி எடுக்கப்பட்டாலும் சில பகுதிகளில் ஜாப்ஸ் மகள் லிஸா ப்ரெனன் புத்தகத்தின் சாயலும் இருக்கலாம் என்று கூறப்படுகின்றது.

மைக்கேல் ஃபேஸ்பென்டர்

இத்திரைப்படத்தில் மைக்கேல் ஃபேஸ்பென்டர் ஸ்டீவ் ஜாப்ஸ் கதாபாத்திரத்தை ஏற்றிருக்கின்றா, இவர் எக்ஸ் மேன் திரைப்படத்தில் எரிக் லென்ஷர் கதாபாத்திரத்தில் நடித்தவர் என்பதும் குறிப்பிடத்தக்கது.