அடுத்த யுத்தம் : தயாராகும் அமெரிக்க அதிநவீனங்கள்..!

| Updated: Wednesday, January 6, 2016, 13:22 [IST]

மாற்றி மாற்றி கை குலுக்கி கொண்டாலும் கூட, கட்டிப்பிடித்து புகைப்படம் எடுத்துக் கொண்டாலும் கூட, அச்சுறுத்ல் அல்லது அத்துமீறல் என்று வந்துவிட்டால் வெள்ளை கொடி காட்ட எந்தவொரு உலக நாடும் தயாராக இல்லை என்பது தான் நிதர்சனம்.

அதிலும், சூப்பர் பவர் நிலையை அடைந்து விட்ட நாடுகள் பற்றி சொல்லவே வேண்டாம். பிற நாடுகளுக்குள் நுழைந்து, நல்லுறவு என்ற பெயரில் தனது கட்டுப்பாட்டை கொண்டு வரவே பெரும்பாலான சூப்பர்பவர் நாடுகள் முயன்று கொண்டிருக்கிறது. குறிப்பாக எல்லா விதமான உலக பிரச்சனைகளுக்குள்ளும் தலையிடும் அமெரிக்கா - அடுத்த யுத்தம் ஒன்று வந்தால் அதில் தனக்கு சாதகமான எந்தெந்த விதமான 'சூட்சமங்களை' களத்தில் இறக்கும் என்பதை பற்றிய தொகுப்பே இது..!

01. ஹெலிகாப்டர் :

ஏகப்பட்ட ரகசிய தாக்குதல்களை நிகழ்த்துவதில் அமெரிக்கா முன்னிலை வகிக்கிறது அம்மாதிரியான தாக்குதல்களில் இருந்து நிறைய பாடங்களையும் அமெரிக்கா கற்றுக்கொண்டுள்ளது.

அதிகம் சத்தம் எழுப்பாத ஹெலிகாப்டர் :

அதில் இருந்து மிகவும் வேகமான மற்றும் அதிகம் சத்தம் எழுப்பாத அதே சமயம் மிகவும் பாதுகாப்பான ஹெலிகாப்டர்களை அடுத்த யுத்த களத்தில் இறக்க அமெரிக்கா முனைந்து கொண்டிருக்கிறது.

02. கொலை செய்யா ஆயுதங்கள் :

குறிகளை கொலை செய்யாது உயிரோடு பிடிப்பது என்பது மிகவும் அசாத்திய மானது அதை மிகவும் எளிமையாக சாத்திய ப் படுத்த அமெரிக்க வகுத்துள்ள நவீனம் தான் - நான்லீதல் வெப்பன்ஸ் (Nonlethal weapons)

ரப்பர் தோட்டாக்கள் :

அதாவது, ரப்பர் தோட்டாக்கள் மற்றும் லேசர்கள் மிளகு ஸ்ப்ரே , உயர் அழுத்த ஸ்பீக்கார்கள் மற்றும் தன்னிலை இழக்க வைக்கும் ஒளி வீச்சு போன்ற ஆயுதங்கள்.

03. எடை குறைவு :

யுத்த களத்தில் வீரர்கள் வேகமாக செயல்படும் வண்ணம் உதவும், மிகவும் எடை குறைவான ஆயுதங்கள் மற்றும் யுத்த கள பொருட்களை உருவாக்குவதிலும் அமெரிக்கா கவனம் செலுத்தி வருகிறது.

04. பக்கீஸ் :

அல்ட்ரா ஒளி வேகம், அதிகம் நிலைத்திருக்கக்கூடியதாகவும் டூன் பக்கீஸ் வாகனங்கள்.

உயிர்இழப்பு :

ஹூம்வீ வாகனங்களை (Humvees) யுத்த களத்தில் பயன்படுத்தி பெரிய அளவிலான உயிர்இழப்புகளை சந்தித்ததால் அமெரிக்கா டூன் பக்கீஸ் வாகனங்களில் அதிக கவனம் செலுத்தி வருகிறது.

05. நீர் மூழ்கி :

உலகிலேயே மிகவும் சிக்கலான நீர்மூழ்கி கப்பல்களை கொண்ட நாடு அமெரிக்கா தான். அதனால் அதிக செலவு எடுக்கும் குறைவான எண்ணிக்கையில் மட்டுமே இருக்கும்.

சிறிய வடிவம் :

அதிக எண்ணிக்கையில் நீர்மூழ்கிகளை உருவக்கவும் அதை மிகவும் சிறிய வடிவத்தில் ஆளில்லா நீர்மூழ்கியாக உருவக்கவும் அமெரிக்கா முனைந்து கொண்டிருக்கிறது.

06. கப்பல்கள் :

திறந்தவெளி கடலில் யுத்தம் என்று வந்துவிட்டால் எதிரிகளை திணறடிக்கும் வகையிலான தோட்டா துளைக்காத ஹை-ஸ்பீட் போர் கப்பல்களை உருவாக்குவதிலும் அமெரிக்க அதிக கவனம் செலுத்தி வருகிறது.

07. தொடர்பு :

யுத்த களத்தில் எந்த நேரத்திலும், எந்தவொரு இடத்திலும் இருந்து தொடர்பு கொள்ளும் வகையில் இன்னும் வலுவான ஹை-ஸ்பீட் மொபைல் ப்ராட்பேண்ட் வசதியை உருவாக்குவதிலும் அமெரிக்கா அதிக கவனம் செலுத்தி வருகிறது.