இதுவரை இல்லா சலுகைகள், சத்தமில்லாமல் சாதிக்க நினைக்கும் புதிய நிறுவனம்.!!

விரிவாக்கம்:

இந்திய சந்தையில் விரிவாக்கம் செய்யும் பணிகளில் லீஇகோ அதிக கவனம் செலுத்துவது இந்திய வாடிக்கையாளர்களை அதிகம் கவர்ந்து விட்டது. அதிக தரமுள்ள கருவிகளும் அவற்றை அதிக சலுகைகளுக்கு வழங்குவதாலும் லீஇகோ நிறுவனம் இந்தியர்கள் மத்தியில் நற்பெயர் பெற்றுள்ளது.

ஆன்லைன் சந்தை:

இந்த விற்பனை திருவிழாவின் மூலம் இந்திய ஆன்லைன் சந்தையில் தனக்கான இடத்தை நிரந்தரமாகப் பிடிக்கும் நோக்கில் லீஇகோ முயற்சிப்பதாகச் சந்தை வல்லுநர்கள் தெரிவிக்கின்றனர்.

விற்பனை:

ஆன்லைனில் தனக்கென பிரத்தியேக விற்பனை மையத்தினை துவங்கியுள்ள லீஇகோ தனது கருவிகளை அங்கு விற்பனை செய்து வருகின்றது. லீமால்.காம் தளத்தில் பயனர்களுக்கு சிறப்பு சலுகைகளும் வழங்கப்படுவது குறிப்பிடத்தக்கது.

பயனர் எண்ணிக்கை:

துவங்கப்பட்ட ஒரே மாதத்தில் லீமால் இந்தியா தளத்தின் பயனர் எண்ணிக்கை 75 லட்சத்தை எட்டியுள்ளது. இதன் காரணமாக லீஇகோ விற்பனை திருவிழாவின் மூலம் தனது வாடிக்கையாளர்களுக்கு பல்வேறு சிறப்பு சலுகைகளை வழங்கலாம் என எதிர்பார்க்கப்படுகின்றது.

சலுகை:

இதுவரை இல்லாத சலுகைகளுடன் சூப்பர்போன், சூப்பர் டிவி மற்றும் இதர கருவிகளை வழங்க இருப்பதாகக் கூறப்படுகின்றது. அதிகளவு சலுகைகளுடன் சேர்த்து பல்வேறு இலவசங்களும் இந்த விற்பனை திருவிழாவில் வழங்கப்படலாம் எனக் கூறப்படுகின்றது.