அக்டோபர் மாதம் அறிமுகமாகும் கேலக்ஸி நோட்-2!

சாம்சங் நிறுவனத்தின் கேலக்ஸி வரிசை ஸ்மார்ட்போன்கள் வாடிக்கையாளர்கள் மத்தியில் அதிக வரவேற்பு பெற்ற ஸ்மார்ட்போன்கள். இதில் கேலக்ஸி எஸ்-3 ஸ்மார்ட்போன் வெளியான செய்திகளை கேட்டோம். கேலக்ஸி நோட் ஸ்மார்டபோன் இதன் சிறந்த தொழில் நுட்ப வசதிக்கும், மெல்லிய வடிவமைப்பிற்கும் பெயர் பெற்ற ஸ்மார்ட்போன்.

இந்த கேலக்ஸி நோட் ஸ்மார்ட்போனை வெளியிட்ட சாம்சங் நிறுவனம், இப்போது புதிய கேலக்ஸி நோட்-2 ஸ்மார்ட்போனை அறிமுகம் செய்ய உள்ளது. இந்த கேலக்ஸி நோட்-2 ஸ்மார்ட்போன் அக்டோபர் மாதம் அறிமுகமாகலாம்.

கேலக்ஸி நோட் ஸ்மார்ட்போன் 5.3 இஞ்ச் திரை வசதியினை கொண்டது. இந்த புதிய கேலக்ஸி நோட் ஸ்மார்ட்போனையும் விட கேலக்ஸி நோட்-2 ஸ்மார்ட்போன் பெரிய திரையை கொண்டதாக இருக்கும் என்று நாடி துடிப்பை அதிகமாக்கும் தகவல்களும் வெளியாகி உள்ளன.

கேலக்ஸி நோட் ஸ்மார்ட்போனில் 8 மெகா பிக்ஸல் கேமரா கொடுக்கப்பட்டிருந்தது. கேமரா வசதியில் கேலக்ஸி நோட்-2 ஸ்மார்ட்போன், கேலக்ஸி நோட் ஸ்மார்ட்போனை மிஞ்சும் என்று எதிர்பார்க்கப்படுகிறது.

கேலக்ஸி நோட்-2 ஸ்மார்ட்போன் 12 மெகா பிக்ஸல் கேமராவினை கொண்டதாக இருக்கும். இந்த ஸ்மார்ட்போன் ஜெல்லி பீன் ஆப்பரேட்டிங் சிஸ்டம் அப்டேஷன் கொண்டதாகவும் இருக்கலாம்.

இப்படி பல எதிர்பார்ப்புகளை உள்ளடக்கியதாக இந்த கேலக்ஸி நோட்-2 ஸ்மார்ட்போன் உள்ளது. இந்த எதிர்பார்ப்புகள் பற்றிய அதிகார பூர்வமான தகவல்கள் இன்னும் ஏதும் வெளியாகவில்லை. இங்கே கூறியது போல அக்டோபர் மாதம் இந்த ஸ்மார்ட்போன் வெளியானால், இதன் தொழில் நுட்ப விவரங்கள் மற்றும் விலை பற்றிய தகவல்களும் வெளியாகும்.