சியாமி மிநோட் 2 ஸ்மார்ட்போன் குறித்த முக்கிய தகவல்கள்

சியாமி மிநோட் 2 அறிமுகமாகும் தேதி என்ன தெரியுமா?

சியாமி நிறுவனம் தனது புதிய தயாரிப்பான சியாமி மிநோட் 2வை அறிமுகப்படுத்தும் தேதியை இன்னும் ஓரிரு நாட்களில் அதிகாரபூர்வமாக அறிவிக்கவுள்ளது. மேலும் அந்த அறிவிப்பில் இன்னும் இந்த போன் குறித்த முக்கிய தகவல்கள் வெளிவரும் என எதிர்பார்க்கப்படுகிறது. அனேகமாக செப்டம்பர் 14-ல் வெளியாக அதிக வாய்ப்புகள் இருப்பதாக கூறப்படுகிறது.

சியாமி மிநோட் 2-ல் எத்தனை மாடல்?

இந்த ஸ்மார்ட்போன் இரண்டு வகைகளில் வெளியாகும் என எதிர்பார்க்கப்படுகிறதூ. ஒன்று சியாமி ஃபிளாக்ஷி. இதில் ஸ்னாப்டிராகன் 821 பிராஸசர் மற்றும் 6 GB ரேம் கொண்டதாக இருக்கும் என்றும் இன்னொன்று ஸ்னாப்டிராகன் 820 பிராஸாசர் உடன் 4 GB ரேம் கொண்டது என்றும் எதிர்பார்க்கப்படுகிறது.

டிஸ்ப்ளே எப்படி இருக்கும் தெரியுமா?

2K வளைவு டிஸ்ப்ளெ கொண்ட இந்த மாடல் ஸ்மார்ட்போனில் QHD 2560 x 1440 பிக்சல் மற்றும் 5.7- இன்ச் டிஸ்ப்ளேவும் இருக்கும் என கூறப்படுகிறது. மேலும் சாம்சங் நிறுவனத்தின் அமோல்ட் பேனலும் இதில் அமைந்துள்ளது.

கேமிராவில் என்னென்ன அம்சங்கள் இருக்குது தெரியுமா?

இதுவரை வெளிவந்துள்ள தகவலின்படி பார்த்தால் சியாமி மிநோட் 2 ஸ்மார்ட்போனில் 13 எம்பி சென்சார் பின்புற கேமிரா உள்ளது. மேலும் இதில் டூயல் கேமிரா வசதி இருக்கும் என எதிர்பார்க்கப்படுகிறது.

அதெல்லாம் சரி, இந்த போன் என்ன விலை?

இவ்வளவு வசதிகள் உள்ள சியாமி மிநோட் 2 ஸ்மார்ட்போன் இந்திய மதிப்பில் ரூ.30,000 இருக்கும் என எதிர்பார்க்கப்படுகிறது. இந்த தகவல் உண்மையெனில் இதுதான் சியாமி நிறுவனத்தின் விலையுயர்ந்த ஸ்மார்ட்போனாக இருக்கும் என்பது குறிப்பிடத்தக்கது.