முதன்முதலாக ஆப்பிள் உருவாக்கி வரும் டிரான்ஸ்பேரண்ட் ஐபோன்.!

டெக்னாலஜி:

ஆப்பிள் ஐபோன் உள்பட இதுவரை வெளிவந்த அனைத்து போன்களிலும் உள்ளே என்னென்ன இருக்கின்றது என்பதை வெளியில் இருந்து பார்க்க முடியாது. ஆனால் முதல்முறையாக உள்ளே இருக்கும் பொருட்களை பார்க்கும் வகையில் உள்ள டெக்னாலஜி அடங்கிய மாடலை ஆப்பிள் வெளியிட உள்ளதாம். டிஸ்ப்ளே வழியாக இதுவரை நாம் மற்ற விஷயங்களை மட்டுமே பார்த்து வந்தோம்.

ஆனால் முதல்முறையாக டிஸ்ப்ளே வழியாக போனின் உள்ளே இருக்கும் பாகங்களையும் வாடிக்கையாளர்கள் பார்க்கும் வகையிலான பேடண்ட் உரிமையை ஆப்பிள் பெற்றுள்ளதாம். அதாவது கிட்டத்தட்ட டிரான்ஸ்பேரண்ட் மாதிரியான டெக்னாலஜி பயன்படுத்தப்பட உள்ளதாக கூறப்படுகிறது.

இந்த போனின் லுக் எப்படி இருக்கும்?

உள்ளே இருக்கும் பொருட்களை பார்க்கும் வகையில் என்றால் ஒரு சிறிய ஓட்டை இருக்கும் என்றும் அதன் மூலம் பார்க்கலாம் என்று ஒருசிலர் அர்த்தம் புரிந்து கொள்கின்றனர். அப்படி கிடையாது. OLED டிஸ்ப்ளேவை அடுத்து ஒரு பவர்புல் கண்ணாடி இருக்கும்.

அந்த கண்ணாடியின் மூலம் உள்ளே இருக்கும் பொருட்களை பார்க்க முடியும். உள்ளே உள்ள பொருட்கள் மட்டுமின்றி போனின் மறுபுறம் உள்ள உங்கள் கையையும் பார்க்க முடியும் என்றால் இதன் லுக் எப்படி இருக்கும் என்பதை உங்கள் கற்பனைக் குதிரையை ஓட விட்டு பார்த்து கொள்ளுங்கள்

லுக் ஓகே, அப்ளிகேசனின் வித்தியாசம் இருக்குமா?

AR features என்று சொல்லக்கூடிய Augmented reality இந்த ஆப்பிள் ஐபோன் 8ல் இதுவரை இல்லாத வகையில் அதிநவீன டெக்னாலஜி பயன்படுத்தப்பட்டுள்ளதாகவும், இந்த போனின் அப்ளிகேசன் அனைத்துமே இதுவரை வேறு எந்த போனிலும் கேள்வியே பட்டிராத வகையில் இருக்கும் என்றும் வதந்திகள் வெளிவந்து கொண்டிருக்கின்றன.

ஆனால் அதே நேரத்தில் ஆப்பிள் இதுபோன்ற வசதிகளுடன் தான் ஆப்பில் ஐபோன் 8 வருகிறது என்ற எந்த கேரண்டியையும் இதுவரை அதிகாரபூர்வமாக தெரிவிக்கவில்லை என்பதும் குறிப்பிடத்தக்கது.

புதிய ஸ்மார்ட்போன் கருவிகளை சலுகை விலையில் வாங்க கிளிக் செய்யுங்கள்